Items filtered by date: Ахаша, 29 Цәыббра 2021

Аҟәа. Цәыббрамза 29, 2021 шықәса. Аԥсныпресс. Аԥсны аминистрцәа Реилазаара аҿы «Аԥсны Аҳәынҭқарра иахьаҵанакуа Евразиатәи аекономикатә еидгылара адәныҟаекономикатә усура атауартә номенклатура ахархәара азы» Ақәҵара рыдыркылеит.

Аԥсны аҳәынҭқарратә ҳазылхратә Еилакы Евразиатәи аекономикатә еидгылара адәныҟаекономикатә усура атауартә номенклатура аҳазылхратә усбарҭақәа русура алагаларазы ихымԥадатәиу апрограмматә хархәагақәа рзы атехникатә ҭаххрақәа ралкаара азы адҵа аҭоуп.

Евразиатәи аекономикатә еидгылара адәныҟаекономикатә усура атауартә номенклатура ахархәара инамаданы, ԥхынгәымза 1, 2022 шықәса рҟынӡа Аԥсны Аҳәынҭқарра аҳазылхратә ҳәаа ала атауарқәа рыиагара аамҭаԥҵәа аҭара алзыршо анорма-зинтә шәҟәынҵақәа рахь аиҭакрақәа реиқәыршәареи, анаҩс ашьақәырӷәӷәаразы аминистрцәа Реилазаара ахь анашьҭреи хымԥадатәиуп.

Икьыԥхьуп АЖӘАБЖЬҚӘА

Аҟәа. Цәыббрамза 29, 2021 шықәса. Аԥсныпресс. Аминистрцәа Реилазаара аҿы «Аԥсны Аҳәынҭқарра атәылауаа аҳәынҭқарратә нхарҭатә фонд аҟынтәи ахатәрахь аиагараан анхарҭа ахәԥса ашәараан азинҷыда рзаԥҵара азы» Ақәҵара рыдыркылеит.

Иарбоу Ақәҵара инақәыршәаны, 30-ҩык   арепатриантцәа – 1992-1993 шш. Аџьынџьтәылатәи еибашьра аветеранцәа  аҳәынҭқарратә нхарҭатә фонд аҟынтәи хатәрахь аиагараан анхарҭа ахәԥса ашәара аҟынтәи зынӡа рхы иақәиҭтәхоит.

Ари азинҷыда аиура иашьҭан 34-ҩык. Аха ԥшь-ҩык рыла хазы игоу аӡбамҭақәа рыдкылахоит.

Икьыԥхьуп АЖӘАБЖЬҚӘА

Аҟәа. Цәыббрамза 29, 2021 шықәса. Аԥсныпресс. Аԥсны аминистрцәа Реилазаара аҿы   2022 шықәсазы Аԥсны асоциал-економикатә ҿиара азы аиндикативтә План шьақәдырӷәӷәеит.  Аусшәҟәы адгалара мҩаԥылгеит атәыла аԥыза-министр ихаҭыԥуаҩ, аекономика аминистр Кристина Озган.

«Аԥсны Аҳәынҭқарра 2022 шықәсазы асоциал-економикатә ҿиара азы аиндикативтә План апроект анаплакқәеи аиҿкаарақәеи 2020 шықәсазы, иара убас  2021 шықәса актәи аԥшьбарк азы фактла ишьақәыргылоу арбагақәа рыла ишьаҭаркуп», - ҳәа адырра ҟалҵеит лара.

Икьыԥхьуп АЖӘАБЖЬҚӘА

Аҟәа. Цәыббрамза 29, 2021 шықәса. Аԥсныпресс.  Жьҭаарамза, 2021 шықәса инаркны Атәанчаҩратә Фонд урыстәылатәи атәанчахәы змауа хазы игоу атәанчаҩцәа рзы иназыцҵоу ашәатәқәа ирыцнаҵоит.

Иҟоу адыррақәа рыла, атәанчахәқәа рзы иназыцҵоу ашәатәқәа ирыцҵахоит абарҭ акатегориақәа ирыҵанакуа атәанчаҩцәа рзы:

2500 мааҭ рҟынӡа иацҵахоит ақәрала ироуа асоциалтә тәанчахәы;

Икьыԥхьуп АЖӘАБЖЬҚӘА

Аҟәа. Цәыббрамза 29, 2021 шықәса. Аԥсныпресс. Урыстәылатәи Афедерациа Афедерациа Ахеилак Афералтә Еизара Ахантәаҩы Валентина Матвиенко Аԥсны Жәлар Реизара-Апарламент Аиҳабы Валери Кәарҷиа аҳәынҭқарратә ныҳәа -  Аиааиреи Ахьыԥшымреи Рымшныҳәа идылныҳәалеит.

Адныҳәаларатә шәҟәы аҟны, ахәҭакахьала иазгәаҭоуп: 

«Ҳаҭыр зқәу Валери Ермеи-иԥа! Урыстәылатәи Афедерациа Афедерациа Ахеилак Афералтә Еизара ахьӡалеи хаҭала сара сҟынтәии аҳәынҭқарратә ныҳәа -  Аиааиреи Ахьыԥшымреи Рымшныҳәа инамаданы ишәыдышәкылар сҭахуп гәык-ԥсыкала иҟаҵоу адныҳәалара. 

Ҳҳәынҭқаррақәа рыжәларқәа ҭоурыхла иӷәӷәоу аимабзиаратә еизыҟазаашьақәа рыла еимадоуп, урҭ ианакәызалакгьы аиҩызареи аидгылареи рыбжьан. Агәра ганы сыҟоуп, ари аимадара Аԥсни-Урыстәылеи ирыбжьоу агәреибагареи аилибакаареи рыла ишьаҭарку аимабзиаратә еизыҟазаашьақәа аринахысгьы хра злоу рыҿиара ишацхаауа.

Икьыԥхьуп АЖӘАБЖЬҚӘА

Аҟәа. Нанҳәамза 29, 2021 шықәса. Аԥсныпресс. Аԥснытәи аҳәынҭқарратә музеи адиректор Аркади Џьопуа  напхгара зиҭо аԥснытәи аделегациа «Нхыҵ Кавказ акультуратә ҭынха амилаҭбжьаратәи аинаалара афактор аҳасабала" ҳәа хыс иаманы  цәыббрамза 23- 26 рзы Геленџьык ақалақь аҿы имҩаԥысуаз VII Жәларбжьаратәи анаукатә форум ахы аланархәит. 

Аԥснытәи аделегациа афорум аҿы сынтәа 160 шықәса зхыҵраны иҟоу аҟәатәи алашарбага иазку ажәахә ала иқәгылеит.   Иара убас, Аԥсны акультура аминистр Гәыдиса Агрба иҟынтәи афорум аиҿкааҩцәеи алахәылацәеи рыхьӡала иаашьҭыз адныҳәаларатә шәҟәы иаԥхьан. 

Аркади Џьопуа аԥснытәи аҳәынҭқарратә музеи ахаҭарнакцәа ари афорум алахәхаразы лассы-лассы иаарыԥхьоит ҳәа иазгәеиҭеит.

«Ари афорум Нхыҵ Кавказ ахи аҵыхәеи рҟынтәи аспециалист шьахәқәа ахьалахәу акыр аинтерес аҵаны иҟалоит. Аусура мҩаԥган атематикатә секциақәа ԥшьба рыла, аинтерес ду зҵоу атемақәа рацәан. Аҭоурых, археологиа, акультурологиа, аполитологиа, уҳәа ахырхарҭақәа рыла ахшыҩзышьҭра ҷыда зуҭаша ажәахәқәа ҟаҵан. Ажәахәқәа рышьҭахь урҭ рылацәажәара мҩаԥысуан», - ҳәа иҳәеит Аркади Џьопуа.

Икьыԥхьуп АЖӘАБЖЬҚӘА

Аҟәа. Цәыббрамза 29, 2021 шықәса. Аԥсныпресс. Аԥсны Жәлар Реизар-Апарламент адепутатцәа актәи аԥхьараҿы «Афинанстә нардкылареи (ализинг) азы» азакәан апроект рыдыркылеит.

Аусшәҟы адгалара мҩаԥылгеит Апарламент аҿы Аҳәынҭқарра Ахада есымшатәи ихаҭарнак Саида Быҭәба.

«Ари азакәан апроект афинанстә нардкылара (ализинг) аҭышәынтәалара азинтә шьаҭақәа реиӷьтәра хықәкыс иамоуп, афинанстә нардкылара ашьаҭала аҭыжьра ахархәагақәа аинвестициақәа  ралагалара аформақәа рыҿиара, ахатәра азинқәа рыхьчара, аинвестициатә процесс алахәылацәа рзинқәа рыхьчара, аинвестициаҟаҵара аеффективра аизырҳара, уҳәа иазырхоуп», - ҳәа илҳәеит Саида Быҭәба.

Икьыԥхьуп АЖӘАБЖЬҚӘА

Аҟәа. Цәыббрамза 29, 2021 шықәса. Аԥсныпресс.  Аԥсны Жәлар Реизара-Апарламент адепутатцәа ахԥатәи, аҵыхәтәантәи аԥхьараҿы «Аԥсны Аҳәынҭқарра аҿы ашәатәқәа рымҩаԥгараан аконтрол-кассатә техника ахархәара азы» азакәан апроект рыдыркылеит.

Абиуџьет азы аилак Ахантәаҩы Натали Смыр, ари азакәан аҳәынҭқарра азы акыр ихәарҭоуп ҳәа иазгәалҭеит. «Аконтрол-кассатә аппаратқәа рхархәара аекономика ашәшьыра аҵгара, иҟоу аԥареикәшара арҵабыргра, ахашәалахәқәа реилкаара азы алшара аԥнаҵоит.  Убри анаҩс иарбоу азакәан апроект  ашьҭахь ицоит даара аперспективара злоу ашәахтәқәҵара азы ирмариоу асистема азы азакәан апроект», - ҳәа илҳәеит лара.

«Аԥсны Аҳәынҭқарра аҿы ашәатәқәа рымҩаԥгараан аконтрол-кассатә техника ахархәара азы» Азакәан,  хазы игоу ахәҭаҷқәа уахь иналамҵакәа, азакәанмы аиуеит ажьырныҳәамза 1, 2022 шықәса инаркны.

Иарбоу азакәан анагӡара  хықәкыс иҟаҵаны аминистрцәа Реилазаара ажьырныҳәамза 1, 2022 шықәса иахымгакәа азакәанцеиҵатә норматә шәҟынҵақәа реиқәыршәареи рышьақәырӷәӷәареи ахәҭоуп.

Икьыԥхьуп АЖӘАБЖЬҚӘА

Аҟәа. Нанҳәамза 28, 2021 шықәса. Аԥсныпресс. 

Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 478-ҩык, COVID-19 азы адиагноз   131-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп 42 – ҩык апациентцәа, 31-ҩык ргәабзиара аҭагылазаашьа акыр иуадаҩуп, 8-ҩык апациентцәа рҭагылазаашьа бжьаратәуп.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me