24 Ажьырныҳәа 2022

Items filtered by date: Аҩаша, 26 Жьҭаара 2021

Аҟәа. Жьҭаарамза 26, 2021 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 555 -ҩык, COVID-19 азы адиагноз 121-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп  83   – ҩык апациентцәа, 33  -ҩык ргәабзиара аҭагылазаашьа акыр иуадаҩуп, 23 -ҩык апациентцәа рҭагылазаашьа бжьаратәуп.

Икьыԥхьуп АЖӘАБЖЬҚӘА

Аҟәа. Жьҭаарамза 26, 2021 шықәса. Аԥсныпресс. Аԥсны агәабзиарахьчара аминистр Едуард Быҭәба Гагра араион ашҟа аусуратә ныҟәара мҩаԥигеит. Уи араҟа иҟоу амедицинатә усбарҭақәа рҭагылазаашьа гәеиҭеит.

Иахьа Гагра араион Ахада Иури Ҳагәышь инапы зҵаиҩыз адҵа ала, Индира Арсалиа Гагра араионтә хәышәтәырҭа аҳақьым хадас дҟаҵоуп.

Едуард Быҭәбеи Гагра араион ахада ихаҭыԥуаҩ Алхас Барцыци Индира Арсалиа илыдныҳәалеит, анаҩстәи лусура аҿы ақәҿиарақәа лзеиӷьаршьеит.  

Индира Арсалиа илоуз агәрагара азы иҭабуп лҳәеит, аколлектив зегьы ацхыраарала ҳтәылауаа иахәҭоу амедицинатә цхыраара рыҭара азы илылшо зегьы шыҟалҵо азгәалҭеит.   

Агәабзиарахьчара аминистр ахәҭакахьала ауалафахәы ашьҭахра, акадрқәа разымхара, уҳәа ирызкны ахәышәтәырҭа аколлектив рҟынтәи иоуз азҵаарақәа рҭак ҟаиҵеит.

Аҳақьым хада Индира Арсалиа иарбоу амедицинатә усбарҭа апроблемақәа рыхәҭак араион Ахадара ала аӡбара мҩаԥысуеит ҳәа иазгәалҭеит.  

«Ахәышәтәырҭа аҭеиҭыԥш арҽеира, иахәҭоу аиқәыршәагақәа рыла реиқәыршәара,  автопарк ахарҭәаара, - арҭ азҵаарақәа рҿы ҳара иҳацхраауеит араион Ахадара. Аха атәыла агәабзиарахьчара Аминистрра аганахьала ҳара зегьы реиҳа ихадоу аҿы адгылара ҳҭахуп. Уи, ахәҭакахьала ареаниматологцәа, ахирургцәа, акушерцәа, атерапевцәа, апедиатрцәа, уҳәа аспециалистцәа разымхара ауп», - ҳәа илҳәеит Индира Арсалиа.  

Икьыԥхьуп АЖӘАБЖЬҚӘА

Аҟәа. Жьҭаарамза 26, 2021 шықәса. Аԥсныпресс. Иахьа Москва имҩаԥысит  Аԥсны  Аҳәынҭқарра Ахада Аслан Бжьаниеи Урыстәылатәи Афедерациа Ахада Иусбарҭа  анапхгаҩы ихаҭыԥуаҩ Дмитри  Козаки реиԥылара.

Ирылацәажәан Аԥсни Урыстәылеи  рыбжьара аусеицзура иазку азҵаатәқәа жәпакы, ҷыдала, 2022-2025шш. рзы Аԥсны Аҳәынҭқарра асоциалтә-економикатә аҿиара иазку азҵаарақәа.

Икьыԥхьуп АЖӘАБЖЬҚӘА

Аҟәа.  Жьҭаарамза  26, 2021 шықәса. Аԥсныпресс.  Аԥсны иҟоу Урыстәылатәи Афедерациа Ацҳаражәҳәарҭа аусзуҩцәа Аԥсны есымша инхо 1941-1945 шш. Аџьынџьтәылатәи еибашьра Дуӡӡа аветеранцәеи урҭ  ираҟараны иԥхьаӡоу арратә хҭысқәа рылахәылацәеи хықәкылатәи ацхыраара рыҭара иазкны акампаниа амҩаԥгара хдыркәшеит. Аветеранцәа адгылара рыҭара азы аусмҩаԥгатәқәа ркомплекс Урыстәылатәи Афедерациа Анапхгара акоронавирустә ҿкы чымазара ахҟьаԥҟьақәа рырмаҷра иазкны иаднакылаз аӡбамҭа аҳәаақәа ирҭагӡаны имҩаԥысуан.

Икьыԥхьуп АЖӘАБЖЬҚӘА
Аҩаша, 26 Жьҭаара 2021 15:39

АШӘҬҚӘА АҲАСКЬЫН АҾЫ.

АШӘҬҚӘА АҲАСКЬЫН АҾЫ.

Аҟәа. Жьҭаарамза 26, 2021 шықәса. Аԥсныпресс. Жьҭаарамза 22, 1992 шықәса рзы ақырҭуа мпыҵахалыҩцәа ирыблит Дырмит Гәлиа ихьӡ зху абызшәеи алитературеи аҭоурыхи рзы Аԥснытәи Аинститути Аԥсны аҳәынҭқарратә архиви. Аԥсны арҭ ахҭыс хлымӡаахқәа «ареспубликеи аԥсуа жәлари ркультуреи рнауки ргеноцид» ҳәа иашьҭоуп.

Усҟан Аҳәынҭқарратә архив аҿы 673 фондқәа рҿы 176 343 ус ҵәахын. Амца иалаблит Аԥснытәи аҭҵаара-дырратә Институт аҿы иҟаз анаукатә усумҭақәа, иуникалтәу аҭыжьымҭақәеи анапҩырақәеи.  

Аинститут ахыбра Амҳаџьыраа Рыԥшаҳәеи Академик Марр имҩадууи рыгҿахасырҭа аҿы (уаанӡа Ф. Енгельс ихьӡ зхаз амҩаду) игылан.  Иблыз ахыбра шьаҭанкыла иқәган аибшьра ашьҭахь шлықәсқәак рышьҭахь. Уажәы уи аҭыԥ аҿы адәҳәыԥш ыҟоуп.

Икьыԥхьуп АЖӘАБЖЬҚӘА

Аҟәа. Жьҭаарамза 26, 2021 шықәса. Аԥсныпресс. Жьҭаарамза 26 рзы адәныҟатәи аусқәа Рминистрра аҿы адәныҟатәи аусқәа рминистр Даур Ақаҩбеи Европатәи атәылақәа Реидгыла ахаҭарнак ҷыда  Готфрид Ханнеи реиԥылара мҩаԥысит.  

Европатәи атәылақәа Реидгыла ахаҭарнак ҷыда  Готфрид Ханне  Аԥсны адәныҟатәи аусқәа рминистр арегионалтә программа «EU4Dialogue», иара убас,  апартниорцәа  - Европатәи атәылақәа Реидгыла анагӡаҩцәа: Конрад Аденауер ихьӡ зху Афонд  ахаҭарнак Таниа Тамминен, «ДААД» ҳәа изышьҭоу жәларбжьаратәи академиатә еимадара (астудентцәа, анаукатә усзуҩцәа реимадара)  адгылара аҭара азы еиҿкаау ауаажәларратә еиҿкаара азинқәа змоу германиазегьтәи аидгылара апрограмма ахаҭарнак Реуль Гебхарди Аинститут ахаҭарнак Гиоте Барбару Фон Мунхгаузени идигалеит.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me