Items filtered by date: Аԥшьаша, 16 Цәыббра 2021

Аҟәа. Цәыббрамза 16, 2021 шықәса. Аԥсныпресс.  Аполитикатә зҵаарақәеи амассатә информациа ахархәагақәеи рзы   Шьамтәылатәи Арабтәи Ареспублика Ахада иабжьгаҩ Бусаина Шьаабан Дамассктәи иаку анапҟазаратә центр аҿы имҩаԥысуаз ацәыргақәҵа «Шьамтәыла аҭоурыхи ацивилизациеи рҭоурых» ҳәа хыс измоу ацәыргақәҵа аартра даҭааит, ҳәа иаанацҳауеит Аԥсны Аҳәынҭқарра Ахәаахәҭра-Ааглыхратә Палата аофициалтә саит. Уи иара убас ахҭарнакра аҟны зыдгалара мҩаԥгоу аԥсуа ҭыжьыҩцәа аекпорттә хырхарҭа змоу раалыҵ абара хықәкыс иҟаҵаны Шьамтәыла иҟоу Аԥсны Аҳәынҭқарра Ахәаахәҭра-Ааглыхратә Палата Ахаҭарнакрагьы даҭааит.

Икьыԥхьуп АЖӘАБЖЬҚӘА

Аҟәа. Цәыббрамза 16, 2021. Аԥсныпресс.  Урыстәылатәи Афедерациа иҟоу Аԥсны Аҳәынҭқарра Ацҳаражәҳәарҭа аҿы ацҳаражәҳәаҩ Игорь Ахбеи Аԥсны адәныҟатәи аусқәа Рминистрра  иҷыдоу анапынҵақәа рзы ацҳаражәҳәаҩ  Вито Гриттани напхгара зиҭо италиатәи аделегациа ахаҭарнакцәеи реиԥылара мҩаԥысит. 

Ацҳаражәҳәарҭа аҿы Аԥсныпресс ахь иҟарҵо адыррақәа рыла, Игорь Ахба аделегациа ахаҭарнакцәа аԥсшәа реиҳәеит. Аделегациа аилазаара аҿы иҟоуп  аналитикцәа, аполитологцәа, апартиақәа рхаҭарнакцәа, ажурналистцәа.

Икьыԥхьуп АЖӘАБЖЬҚӘА

Аҟәа. Цәыббрамза 16, 2021 шықәса.  Аԥсныпресс.  Аԥсны Аҳәынҭқарра Ахада Аслан Бжьаниа  амчратә еилазаарақәа рнапхгаҩцәа - Аҩныҵҟатәи аусқәа Рминистрра, Аҳәынҭқарратә шәарҭадара амаҵзура, Апрокуратура хада алархәны аусуратә еилацәажәара мҩаԥигеит.

Аилацәажәара иалахәын Аҳәынҭқарра Ахада Иусбарҭа анапхгаҩы ихаҭыԥуаа Саида Быҭәԥҳа, Зураб Қаџьаиа, Ашәарҭадара Ахеилак Амаӡаныҟәгаҩ Сергеи Шамба.

Аиԥылараҿы ирзааҭгылан аҵыхәтәантәи аамҭазы Гагра араион аҟны аҭыԥ змаз ахҭыс иадҳәалаз азҵаарақәа.

Икьыԥхьуп АЖӘАБЖЬҚӘА

Аҟәа. Цәыббрамза 16, 2021 шықәса. Аԥсныпресс. Иаха Аҟәа ақалақь Гәымсҭатәи амҩа ала иҟоу автосервис амца акит. Амцакра арцәара алыршахеит амцарцәаратә гәыԥқәа хԥеи Аҟәа ақалақь аԥшаара-еиқәырхаратә отриад аиқәырхаратә ҟәшаки рымчқәа рыла, ҳәа иаанацҳауеит  Аԥсны иҷыдоу аҭагылазаашьақәа рзы Аминистрра аофициалтә саит.

Иҟалаз ахҭыс иахҟьаны 150 кв. м рҟынӡа инаӡо автобоксқәа хԥеи автомашьынақәа ҩбеи «Mercedes W140», «Honda Fit» блит. .В результате происшествия сгорели три автобокса общей площадью и два автомобиля 

 

 

Икьыԥхьуп АЖӘАБЖЬҚӘА

Аҟәа. Цәыббрамза 16, 2021 шықәса. Аԥсныпресс. Аԥсны аԥыза-министр Алеқсандр Анқәаб Ареспублика Ҟрым аминистрцәа Реилазаара Ахантәаҩы ихаҭыԥуаҩ – Урыстәылатәи Афедерациа Ахада иҟны иҟоу Ареспублика Ҟрым есымшатәи Ахаҭарнак, Аԥсны Аҳәынҭқарреи Ареспублика Ҟрыми  рыбжьара ахәаахәҭра-економикатәи, анаука-техникатәи, агуманитартәи усеицура азы Анапхгарабжьаратәи акомиссиа ацхантәаҩы Георги  Мурадов диԥылеит.

Аиԥылара ихы алаирхәит атәыла аԥыза-министр актәи ихаҭыԥуаҩ, ақыҭанхамҩа аминистр, аԥсуа-ҟрымтәи акомиссиа ацхантәаҩы Беслан Џьопуа.

Икьыԥхьуп АЖӘАБЖЬҚӘА

Аҟәа. Цәыббрамза 16, 2021 шықәса. Аԥсныпресс.  Аԥсны аԥыза-министр Алеқсандр Анқәаб аԥсыӡнхамҩа азы Афедералтә агентра Азов-Мшынеиқәатә территориалтә усбарҭа анапхгаҩы Игорь  Рулиов  дидикылеит.

Аиԥылара рхы аладырхәит аԥыза-министр актәи ихаҭыԥуаҩ, ақыҭанхамҩа аминистр Беслан Џьопуеи атәыла ақыҭанхамҩа аминистр ихаҭыԥуаҩ Артур Сарибекиани.

Атәыла Анапхгара апресс-маҵзура иҟанаҵо адыррақәа рыла, аиԥылара аҿы Амшын Еиқәа аҿы аԥсыӡкра аусхкы иадҳәалоу азҵаарақәа жәпакы ирылацәажәеит. Урҭ иреиуоуп аӡәытә биологиатә ресурсқәа реиқәырхара рзы аҳәынҭқарратә хылаԥшара алыршареи аԥсыӡқәа рыхкырацәа ашьақәыргылареи рзы иманшәалоу аҭагылазаашьақәа раԥҵара.

Аганқәа анапхгарабжьаратәи аизыҟазаашьақәа  рыҩаӡара аҿы аиамадара абжьаҵареи, Урыстәылатәи Афедерациа иатәу аԥсыӡкратә флот аӷбақәа рыла Аԥсны Аҳәынҭқарра аиурисдикциа иаҵанакуа аӡқәа рҿы аԥсыӡкра аусхкы амҩаԥгареи ирыдҳәалоу азҵаарақәа рзы еиқәшаҳаҭхеит.

 

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me