Items filtered by date: Асабша, 22 Ажьырныҳәа 2022

Аҟәа. Ажьырныҳәамза 22, 2022 шықәса. Аԥсныпресс. Иахьа Тамш ақыҭан иҟоу аемпинг «Тамшь-Village» аҟны иаатит жәларбжьаратәи иаарту ашахматтә рапид-турнир «Аԥсны. Тамшь-Village 2022».

Атурнир иалахәы бзиала шәаабеит ҳәа раҳәо, Аԥсны ашахматқәа Рфедерациа апрезидент Константин Ҭыжәба  иҳәеит: «Ишәыдысныҳәалоит зегьы раԥхьатәи иаарту жәларбжьаратәи арапид-турнир «Тамшь-Village»  аартра, ишәзеиӷьасшьаргьы сҭахуп ақәҿиарақәеи аихьӡарақәеи».

Атурнир аартра иазку ацеремониа рхы аладырхәит атәыла аҵарадырреи абызшәатә политикеи рминист Инал Габлиеи аспорт азҵаарақәа рзы Аԥсны Аҳәынҭқарра Ахада иабжьгаҩ Ахра Ашәбеи.

Аҿари аспорти рзы аҳәынҭқарратә Еилакы аспорт аҟәша аиҳабы Жанна Занҭариа еизаз атурнир аартра рыдылныҳәалеит, уи иара убас атурнир «Аԥсны. Тамшь- Village 2022» есышықәса амҩаԥгара традицианы ишышьақәгылахо азгәелҭеит. 

Аҟәа. Ажьырныҳәамза 22, 2022 шықәса. Аԥсныпресс. Аԥсны Аҳәынҭқарра Ахада Ихаҭыԥуаҩ  Бадра Гәынба Ҭырқәтәыла иҟоу аԥсуа культуратә Центрқәа Рфедерациа ахаҭарнакцәа идикылеит, ҳәа адырра ҟанаҵоит Аҳәынҭқарра Ахада  Иусбарҭа апресс-маҵзура.

Аиԥылара иалахәыз аԥсуа бызшәеи акультуреи реиқәырхара, Ҭырқәтәыла иҟоу аԥсуа диаспореи урҭ рҭоурыхтә ԥсадгьыли рыбжьара  аимадара аҳәаақәа рырҭбаареи арӷәӷәареи аҿиареи, уҳәа ирыдҳәалоу азҵаарақәа жәпакы ирылацәажәеит.