28 Ажьырныҳәа 2022

Items filtered by date: Ашәахьа, 08 Абҵара 2021

Аҟәа. Абҵарамза 8, 2021 шықәса. Аҧсныпресс.  Аҳәынҭқарра Ахада Ҭҟәарчал араион актив алархәны анҭыҵтәи аилатәара мҩаҧигеит.

Аҭыҧантәи аусбарҭақәа рхаҭарнакцәа ҳазҭоу ашықәс 9-мызтәи русура аҳасабырба ҟарҵеит, Аҧсны Аҳәынҭқарра асоциал-економикатә ҿиара ацхрааразы Аинвестициатә Программа  амҩаҧысшьа иалацәажәеит. 

«Ҳазҵаарақәа зегьы зыруадаҩуа акәны иҟоуп ақыҭанхамҩаҟны, ааглыхраҟны, атранспорттә уҳәа егьырҭ аусхкқәа  рыҟны аҿиара ахьыҟам. ҿыцла аусушьа ҳҵароуп, Аҧснеиҧш, Урыстәылантәи аџьармыкьаҟны хархәара змоу аалыҵ ҟаҳҵалароуп. Уи ҟаҵашьас иамоузеи? Зегьы ҳалшарақәа еибаҳҭароуп, раҧхьа инаргыланы, Аҧсны Анапхгара, анаҩс ҳуааҧсыра, ҳәарада,  Урыстәылатәи Афедерациа. Арҭ азҵаарақәа рыӡбара ҳаҿуп. 

Аслан Бжьаниа ареспублика аекономикатә ҿиара ҷыдала ахшыҩзышьҭра шаиҭало иҳәеит.

«Аҧсны апроект дуқәа рынагӡара аганахьала раҧхьатәи ашьаҿақәа ҟаҵоуп. Урҭ ҧаса иҳамамыз, аамҭа рацәаны, иҷыдоу адыррақәа рҭахуп. Иаҳҳәап, иара убри аҳаиртә баӷәаза, уи аргылара, аус арура, уҳәа убас иҵегьы. Уи азы иҳамоу аспециалистцәа маҷуп», - ҳәа  иҳәеит Аҳәынҭқарра Ахада Аслан Бжьаниа.

Ҭҟәарчал ақалақьи Ҭҟәарчал араиони ртәы ҳҳәозар, Аслан Бжьаниа иажәақәа рыла, иаҭахуп атуристтә усхки ақыҭанхамҩеи  рырҿиара, иара убас иалкааны аинвестициақәа шадҧхьалатәу, иаҳҳәап, арацәа ааглыхра.

Икьыԥхьуп АЖӘАБЖЬҚӘА

Аҟәа. Абҵарамза 8, 2021 шықәса. Аҧсныпресс. Атәыла аҧыза-министр Алеқсандр Анқәаб Ш.Ԥачлиа ихьӡ зху Ҭҟәарчалтәи аҳәынҭқарратә акомедиа атеатр  ахаҭарнакцәа идикылеит, ҳәа адырра ҟанаҵоит Аҧсны Аҳәынҭқарра аофициалтә саит.

Атеатр асахьаркыратә напхгаҩы Сырбеи Сангәлиа, арежиссиор-ақәыргылаҩ Роман Сабуа, актиор Ахра Кәарҷиа аҧыза-министр иҧылара аҿы аколлектив анапхгаҩы ҿыц иаҭара азҵаара иалацәажәеит.

Икьыԥхьуп АЖӘАБЖЬҚӘА

Аҟәа. Абҵарамза 8, 2021 шықәса. Аҧсныпресс. Аҧсны Аҳәынҭқарра зҽаҧсазтәыз анаука аусзуҩ, Зҽаҧсазтәыз акультура аусзуҩ, Аҧсны Аҳәынҭқарра иреиҳаӡоу ашкол Зҽаҧсазтәыз аусзуҩ, Аҧсны Аҳәынҭқарра ажурналистцәа Реидгыла алахәыла, Асовет Еидгылеи Урыстәылеи ашәҟәыҩҩцәа Реидгыла алахәыла, Аҧсны ашәҟәыҩҩцәа Рассоциациа алахәала, афилологитә наукақәа рдоктор, Аҧснытәи аҳәынҭқарратә Университет апрофессор, Аҧсны анаукақәа Ракадемиа академик, Адыгатәи (Черкестәи) Жәларбжьаратәи анаукақәа Ракадемиа академик, Дырмит Гәлиа ихьӡ зху аҳәынҭқарратә премиа алауреат, Г.А. Ӡиӡариа ихьӡ зху Аҧсны аҳәынҭқарратә премиа алауреат, анаука аусхкы аҿы Г.А.Ӡиӡариа ихьӡ зху аҳәынҭқарратә премиа аиуразы Акомиссиа Ахантәаҩы, «Ахьӡ-Аҧша» аорден II аҩаӡара акавалер Салаҟаиа Шьоҭа Хьыч-иҧа иҧсҭазаара алҵра инамаданы, Аҧсны аҧыза-министр Алеқсандр Анқәаб иҭижьыз Ақәҵара ала аҧсыжра аиҿкааразы Акомиссиа аҧҵоуп. Акомиссиа ахантәаҩыс дамоуп Аҧсны анаукақәа ракадемиа Апрезидент Зураб Џьопуа. 

Икьыԥхьуп АЖӘАБЖЬҚӘА

Аҟәа. Абҵарамза 8, 2021 шықәса. Аҧсныпресс. 89 - шықәса дшырҭагылаз иҧсҭазаара далҵит аҧсуа фольклорист, алитературадырҩы, акритик, афилологиатә наукақәа рдоктор, апрофессор, «Ахьӡ-Аҧша» аорден II аҩаӡара акавалер Шьоҭа Хьыч-иҧа Салаҟаиа.

Икьыԥхьуп АЖӘАБЖЬҚӘА

Аҟәа. Абҵарамза 8, 2021 шықәса. Аҧсныпресс. Аҳәынҭқарра Ахада Аслан Бжьаниа Ҭҟәарчал араион актив алархәны анҭыҵтәи аилатәара мҩаҧигеит. Иалацәажәеит ҳазҭоу ашықәс жәымз рыла араион аҿы акриминогентә ҭагылазаашьа. Уи азы адыррақәа ҟаиҵеит араион аҩныҵҟатәи аусқәа Рыҟәша аиҳабы Арсен Биджев. Уи иажәақәа рыла, ашәҟәы иҭагалахеит ашьаустә ҟазшьа змоу 23 цәгьоура. Урҭ рахьынтә иаартуп 16.  Иҳаҩсыз ашықәс аиҧш-зеиҧшу аамҭахәҭа азы ишьақәыргылан ацәгьоурақәа 10, иаартуп 4. Араион аҿы ихьанҭоу ацәгьоурақәа рхыҧхьаӡара аизҳара шыҟоу азгәаҭоуп. «Ари аамҭа иалагӡаны ихьанҭоу ацәгьоурақәа 10 ҟалеит, урҭ рахьынтә иаартуп 7», - ҳәа иҳәеит Арсен Биджев. Уи иара убас ишазгәеиҭаз ала, иахьатәи амш азы аҧсшьаҩцәа рганахьала цәгьоуракгьы ыҟаӡам, акурорттә сезон  ҭышәынтәаланы имҩаҧысит ҳәа уҳәаратәы иҟоуп.

Икьыԥхьуп АЖӘАБЖЬҚӘА

Аҟәа. Абҵарамза 8, 2021 шықәса. Аҧсныпресс.  Ҭҟәарчал араион абиуџьеҭ 2021 шықәса 9-мыз рыла 114% рыла  инагӡахеит. Планла ишьақәырӷәӷәаз 14 млн. 572 нызықь мааҭ рҟынтәи абиуџьеҭ иалагалахеит 16 млн. 745 нызықь мааҭ.   Иацҵан анагӡара 2 млн. 173 нызықь мааҭ рҟынӡа инаӡеит. Ҭҟәарчал араион Ахадара афинанстә ҟәша анапхгаҩы Анелла Емухвари араион абиуџьеҭ анагӡара азы аҳасабырба ҟалҵеит. Ахашәалахәы азы ашәахтә ала аплан 48,8% рыла инагӡоуп. «Планла ишьақәырӷәӷәоу 1,5 млн. мааҭ рҟынтәи абиуџьеҭ иалагалахеит 748 нызықь мааҭ. Абанкқәа рхашәалахәы азы ашәахтә аҳасабала алагалақәа ыҟаӡам. Анамыгӡара зыдҳәалоу анаплакқәа аплантә шәагаақәа рынагӡара ахьалымшаз ауп», - ҳәа илҳәеит Анелла Емухвари. Ахашәалахәытә шәахтә ала иацҵан анагӡара 115% рҟынӡа инаӡеит. Планла ишьақәыргылоу 11,7 млн. мааҭ рҟынтәи фактла абиуџьеҭ иалагалахеит 13,5 млн. мааҭ. «Иацҵан анагӡара зыдҳәалоу «Ҭҟәарчалргылара» аҟынтәи – 300 нызықь мааҭ, Ареспубликатә Унитартә Наплакы «Аҧсныеимадара» – 202 нызықь мааҭ, Зҭакҧхықәра Ҳәаақәҵоу Аилазаара «Хаджала ахаҳәқәа» – 64,8 нызықь мааҭ, «Ақыҭатә раионқәа рыҿиара Ассоциациа» Афонд – 1 млн. мааҭ, «СтроиИнвест» аҟынтәи – 156,2 нызықь мааҭ рҟынӡа инаӡо иазҧхьагәаҭамыз ашәахтәқәа ралагалара ауп», - ҳәа илҳәеит Анелла Емухвари.

Икьыԥхьуп АЖӘАБЖЬҚӘА

Аҟәа. Абҵарамза 8, 2021 шықәса. Аҧсныпресс. Ажьырныҳәамза 1, 2021 шықәса инаркны Ҭҟәарчал араион аҿы афымцамч ахархәаразы ашәатәқәа реизгара 4 млн. 981 нызықь мааҭ, мамзаргьы даҽакала иуҳәозар, азеиҧш еицҵалыҵ аҟынтәи 60% аҟынӡа инаӡеит. Абри атәы  Аҳәынҭқарра Ахада Аслан Бжьаниеи араион активи алархәны имҩаҧгаз анҭыҵтәи аилатәара аҿы иҳәеит Ҭҟәарчалтәи Араионтә фымцатә Станциа анапхгаҩы Герман Качараа. Убри аан Ҭҟәарчал араион ақыҭақәа рҿы ахархәара зызу афымцамч азы ашәатәқәа реизгара еиҳауп ақалақь аҿы аасҭа, уи 80% рҟынӡа инаӡоит. «Акриптовалиутақәа рырҳара азы ақәиҭымзара ашьақәыргылара ҟалаанӡа уахыки-ҽнаки рыла араион аҿы афымцамч ахархәара 32 мегаватт рҟынӡа инаӡон, ақәиҭымзаара аналагалаха ашьҭахь, уи 14 мегаватт рҟынӡа илаҟәит. «Амилиционерцәа уахи- ҽни тәамҩахә рымамкәа абнара илоуп, амаининг рыҧшаауеит, урҭ ахьыҟоугьы аӡәгьы иҳәаӡом. Уи аҩыза аҭагылазаашьа зегьы ирзыманшәалазар акәхар. Аха ус ҟалашьа амаӡам», - ҳәа инаҵшьны иазгәеиҭеит Аслан Бжьаниа.

Икьыԥхьуп АЖӘАБЖЬҚӘА

Аҟәа. Абҵарамза 8, 2021 шықәса. Аҧсныпресс. Аҟәа ақалақь ахада Беслан Ешба Абазаа рымҩаду аҿы ацәхыҧқәа рышьақәыргылара шымҩаҧысуа гәеиҭеит. Аҳҭнықалақь Ахадара есышықәса автомашьынақәа рхыҧхьаӡара аизҳара инамаданы аҟәатәи амҩадуқәа рықәыӷәӷәара ҳасаб азуны ари амҩаду аҿы аргылараҭақәа реиҿкааразы аӡбамҭа аднакылеит, ҳәа иаанацҳауеит Аҟәа ақалақь Ахадара апресс-маҵзура.

Абазаа рымҩаду аҿы ацәхыҧқәа рышьҭаҵара иадҳәалоу аусурақәа мышқәак рышьҭахь ихыркәшахоит.

Амҩаду зегьы иахьаҵанакуа агыларҭақәа рышьақәыргылара азҧхьагәаҭоуп, ҳәа иҳәеит Анхара-коммуналтә Нхамҩа Адепартамент анапхгаҩы ихаҭыҧуаҩ Руслан Аҩӡба.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me