Print this page

УРЫСТӘЫЛАТӘИ АФЕДЕРАЦИА АҴАРАДЫРРА АМИНИСТРРА АҾЫ АԤСНИ ААХЫҴ УАԤСТӘЫЛЕИ АРҴАГАШӘҞӘҚӘА РЫЛА РЕИҚӘЫРШӘАРА АЗҴААРА АЛА АУСУРАТӘ ЕИЛАТӘАРА МҨАԤЫСИТ.

Ахаша, 28 Ԥхынгәы 2021 14:32 805

Аҟәа.  Ԥхынгәымза 28, 2021 шықәса.  Аԥсныпресс. Аҩаша, ԥхынгәымза   27 рзы Урыстәылатәи Афедерациа аҵара Аминистрра аҿы Аԥсни Аахыҵ Уаԥстәылеи азеиԥшҵараиуратә программақәа рынагӡареи аҵара-методикатә еиқәыршәареи рзы Урыстәылатәи Афедерациа аҵара аминистр ихаҭыԥуаҩ Андреи Корнеев ихантәаҩрала Аԥсни Аахыҵ Уаԥстәылеи арҵагашәҟәқәа рыла реиқәыршәара азҵаара ала аусуратә еилатәара  мҩаԥысит, ҳәа иаанацҳауеит Урыстәылатәи Афедерациа аҵара Аминистрра аофициалтә саит.

Аилатәара рхы аладырхәит Аԥсны аҵареи абызшәатә политикеи рминистр Инал Габлиа, аминистр ицхырааҩ Ҭемыр Гобечиа, Аахыҵ Уаԥстәылатәи Ареспублика аҵарадырреи анауки рминистр Натали Гассиева, иара убас Урыстәылатәи Афедерциа адәныҟатәи аусқәа Рминистрра, Урыстәыла афинансқәа Рминистрра, Урыстәыла аус ацура Ахаҭарнакра ахаҭарнакцәа.  

Аиԥылара иалахәыз Аԥсни Аахыҵ Уаԥстәылеи арҵагашәҟәқәа рыла реиқәыршәара азҵаара амеханизм иалацәажәеит. Урыстәылатәи аган ҳазҭоу ашықәс нҵәаанӡа Аԥсни Аахыҵ Уаԥстәылеи арҵагашәҟәқәа рыла реиқәыршәара алыршара шазԥхьагәаҭоу шьақәнарӷәӷәеит.

Last modified on Аҩаша, 03 Нанҳәа 2021 12:40