Items filtered by date: Аԥшьаша, 27 Ажьырныҳәа 2022

Аҟәа. Ажьырныҳәамза 27, 2022 шықәса. Аԥсныпресс. Аԥсны аԥыза-министр Алеқсандр Анқәаб атәыла Анапхгара ала ишьақәырӷәӷәоу 2022 шықәсазы агәабзиарахьчара Аминистрра Ахылаԥшырҭатә хықәкытә программақәа даара акрыӡа аҵанакуеит ҳәа иԥхьаӡоит.

Апрограмма «Аԥсны Аҳәынҭқарра аҿы инхо, зҷаҷа аусура ԥку ауаа рзы аҷаҷахарҭәааратә терапиа аиҿкаареи аиӷьтәреи рзы» Апрограмма аганахьала, атәыла аԥыза-министр иҳәеит:  «Арҭ апациентцәа рзы имҩаԥырго апроцедурақәа (гемодиализ – аред. АП) мариаӡам, уи баша  ахәра аҿаҳәара иаҩызаӡам. Ҳара ҳхықәкы еилкаауп ахәышәтәра аҩаӡара ҳаракызароуп, ачымазцәа гәцаракрыла рызнеира хымԥадатәиуп. Хәшәыла аиқәыршәара иадҳәалоу ауадаҩрақәа ҟамлароуп, ачымазцәа рхала иҩуа аптекақәа рҿы ахәшәқәа ирышьҭамлароуп, агәараангьы иқәымгылароуп».

Аҟәа. Ажьырныҳәамза 27, 2022 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 1107-ҩык, COVID-19 азы адиагноз 583-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп  72  – ҩык апациентцәа, 19 -ҩык ргәабзиара аҭагылазаашьа акыр иуадаҩуп, 53 -ҩык апациентцәа рҭагылазаашьа бжьаратәуп.

Аҟәатәи аинфекциатә хәышәтәырҭа аҿы ишьҭоуп 39-ҩык апациентцәа, 20-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 13-ҩык, Гагратәи араионтә хәышәтәырҭа Хада аҿы – 23-ҩык, аӡәы игәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 9 - ҩык апациентцәа.