28 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Лаҵара 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

АԤСНЫ ЕСЫҼНЫ 130-140 – ҨЫК ИНАРЗЫНАԤШУА АКОРОНАВИРУСТӘ ҾКЫ ЧЫМАЗАРА COVID-19 ЗЛАҼЫЗ ААРԤШХОИТ.

Аԥшьаша, 28 Жьҭаара 2021 16:20 298

Аҟәа. Жьҭаарамза 28, 2021 шықәса. Аԥсныпресс. Аԥсны ишьақәгылаз асанитар-епидемиологиатә ҭагылазаашьа акыр ишәарҭоуп, акыр иуадаҩуп. Абри атәы иахьа аминистрцәа Реилазаара аҿы акоронавирустә ҿкы чымазара алаҵәара азы адырра ҟаҵо  иҳәеит атәыла агәабзиарахьчара аминистр Едуард Быҭәба.  Есыҽны 130-140-ҩык инарзынаԥшуа акоронавирустә ҿкы чымазара злаҽыз ауаа аарԥшхоит.

«Ҳара ҳколлегацәа «азона ҟаԥшь» аҿы уахи-ҽни инеиԥынкыланы аус руеит, убри аамҭазы ақалақь иалсны ицоит аҭацаагацәа рмашьынақәа. Сара сгәаанагарала урҭ баша инеиааиӡом, урҭ агәырӷьаратә хҭыс азгәарҭоит, уи ашьҭахь ҳара ҳковидттә ҟәшақәа ачымазара злаҽыз ауаа рыла иҭәуеит», - ҳәа иҳәеит агәабзиарахьчара аминистр.

Ареспублика аҿы иарбоу ачымазара иахҟьаны зыԥсҭазаара иалҵыз рхыԥхьаӡара 400-ҩык иреиҳахеит.  

«Аӡәы иԥсрагьы -ари трагедиоуп», - ҳәа иҳәеит иара.

Агәабзиарахьчара Аминистрра ахада иара убас аҵәыҵәри ала аиқәыршәараҿы иҟоу ауадаҩрақәа дырзааҭгылеит.

«Урыстәылатәи Афедерациа аҟны аҵәыҵәри иадҳәаланы ауадаҩрақәа ыҟоуп. Аха ҳара макьана арезервқәа ҳамоуп. Иацы Аҟәатәи афизика-техникатә Институт аҟынтәи иааган 16 тонн аҵәыҵәри. Гәдоуҭатәи ахәышәтәырҭа аҿы аҵәахырҭа ҭәуп.  Аха убри аан Аҟәа ақалақь Аҳабла Ҿыц аҿы иҟоу аҵәыҵәритә станциа аҟны ауадаҩрақәа цәырҵит.  Иаха уи аус ауӡомызт. Иахьатәи амш азы ҩ-агрегатк рҟынтәи акоуп аус зуа. Аԥыԥшратә бригадақәа ирыдҳәалангьы ауадаҩрақәа ыҟоуп», - ҳәа иазгәеиҭеит Едуард Бебиа.

Атәыла аԥыза-министр Алеқсандр Анқәаб иажәақәа рыла, астанциа аиҭашьақәыргыларазы ихьатәи амш азы иаҭаххоит 580 нызықь мааҭ.  Астанциа инагӡаны аиҭашьақәыргыларазы имаҷымкәа ахарџь аҭаххоит.

«Урыстәылатәи ҳколлегацәа Новоросииски Азови аҵәыҵәри аахәара азы мап ҳцәыркуа иалагеит. Убри аҟнытә ари аобиект аиҭашьақәыргылара акырӡа аҵанакуеит, мап анакәха, акатастрофа ҳзацәцаӡом», - ҳәа иҳәеит Алнқсандр Анқәаб.

Аладатәи Урыстәыла аҵәыҵәри азы аҭаххрақәа ахьыҳараку инамаданы, Аԥсны иарбоу ашәагаақәа иаҵанамкыр ауеит.

Агәабзиарахьчара аминистр иажәақәа рыла, апациентцәа рыла аҵәыҵәри ахархәара есааира иазҳауеит.

«Иаагозар, иҳаҩсыз ашықәс азы уахыки-ҽнаки рыла урыстәылатәи амобилтә хәышәтәырҭа аҿы 80 -100 баллон аҵәыҵәри ахархәара аиуозҭгьы,  иахьа уи 200 рҟынӡа иазҳаит, уимоу 240 баллон рҟынӡа ахархәарагьы ҟалахьеит. Аинфекциатә хәышәтәырҭа аҿы аҵәыҵәри ахархәара аки бжаки рҟынӡа иазҳаит», - ҳәа иҳәеит Едуард Быҭәба.

«Ҳара ҳзы Аҟәа ақалақь Аҳабла ҿыц аҿы иҟоу аҵәыҵәритә станциа аусура акырӡа аанагоит. Уи уахыки-ҽнаки рыла иҳанаҭоит 100 – 150 баллон рҟынӡа аҵәыҵәри. Уи аиҳарак Аҟәатәи аинфекциатә хәышәтәырҭа аҭаххрақәа хнаҩоит», - ҳәа иазгәеиҭеит агәабзиарахьчара аминистр.

Алеқсандр Анқәаб даҽа зныкгьы аҳақьымцәа рымчқәа зегьы еизыкәкәаны аус шыруа азгәеиҭеит.

«Ҳара ҳҳақьымцәа уаҳа нарылымшо иааԥсеит, рымчқәа зегьы еизыкәкәаны аус руеит, уи атәы есыҽны иаҳҳәалароуп. Хымԥада, ачарақәа рыура аганахьала аԥкрақәа ралагалара адагьы, урҭ рынагӡарагьы алҳаршароуп. Амассатә усмҩаԥгатәқәа рышьҭахь ҩаԥхьа ачымазара ҿкы злаҽыз рхыԥхьаӡара аизҳара иалагоит. Ари  даара ашәарҭара зҵоу цәырҵроуп. Ҳҽаанаҳкылап иҟалозар, аамҭала ачарақәа рура ҳаҟуҵып», - ҳәа иҳәеит Алеқсандр Анқәаб.

«Ачара-агәырӷьара ҳахьӡоит, иахьа зегьы ирыцку акоронавирустә ҿкы чымазара аҽацәыхьчара ауп», - ҳәа иажәа хыркәшо иҳәеит аԥыза-министр Алеқсандр Анқәаб.

Last modified on Аԥшьаша, 28 Жьҭаара 2021 21:45
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me