Items filtered by date: Аԥшьаша, 02 Цәыббра 2021

Аҟәа. Цәыббрамза 2, 2021 шықәса. Аԥсныпресс. Ақәыршҩи аԥшасреи ирыхҟьаны иҵыҩрыз аҵлақәа Очамчыра араион Аӡҩыбжьа ақыҭеи Кындыӷ ақыҭеи рыбжьара Ԥсоуи Егри еимаздо автотрасса ианаҳалеит.  Убри иахҟьаны араҟа аамҭала амашьынақәа рныҟәара аанкылан, ҳәа иаанацҳауеит Аԥсны иҷыдоу аҭагылазаашьақәа рзы Аминистрра апресс-маҵзура.

Очамчыра ақалақь абылра-цәыхьчаратә ҟәша аусзуҩцәа аҳәынҭқарратә автоинспекциа араионтә ҟәша аусзуҩцәеи акоммуналтә нхамҩа аусзуҩцәеи рыцхыраарала икаҳаз аҵлақәа ԥыҟҟаны, амҩа аҟынтәи иқәыргеит, иара убри ала амҩагьы аадыртит. Иарбоу амҩаду ахәҭа аҿы автомашьынақәа рныҟәара инагӡаны еиҭашьақәыргылоуп.

 

Икьыԥхьуп АЖӘАБЖЬҚӘА

Аҟәа. Цәыббрамза 2, 2021 шықәса. Аԥсныпресс.   Аԥсны ажурналистцәа Реидгылеи жәларбжьаратәи амедиа-клуб «Формат-АЗ» апартниортә еизыҟазашьақәа рыбжьалеит. Иарбоу амедиа-клуб агазеҭ «Комсомольскаиа правда» ажурналистцәа рыла ԥхынгәымза 2009 шықәсазы иаԥҵан.

Аҵыхәтәантәи жәашықәса ирылагӡаны амедиа-клуб Таллин, Рига, Вильниус, Кишениов, Минск ақалақьқәа рҿы аинтеллектуалтә еиԥыларақәа жәпакы еиҿнакаауан. Уажәы уи аусура Аԥсны анагӡара иазхиоуп.

Амедиа-клуб аусура апрофессионалтә журналисттә еилазаара аҿы аилибакаара аҩаӡара аизырҳра иазырхоуп. Акырӡа аҵанакуеит ԥыхьатәи Асовет Еидгыла ареспубликақәеи  иааизакны адунеи зегьы аҿи имҩаԥысуа ахҭысқәа рзы аобиективра злоу аинформациа ала аимадара ашьақәыргылара.

Икьыԥхьуп АЖӘАБЖЬҚӘА

Аҟәа.  Цәыббрамза  2, 2021 шықәса. Аԥсныпресс.   Аԥсны аҩныҵҟатәи аусқәа Рминистрра иатәу анаркотикатә маҭәашьарқәа реикәыршара ахылаԥшра азы Аусбарҭа аусзуҩцәа анаркотикатә маҭәашьарқәа рыла «имаӡоу аҭаҵәахқәа» рыҟаҵаразы игәҩароу, аамҭала Аҟәа ақалақь аҿы инхо,   1999 шықәса рзы ииз Саидов Карим –иԥа дааныркылеит, ҳәа иаанацҳауеит Аԥсны аҩныҵҟатәи аусқәа Рминистрра апресс-маҵзура.

Хаҭалатәи агәаҭараан амилициа аусзуҩцәа Карим Саидов идырбалеит иагьимырхит 12 еилаҳәара. Аԥсны аҩныҵҟатәи аусқәа Рминистрра аексперттә криминалисттә Центр аҿы имҩаԥгаз аҭҵаара ала еилкаахеит уи анаркотикатә маҭәашьар «метадон» шаку.   

Икьыԥхьуп АЖӘАБЖЬҚӘА

Аҟәа. Цәыббрамза 2, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсныҟа аусуратә визитла иааны иҟоу Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвачи, афымцамч аминистр ихаҭыԥуаҩ Евгени Грабчаки дырԥылеит.

Аҳәынҭқарра Ахада Урыстәыла анапхгара иҭабуп ҳәа реиҳәеит иҟарҵо ацхыраареи адгылареи рзы. Аслан Бжьаниа дырзааҭгылеит аԥсуа гани урыстәылатәи аделегациеи злацәажәараны иҟаз азҵаарақәа жәпакы.

"Акороновирус иаҿагыланы ақәԥараҟны Аԥсны анапхгара иалшо зегьы ҟанаҵоит уи ахҟьа-ԥҟьақәа маҷхарц азы. Ацхыраара ду ҳарҭоит Урыстәыла анапхгара. Абар уажәшьҭа ҩынтәуп афункциарацәа назыгӡо арратә хәышәтәырҭа Аԥсныҟа иаауеижьҭеи, изныкымкәа аҳақьымцәа рыбригадақәагьы убас. Ҩынтәуп авирус иаҿагылоу авакцина ҳауеижьҭеи, аха авакцина азҵаара макьанагьы атәылаҿы изҵаара хаданы иқәгылоуп, абри азы адырра шәаҳҭарц ҳҭахын. Урыстәыла Ахада Иадминистрациеи  Агәабзиарахьчара Аминистрреи рыҟны иҟоу ауадаҩра атәы  рдыруеит, цәыббрамзазы авакцина анаҩстәи апартиа  Аԥсныҟа иаартә еиԥш  адгылара ҳашәҭар, даара иҭабуп ҳәа шәаҳҳәон", - ҳәа азгәеиҭеит Аҳәынҭқарра Ахада.

Икьыԥхьуп АЖӘАБЖЬҚӘА

Аҟәа. Цәыббрамза 2, 2021ш. Аԥсныпресс.             «Абҵарамза, 2014 шықәса рзы Аԥсни Урыстәылеи рхадацәа аҩ-ҳәынҭқаррак рыбжьара аусеицуреи астратегиатә еиҩызареи рзы Аиқәшаҳҭра рнапы аҵарҩит.   Ари Аиқәшаҳаҭра аҳәаақәа ирҭагӡаны иаку асоциал-економикатә ҿиара аҵакыра аԥаҳҵароуп, уи еиҿурԥшыр зуа аԥҭазааратә ҩаӡара азԥхьагәанаҭоит. Ҳара ҳекономика иамоу алшарақәа Шәара зеиӷьаҟам ала ишәдыруеит, ҳара Урыстәыла адгыларада, аинфраструктура ахь аинвестициақәа ралагарада ԥсыхәа ҳааӡам. Ҳара ҳзы ихымԥадатәны иҟоуп 2022-2025шш. Аԥсны Аҳәынҭқарра асоциал-еконоикатә ҿиара азы   еицышьақәыргылахо Апрограмма. Апрограмма апроект аус адулара Аԥсны аминистрцәа Реилазаара аҿы еиԥш Урыстәылатәи Афедерациа аекономикатә ҿиара Аминистрра аҿгьы имҩаԥысуеит. Ҳара иарбоу аусшәҟәы аредакциак ҳауит, уи аус адулара ҳаҿуп», - Аԥсныҟа аусуратә визитла иааны иҟоу Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвачи, афымцамч аминистр ихаҭыԥуаҩ Евгени Грабчаки дырԥыло абри атәы далацәажәеит Аҳәынҭқарра Ахада Аслан Бжьаниа.

Икьыԥхьуп АЖӘАБЖЬҚӘА

Аҟәа. Цәыббрамза 2, 2021 шықәса. Аԥсныпресс.  Цәыббрамза 1 азы Сҭампыл ақалақь аҿы иаатит афатәқәеи арыжәтәқәеи жәларбжьаратәи рцәыргақәҵа «CNR Food Istanbul».  Арыжәтә џьбарақәеи аҩы атәы здыруеи ирызку II иҷыдоу асекциа аҿы  Аԥсны Ахәаахәҭра-Ааглыхратә Палата алахәхареи аԥснытәи аарыхыҩцәа раалыҵ аӡыргареи азԥхьагәаҭан.   

«Аха, рыцҳарас иҟалаз, Ҭырқәтәыла иҟоу Қырҭтәыла Ацҳаражәҳәарҭа ихьыԥшым аҳәынҭқарра аҳасабала Аԥсны Аҳәынҭқарра иарбоу ацәыргақәҵа алахәхара азы апротест ҟанаҵеит. Убри азы Қырҭтәыла Ацҳаражәҳәарҭа Ҭырқәтәыла адәныҟатәи аусқәа Рминистрра ахь ашәҟәы дәықәнаҵеит.

Икьыԥхьуп АЖӘАБЖЬҚӘА

Аҟәа. Цәыббрамза 2, 2021 шықәса. Аԥсныпресс. Аслан Бжьаниа Вадим Красносельски Приднестровтәи Молдавтәи Ареспублика аԥҵара Амш идиныҳәалеит.

«Аԥсны жәлари Аԥсны Аҳәынҭқарра Анапхгареи рыхьӡала гәык-ԥсыкала ишәыдысныҳәалоит Приднестровтәи Молдавтәи Ареспублика аԥҵара  Амш.  Приднестровтәи ажәлар рфырхаҵареи ргәымшәареи ирыбзоураны рыԥсадгьыл ахьыԥшымра азааргеит. Аԥсны ҳаҭыр дула Приднестровтәи Ареспублика иазыҟоуп, избан акәзар ҳажәларқәа ирзеиԥшу аҭоурыхтә лахьынҵа рымоуп, аҳәынҭқарратә шьқәгылареи аҿиареи рызнеишьа еиԥшуп.  Агәра ганы сыҟоуп, арҭ аизыҟазаашьақәа анаҩстәи ҳусеицура уасхырс ишаиуо.  Гәык-ԥсыкала хаҭала Шәареи Приднестровтәи аиашьаратә жәлари аҭынчреи аизҳазыӷьареи аҭышәынтәалареи шәзеиӷьасшьоит. 

АԤСНЫ АҲӘЫНҬҚАРРА АХАДА АСЛАН БЖЬАНИА».

 

 

Икьыԥхьуп АЖӘАБЖЬҚӘА

Аҟәа. Цәыббрамза 2, 2021 шықәса. Аԥсныпресс.    Аҳәынҭқарратә усзуҩцәеи адепутатцәеи  рхашәлахәқәа, рныхтәқәа, рмазара, иара убас амазаратә ҟазшьа змоу рҭакԥхықәреи адекларациа азура азы азакәан анагӡареи, инагӡоу аусуреи уи  раԥхьатәи алҵшәақәеи дрылацәажәеит Аԥсуа телехәаԥшра апресс-центр аҿы имҩаԥигаз апресс-конференциа аҿы иҳәеит Аԥсны ашәахтәқәеи аизгатәқәеи рминистр Џьансыхә Нанба.

Нанҳәамза 31 рзы, азакәан инақәыршәаны, адекларантцәа рҟынтәи аинформациа алагалара азы иазыԥҵәаз аҽҳәара нҵәеит.   Ари амш аҽны ашәахтәқәеи аизгатәқәеи рзы Аминистрра аспециалистцәа асаит ахь атехникатә наӡара адыркит, шьҭарнахыс аелектронтә база изеиԥшразаалак адыррақәа ралагалара залыршахом.

Икьыԥхьуп АЖӘАБЖЬҚӘА

Аҟәа. Цәыббрамза 2, 2021. Аԥсныпресс.  Иахьа Аԥсныҟа аусуратә визитла иааит Урыстәылатәи Афедерациа аҟынтәи аделегациа. Аԥсны аԥыза-министр ихаҭыԥуаҩ, аекономика аминистр Кристина Озган  Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвичи афымцамч аминистр ихаҭыԥуаҩ Евгени Грабчаки Урыстәылатәи Афедерациеи Аԥсни ирыбжьоу аҳәынҭқарратә ҳәаа аҿы дырԥылеит.

Аԥсны аҳҭнықалақь ахь амҩа иахьықәыз урыстәылатәи аколлегацәа Аԥсны асоциал-економикатә ҿиара ацхыраара аҭара азы Аинвестициатә программа ахарџь ала зеиҭашьақәыргылара мҩаԥысуа асоциалтәи аинфраструктуратәи аобиектқәа гәарҭеит, ҳәа адырра ҟанаҵоит Аԥсны аекономика Аминистрра апресс-маҵзура.  

 

Икьыԥхьуп АЖӘАБЖЬҚӘА

Аҟәа. Цәыббрамза 2, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Арцах ажәлар аҳәынҭқарратә ныҳәа - Ареспублика амш рыдиныҳәалеит. Адныҳәаларатә цҳамҭа аҿы, ахәҭакахьала иазгәаҭоуп:

«Ҳаҭыр зқәу Араиқ Владимир-иҧа!

Аԥсны жәлар рыхьӡала хаҭала сара сыхьӡала ишәыдысныҳәалоит аҳәынҭқарратә ныҳәа - Ареспублика амш. 1991 ш. цәыббрамза 2 рзы арцахәтәи аҳәынҭқарра аргылареи асоциалтә-економикатә ҿиареи, ауаҩы изинқәеи ихақәиҭрақәеи рыхьчареи рзы аамҭа ҽыц хацыркхеит.

Иахьа Арцах иуадаҩу аибашьратә аамҭа иҭагылоуп. Аԥсадгьыл ахақәиҭтәра рхы ақәырҵеит зықьҩыла иреиӷьу арԥарцәеи аҭыԥҳацәеи. Убри аангьы, ҳаҭыр зқәу Араиқ Владимир-иԥа, Шәара зхадараҿы шәыҟоу атәыла анапхгара иалшо зегьы ҟанаҵоит ашәарҭадара алыршаразы, Арцах аҭынчреи аҭышәынтәалареи реиқәырхаразы.

Ҳаҭыр зқәу Араиқ Владимир-иԥа, ишәзеиӷьасшьоит агәабзиара, агәамч, иҳараку, аҭакԥхықәра ду зцу аҳәынҭқарратә маҵзураҿы аихьӡарақәа, Арцах ажәлар зегьы - аҭынчра, ахирра, аизҳазыӷьара".

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me