Items filtered by date: Ахаша, 15 Цәыббра 2021

Аҟәа. Цәыббрамза 15, 2021 шықәса. Аԥсныпресс. Аԥсны аҵыхәтәантәи аамҭазы абылтәи ахьшьтәи рыхәԥсақәа халеит. Ари афакт ауаажәларратә транспорт ала аныҟәара азы ахәԥсақәа ишырнырыз аилкаара иҽазишәеит Аԥсныпресс акорреспондент Дамеи Касланӡиа.   

***

Ашьжьымҭан сара аусурахь Афонҿыцынтәи Аҟәаҟа сааит. Аҟәатәи авокзал ҳаназааигәаха сара амашьынарныҟәцаҩ амҩақьыразы сиазҵааит.  Исоуз аҭак ала уи -  150 мааҭ иркуазаап, убри аан ааигәанӡа 100 мааҭк иркуан. Авокзалынтәи сусуранӡа анаӡаразы ақалақьҩныҵҟатәи амаршруттә таки сақәтәар акәын.  Ара ахәԥса шыҟац иаанханы иҟоуп макьаназы – 20 мааҭ.  Сара аныҟәцаҩ сиазҵааит ақалақь аҩныҵҟа иныҟәо амаршруттә таксиқәа  рыла аныҟәара азы ахәԥсақәа ирызҳараны иҟоума ҳәа сиазҵааит. «Ааи, ааигәа ишьҭыҵраны иҟоуп!», - ҳәа сызҵаара аҭак ҟаиҵеит иара. Ишдыру еиԥш, амаршруткақәа рӷьырак аџьармыкьа аҟынтәи Мрагыларатәи Аԥсны аганахьала идәықәлоит. Уаҟа, амаршруткақәа рныҟәцаҩцәа санрыҿцәажәа еилыскааит Аҟәа инаркны Дранданӡа амҩақьыра шаҟа иркуа еилыскааит. Уи 50 мааҭ рҟынтәи 70 мааҭ рҟынӡа ихалеит.  Агәыӡеранӡа амҩақьыра 30 мааҭ рҟынтәи 50 мааҭ рҟынӡа ихалеит.

Икьыԥхьуп АЖӘАБЖЬҚӘА

Аҟәа. Цәыббрамза 15, 2021 шықәса. Аԥсныпресс. Ашәахтәқәеи аизгатәқәеи рминистр Џьансыхә Нанбеи акоммерциатә банк «АМРА-БАНК»  анапхгараҭара ахантәаҩы Нестор Дамениеи «Аусеицуреи аинформациатә еицхыраареи рзы» Аиқәшаҳаҭра рыбжьарҵеит. Уи ашәахтәқәеи аизгатәқәеи рзы  Аԥсны Аҳәынҭқарра азакәанԥҵара  ахылаԥшра аҭара ахықәкы хаданы иҟоуп.

Икьыԥхьуп АЖӘАБЖЬҚӘА

Аҟәа. Цәыббрамза 15, 2021 шықәса. Аԥсныпресс. Цәыббрамза 16-17 рзы Аҟәа ақалақь аҿы аԥсыӡтә нхамҩа азы Аԥсны-Урыстәылатәи акомиссиа абыжьбатәи асессиа мҩаԥыслоит.  

Ареспублика Аԥсни Урыстәылатәи Афедерациеи Рнапхгарақәа жьҭаарамза 16, 2010 шықәса рзы аԥсыӡтә нхамҩа аусхкы аҿы аусеицуразы ирыбжьарҵаз Аиқәшаҳаҭра инақәыршәаны,  Акомиссиа аилатәарақәа ианаҭахха аамҭазы инеимда-ааимданы аҩ-ҳәынҭқаррак иахьаҵанакуа имҩаԥысуеит.

Акомиссиа аусура аҳәаақәа ирҭагӡаны аганқәа амшынеиқәатә регион аҿы аквакультуреи аԥсыӡкреи рҭагылазаашьа, аӡытә биоресурсқәа рыкреи, аквакультура аалыҵ ашәагаақәа, иарбоу аамҭахәҭа азы аԥсыӡнхамҩатә усбарҭақәа рыбжьара анаука-техникатә усеицура аплан анагӡара, уҳәа иадҳәалоу азҵаарақәа ирылацәажәараны иҟоуп.

Икьыԥхьуп АЖӘАБЖЬҚӘА

Аҟәа. Цәыббрамза 15, 2021 шықәса. Аԥсныпресс. Чечентәылатәи Ареспублика аҟынтәи агәабзиарахьчара Аминистрра ҳамҭас иаҭаз ирласу амедицинатә цхыраара амашьынақәа ҩба Очамчыратәи араионтә хәышәтәырҭеи Афонҿыцтәи ахәышәтәырҭеи иазоурыжьит.

Амашьынақәа рыҭара иадҳәалаз агәырӷьаратә церемониа рхы аладырхәит Очамчыра араиони Афон Ҿыц Ахадареи рхадацәа Беслан Бигәааи Ҭемыр Оҭырбеи, ахәышәтәырҭақәа рҳақьым хадацәа Мадонна Кьышьмариеи Луиза Арӡынбеи.

Амашьынақәа рцыԥхақәа рыҭара хаҭала имҩаԥигеит атәыла агәабзиарахьчара аминистр Едуард Быҭәба.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me