Items filtered by date: Ашәахьа, 27 Цәыббра 2021

Аҟәа. Цәыббрамза 27, 2021 шықәса. Аԥсныпресс.  Аԥсны Аҳәынҭқарратә ҳазылхратә Еилакы 30 шықәса ахыҵит.   Иахьа Аҳәынҭқарра Ахад Иусбарҭа аҟны агәышԥтәы дыргақәа «Аԥсны Аҳәынҭқарра ҳаҭыр зқәу аҳазалхҩы» анашьареи Аҳәынҭқарратә ҳазылхратә Еилакы изаамҭанытәиу иҷыдоу ахьӡқәа ранашьареи иазку ацеремониа мҩаԥысит.  

Аҳазалхыҩцәа аиубилеитә рыцхә инамаданы дрыдныҳәалеит Аҳәынҭқарра Ахада Аслан Бжьаниа.  

Адныҳәалараҟны иҳәоуп:

«Ҳаҭыр зқәу Аԥсны Аҳәынҭқарра Аҳазалхатә Еилакы аусзуцәеи аветеранцәеи!

Ишәыдысныҳәалрит аиубилеитә рыцхә, Аԥсны аҳәынҭқарра Аҳазалхратә маҵзура аԥҵоижьҭеи 30шықәса аҵра амш.

Икьыԥхьуп АЖӘАБЖЬҚӘА

Сегодня исполнилось 28 лет со дня освобождения столицы Абхазии Сухума от войск Госсовета Грузии.

Икьыԥхьуп ФОТО

Аҟәа. Цәыббрамза 27, 2021. Аԥсныпресс. Аԥсны Жәлар рпоет, апрозаик, апублицист, Асовет Еидгыла, Аԥсны, Урыстәыла ашәҟәыҩҩцәа Реидгыларақәа рлахәыла, Дырмит Иосиф-иԥа Гәлиа ихьӡ зху Аҳәынҭқарратә премиа алауреат,  «Ахьӡ-Аԥша», аорден III аҩаӡара акавалер Платон Бебиа  иԥсыжра аиҿкаара азы аҳәынҭқарратә комиссиа аԥҵоуп.

Икьыԥхьуп АЖӘАБЖЬҚӘА

Аҟәа. Цәыббрамза 27, 2021. Аԥсныпресс. Иахьа Аԥсны Аҳәынҭқарра аҳҭнықалақь Аҟәа Қырҭтәыла аҳәынҭсовет архәҭақәа рҟынтәи ахақәиҭтәра ҟалеижьҭеи 28 шықәса аҵра амш азгәарҭоит. 

Ахьӡ-Аԥша апарк аҿы 1992-1993 шш. Аԥсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара ацеремониа мҩаԥысит.

Икьыԥхьуп АЖӘАБЖЬҚӘА

Аҟәа. Цәыббрамза 27, 2021 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Аԥсны жәлар Аҟәа ақалақь  Қырҭтәыла Аҳәынҭсовет архәҭақәа рыҟнытә ахы иақәиҭтәхеижьҭеи 28 шықәса аҵра амш рыдиныҳәалеит.

«Акыр иаԥсоу ҳауаажәлар!

Ишәыдысныҳәалоит ҳаҳҭнықалақь Аҟәа Қырҭтәылатәи аҳәынҭсовет аҟынтә ахы иақәиҭтәуижьҭеи 28 шықәса аҵра амш. 1993 шықәсазы цәыббрамза 27 аҽны акыр аԥсҭбарақәа ахҭынҵаны ақәылаҩ куакьцыԥхьаӡа импыҵхуа, ажәыларақәа ианрылага рнаҩс 11 мшы ааҵуанеиԥш, ҳара ҳархәҭақәа Аԥсны аҳҭнықалақь Аҟәа ахы  иақәиҭыртәит, Аԥсны аҳәынҭқарратә бираҟ ахадыргылеит. 

Икьыԥхьуп АЖӘАБЖЬҚӘА

Аҟәа. Цәыббрамза 27, 2021 шықәса. Аԥсныпресс. Аӡбаҩцәа аквалификациатә коллегиа Иреиҳаӡоу Аӡбарҭа ахантәаҩы Манана Делба лыԥхьатәара азы еицҿакны аӡбамҭа рыдыркылеит.

Аӡбамҭа «Аӡбаратә мчра азы» Аԥсны Аҳәынҭқарра Аконституциатә закәан ахәҭаҷ 131 ахәҭа  1, иара убас ахәҭаҷ 130, ахәҭа  1, апункт  1 инақәыршәаны ирыдыркылеит. 

Икьыԥхьуп АЖӘАБЖЬҚӘА

Аҟәа. Цәыббрамза 27, 2021 шықәса. Аԥсныпресс. Аԥсны Аҳәынҭқарратә ҳазылхратә Еилакы аҿы рмаҵуратә уалԥшьа анагӡараан иҭахаз аусзуҩцәа рмемориал аартра иазку ацеремониа мҩаԥысит. Ари аусмҩаԥгатә  аҳазылхратә усбарҭақәа раԥҵара амш 30-шықәса ахыҵра иадҳәалахеит.

Аҳәынҭқарратә ҳазылхратә Еилакы ахантәаҩы Оҭар Хьециа цәыббрамза 27 акыр зҵазкуа ахҭысқәа ҩба - Аҟәа ақалақь ахақәиҭтәреи  аҳазылхҩы Имшныҳәеи еидызкыло рыцхуп ҳәа инаҵшьны иазгәеиҭеит.

Икьыԥхьуп АЖӘАБЖЬҚӘА

Аҟәа. Цәыббрамза 27, 2021 шықәса. Аԥсныпресс. Аахыҵ Уаԥстәыла Ахада Анатоли Бибилови Аԥсны Аҳәынҭқарра Ахада Ихаҭыԥуаҩ Бадра Гәымбеи Гагра ақалақь аҿы игылоу 1992-1993  шш. Аахыҵ Уаԥстәылантәи иааны Аԥсны еибашьуаз, иҭахаз аибашьцәа рбаҟа амҵан ашәҭ шьыҵәрақәа шьҭарҵеит.    

Икьыԥхьуп АЖӘАБЖЬҚӘА

Аҟәа. Цәыббрамза 27, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны Аҳәынҭқарра Атәылахьчара Аминистрра аилазаара Аиааира амш 28 шықәса ахыҵра рыдиныҳәалеит.

Адныҳәаларатә цҳамҭа аҿы, ахәҭакахьала  иазгәаҭоуп:

«Аҩызцәа аофицарцәа!

Ҳара ҳтәыла аҭоурых адаҟьақәа рҿы ирацәоуп ҳҳәынҭқарра аиқәырхареи ашьақәгылареи  рыҟны аҵакы ӷәӷәа змоу арыцхәқәа. Жәаҳәарада, ҳара ҳзы аныҳәақәа зегьы ирныҳәоуп - 1992-1993 шш.  Аԥсны Аџьынџьтәылатә еибашьраҿы игаз Аиааира Амш.

Аԥсны иҟаӡам ҭаацәарак, аибашьра агәаҟра ззаанамгаз, ирацәаҩуп  иреиӷьыз Аԥсны арԥарцәеи аҭыԥҳацәеи рыҩныҵҟа ари амш зыԥсҭазаарақәа ахҭнызҵаз. 

 Зегьы ҳара иаҳҿагылан.  Адунеитә уаажәларра иаартны Қырҭтәыла иадгыланы ҳпозициа алаҳәаразы азин ҳамырхырц иаҿын. Ҳамчқәа зегьы еибыҭаны, аӡәк еиԥш ҳанеидгыла, ҳажәлар ирылшеит иҟаз аԥынгылақәа зегьы риааира. Аамҭа хьанҭа ҳашҭагылазгьы, иаарласны арратә напхгареи архәҭақәеи реиҿкаара ҳалшеит. Аԥсны Аҳәынҭқарра Арбџьармчқәа еиҿкаау еилазаарак аҳасабала рхы аадырԥшит, адгьыл аҟнеиԥш, аҳауаҟны, аӡаҟны иарбанзаалак ицәырҵуаз аҳасабтәқәа рыӡбара рылшеит.

Икьыԥхьуп АЖӘАБЖЬҚӘА

.Аҟәа.  Цәыббрамза 27, 2021 шықәса. Аԥсныпресс.  Аԥсны аԥыза-министр Алеқсандр Анқәаб аунитартә наплакы «Аҟәатәи Автотранспорттә Наплакы» адиректор Леонид Шәлымба, адиректор ихаҭыԥуаҩ Галина Шларбеи анаплакы аҳасабеилыргаҩы  хада Инга Қаԥбеи идикылеит.  

Аминистрцәа Реилазаара аофициалтә саит аҿы иҟоу адыррақәа рыла, аиԥылара аҿы анаплакы автопарк аныҟәгара иацу апроблемақәа, уи ауааԥсыра  ишахәҭоу ала ауаажәларратә транспорт ала реиқәыршәара азы арҿыцра азҵаарақәа ирылацәажәеит.

Аиԥылара аҿы  ишазгәаҭаз ала, анаплакы акредитортә уал  6 млн мааҭ иреиҳауп. Уи ашәахтәқәа, еиуеиԥшым абиуџьеҭнҵыҵтәи афондқәа рахь ахыхтәқәа, аресурстә еиҿкаарақәеи (аӡыканал уҳәа егьырҭгьы), иара убас аныхтә материалқәеи атранспорт азы аԥсахга хәҭақәеи раагаҩцәеи рҿаԥхьа иақәу ауал ауп.

Икьыԥхьуп АЖӘАБЖЬҚӘА

Аҟәа. Цәыббрамза 27, 2021 шықәса. Аԥсныпресс.  Курск ақалақь аҿы инхоз, 1981 шықәса рзы ииз Белозиоров Сергеи Анатоли-иԥа иахьа, Афон Ҿыц ақалақь аҿы амшын аҿы иҽшикәабоз аӡы дагеит. Абри азы адырра ҟанаҵоит Аԥсны Аҳәынҭқарра иҷыдоу аҭагылазаашьақәа рзы Аминистрра аофициалтә саит.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me