Print this page

ЕММА ГОЛЕУЗОВА АЕКОНОМИКА АМИНИСТР ИХАҬЫԤУАҨЫС ДҞАҴОУП.

Ахаша, 28 Ԥхынгәы 2021 14:34 1043

Аҟәа. Ԥхынгәымза 28, 2021 шықәса. Аԥсныпресс.  Ԥхынгәымза 27 рзы аԥыза-министр ихаҭыԥуаҩ, аекономика аминистр Кристина Озган Аминистрра аколлективи аминистр ихаҭыԥуаҩ ҿыц  Емма Голеузовеи реибадырра мҩаԥылгеит, ҳәа иаанацҳауеит аекономика Аминистрра аофициалтә саит.

Уи аԥхьа, ԥхынгәымза 22 рзы уи азы Ақәҵара инапы аҵаиҩит атәыла аԥыза-министр Алеқсандр Анқәаб. 

Аԥыза-министр ихаҭыԥуаҩ, аминистр ихаҭыԥуаҩ ҿыц  Емма Голеузова длыдныҳәалеит, иара убас хра злоу аусеицура дшақәгәыӷуа азгәалҭеит.

Емма Голеузова Кристина Озган аԥхьа днаргыланы атәыла анапхгара илырҭаз агәрагара азы иҭабуп лҳәеит. Уи лусура ҭакԥхықәрала азнеира дшазхиоу азгәалҭеит.   

Last modified on Аҩаша, 03 Нанҳәа 2021 12:40