05 Ԥхынкәын 2021

Items filtered by date: Аҩаша, 05 Жьҭаара 2021

Аҟәа. Жьҭаарамза 4, 2021 шықәса. Аԥсныпресс.  Аԥсны Жәлар Реизара-Апарламент ахыбра аҿаԥхьа амитинг ахь еизаз ауаа рахь идәылҵит Аԥсны Аҳәынҭқарра Ахада Ихаҭыԥуаҩ Бадра Гәынбеи Ашәарҭадара ахеилак Амаӡаныҟәгаҩ Сергеи Шамбеи.  Урҭ Аслан Бжьаниеи Аӡҩабжьа ақыҭауааи реиқәшәара алҵәшәақәа рзы адырра ҟарҵеит.

Бадра Гәынба иажәақәа рыла, Аҳәынҭқарра Ахада иҟалаз аинцидент азы игәаанагара иҳәеит. Уи Апрокуратура Хада ихацнаркыз аусеилыргара алҵшәақәа рышьҭахь азыӡба шидикыло иҳәеит.

Аҭакс еизаз ауаа Аҳәынҭқарра Ахада иԥыларазы ицаз Аӡҩыбжьа ақыҭа ахаҭарнакцәа Аҳәынҭқарра Ахада ишиқәшаҳаҭым, ас еиԥш азыӡба ишадымгыло, насгьы аҩныҵҟатәи аусқәа рминистри уи ихаҭыԥуаҩцәеи зыԥшра ҟамҵакәа рамхра  дҵаны ишықәдыргыло, уи-моу иҟоуп урҭ рҭакрагьы иадгыло рҳәеит.

Икьыԥхьуп АЖӘАБЖЬҚӘА

Аҟәа. Жьҭаарамза 5, 2021 шықәса. Аԥсныпресс. Гал ақалақь, Ломоносов имҩаду ала игылоу ҩ-еихагыларакны иҟоу ахатәы ҩны амца акит, ҳәа адырра ҟанаҵоит Аԥсны иҷыдоу аҭагылазаашьақәа рзы Аминистрра апресс-маҵзура.  

Икьыԥхьуп АЖӘАБЖЬҚӘА

Аҟәа. Жьҭаарамза 4, 2021 шықәса. Аԥсныпресс. Гагра ақалақь аҿы амҩатә машәыр ҟалеит. Уи иахҟьаны ауаҩы дҭахеит. Абри атәы аанацҳауеит Аԥсны Аҳәынҭқарра иҷыдоу аҭагылазаашьақәа рзы Аминистрра апресс-маҵзура.

Амҩа аивысырҭаҿы автомашьынақәа Ниссани Нивеи ааихеит. Аҩбатәи амашьына ацҳантәи икаҳаит, амцагьы акит.

Икьыԥхьуп АЖӘАБЖЬҚӘА

Аҟәа. Жьҭаарамза 4, 2021 шықәса. Аԥсныпресс. Аԥсны Аҳәынҭқарра Ахада Иусбарҭаҿы имҩаԥысит Аӡҩыбжьа ақыҭа ахаҭарнакцәа злахәыз аиԥылара.

Аслан Бжьаниа идикылеит хәҩык злахәыз аделегациа. Инеиз рыхьӡала дықәгылеит аибашьра аветеран Гиви Допуа.

«Ари уаҩрам, быжьҩык ауаа пҟаны, амҩаду ианыжьланы ацара. Иаанкыланы иҭакым, ашьаусеилыргара хацыркым. Ари аҩыза сара  стәылаҿы иҟалоит ҳәа сақәгәыӷуамызт», - ҳәа агәынамӡара аарԥшуа иҳәеит Гиви Допуа. Иара убас уи ари ахҭыс еиуеиԥшым аполитикатә партиақәа  рхы иадырхәо ишалагаз азгәеиҭеит. «Ҳарҭ зегьы амитингқәа рахь ааԥхьара ҳарҭоит. Ҳара урҭ азҵаарақәа рзы акәӡам ҳзеизаз», - ҳәа иҳәеит иара.

Аҳәынҭқарра Ахада иазгәеиҭеит, апрокуратура аҵабырг ашьақәыргылара рнапы шадыркыз, аимак-аиҿак аҭышәныртәаларазы аусҭҵаарақәа цонаҵы аҩныҵҟатәи аусқәа рминистр иусура аҟынтәи ихы иақәиҭтәразы иацы аӡбамҭа шрыдыркылаз.

Икьыԥхьуп АЖӘАБЖЬҚӘА

 Аҟәа. Жьҭаарамза 4, 2021 шықәса. Аԥсныпресс. Атәыла аҩныҵҟатәи аусқәа Рминистрра ахыбра аҿаԥхьа, мамзаргьы ахыбра ахь ирханы ахысра ыҟаӡамызт, - ҳәа аҳәамҭа ҟаиҵеит Жәлар Реизара-Апарламент адепутат Алмасхан Арӡынба.

Иара атәыла аҩныҵҟатәи аусқәа Рминистрра апресс-маҵзура жьҭаарамза 1 ауха иара аҩныҵҟатәи аусқәа Рминистрра ахыбра ахь ирханы автомат ала дхысуан ҳәа иҟанаҵаз аинформациа ала ахҳәаа ҟаиҵеит. «Сара иаартны ишәасҳәоит, аҩныҵҟатәи аусқәа Рминистрра ахыбра аганахьала ахысра ҳәа акгьы ыҟаӡамызт.

Исӡаӡом, ара иҟоу зегьы зықәра наӡоу ауаа шәоуп. Ҳара зегьы знык иадамзаргьы ачарақәа рҿы аума, аныҳәақәа раан аума ҳхысхьеит. Зегьы ирдыруеит иҟоу аҭагылазаашьа атәы. Уи даара иԥшӡамкәа ишьақәгылеит. Сара митәык уи сахцәажәомызт. Аиаша шәасҳәап, убас еиԥш агәаанагара узцәырҵуеит џьоукы ҳдырҩашьар рҭахушәа. Саргьы саб деибашьуан, ԥшьынтә ахәрақәа иоухьан, ихы уажәгьы ахыԥҽыхақәа алоуп. Иара иахьа абра итәоу аӡәырҩы шәеиԥш аибашьра зегьы ихигеит. Аха, саҭашәымҵан,сҳәашьа акалашәа иҟазар ҟалап аха, шәхахьы ишәзаагома аӡәы ила ишабо иԥа дрыԥҟо иалагар, мамзаргьы аԥа ишибо иаб дрыԥҟар, ишԥаҟало усҟан.  Сара аӡәгьы ахара идысҵар сҭахӡам, Дмитри Сергеи-иԥагьы ҳара ҳколлега иоуп, ҳара хы-шықәса инарзынаԥшуа аилатәарақәа ҳаицрылахәын, аус еицаауан. Сара сзы даара иџьашьатәын иара иҟалаз ахҭыс далахәын ҳәа исаҳаз ажәабжь. Сара абжьгарақәа ҟамҵакәа доусы аветеран,  зхы ҭаԥҽуа ирыԥҟоз ауаҩы иҭыԥаҿы шәхы шәыргыларц аҳәара ҟасҵоит».

Икьыԥхьуп АЖӘАБЖЬҚӘА

Аҟәа. Жьҭаарамза 3, 2021 шықәса. Аԥсныпресс. Аԥсны аҩныҵҟатәи аусқәа рминистр Дмитри  Дбар Аҳәынҭқарра Ахада аусҭҵаара цонаҵы имаҵураҟнытә аамҭала ихы дақәиҭитәырц диҳәеит.  

Аҳәынҭқарра Ахада аҩныҵҟатәи аусқәа рминистр иажәалагала дадгылеит, иақәнагоу адокумент азырхиаразы адҵагьы ҟаиҵеит.

Икьыԥхьуп АЖӘАБЖЬҚӘА

АУААЖӘЛАРРАТӘ ЕИҾКААРА «АРУАА» АТӘЫЛАУАА АМЧРАТӘ СТРУКТУРА АУСЗУҨЦӘА РУСНАГӠАТӘҚӘА РАҚӘШАҲАҬЫМХАРА ИАЗКУ АМИТИНГ АХЬ ИЦӘЫРҴЫРЦ АЗЫ ААԤХЬАРА ҞАНАҴОИТ.

Аҟәа. Жьҭаарамза 3, 2021 шықәса.    Аԥсныпресс.  Ганкахьала амчратә структура ахаҭарнакцәеи даҽа ганкахьала Жәлар Реизара-Апарламент адепутат Гарри Кокаиеи аибашьра ветеранцәеи рыбжьара цәыббрамза 30 рзы Аҟәа ақалақь Амҳаџьыраа Рыԥшаҳәа аҿы иҟалаз аинцидент инамаданы, ауаажәларратә еиҿкаара   «Аруаа» аибашьра аветеранцәеи ауаажәларреи ашәахьа, жьҭаарамза  4 рзы Апарламент ахыбра аҿаԥхьа амчратә структура аусзуҩцәа рхымҩаԥгашьа ақәшаҳаҭымхара  иазку амитинг ахь еизарц ааԥхьара ҟанаҵеит.

«Ацх агәаны, асааҭ жәеиза инархысхьаны еиԥш, ақәоураха, уаҩ дызным амҩаду аҿы атапанча ала ԥшьынтә аҳауахь ахысра изеиԥшразаалак ауаажәларратә шәарҭара аҵаны иаабом. Убри аан атәыла аҩныҵҟатәи аусқәа Рминистрра аиҳабыратә чынқәа ныҟәызго рхымҩаԥгашьа Аԥсны Аҳәынҭқарра Ашьаусеилыргартә Закәанеидкыла ахәҭаҷ иаҵанакуеит. Ҳара аветеранцәа рахь еизаны амчратә структурақәа рхаҭарнакцәа иаадырԥшуа ахаԥышәареи азакәәандареи рақәшаҳаҭымхара иазку амитинг ахь ицәырҵырҵ ааԥхьара ҟаҳҵоит», – ҳәа амҽыша, жьҭаарамза 3 рзы Аԥсны Аҳәынҭқарра амассатә информациа ахархәагақәа русзуҩцәа Рассоциациа (АРСМИРА) аҿы имҩаԥгаз апресс-конференциа аҿы  аҳәамҭа ҟаиҵеит ауаажәларратә еилазаара Ахантәаҩы Ҭемыр Гәлиа.  

Аибашьра аветеран Гиви Допуа иажәақәа рыла, цәыббрамза 30 рзы быжь-ҩык аветеранцәа рыԥҟеит, анаҩс урҭ адгьыл иқәыжьны ицеит.  «Аминистр аусҭҵаара цонаҵы имаҵураҟнытә аамҭала ихы дақәиҭтәызароуп. Ҳара зинда амч ахархәара ҟамларц азы иҳаулакгьы ауаа раанкылара ҳалҳаршеит! Уаҟа быжь жәлак адгалоуп. Зыуацәа ԥҟаны, рхы иамыхәо ақәа аарысуа икажьны иаанрыжьыз ауаа раанкылара шԥаҳалшари аминистр имаҵураҟнытә ихы дақәиҭымзар?!» - ҳәа апресс-конференциа аҿы иҳәеит Гиви Допуа.

Гиви Допуа, иара ихаҭа ишазгәеиҭо ала, изеиԥшразаалак аполитикатә партиа аума, ауаажәларратә еиҿкаароума акагьы далаӡам, уи ари азҵаара аполитикатә цәаҩа ахаҵара ҳәа игәы иҭаӡам. «Ҳара аполитика ҳус алам. Ҳара мацара аветеранцәа рахь знапы ашьҭыхра згәаӷьыз ауаа рганахьала ӷәӷәала агәынамӡара ҳамоуп», - ҳәа иҳәеит иара.

Икьыԥхьуп АЖӘАБЖЬҚӘА

Аҟәа. Жьҭаарамза 3, 2021 шықәса. Аԥсныпресс. Аҳәынҭқарра Ахада Аслан Бжьаниа Аҳәынҭқарра Ахада Ихаҭыԥуаҩ Бадра Гәынба, атәыла аԥыза-ҭминитр Алеқсандр Анқәаб, Аҳәынҭқарра Ахада Иусбарҭа Анапхгаҩы Алха Кәыҵниа, ашәарҭадара Ахеилак Амаӡаныҟәгаҩ Сергеи Шамба, амчратә труктурақәа рнапхгаҩцәа алархәны аусуратә еилатәара мҩаԥигеит.

Аилатәара цәыббрамза 30 рзы Амҳаџьыраа рыԥшаҳәаҿы Апарламент адепутатцәеи, аветеранцәеи, Аҩныҵҟатәи аусқәа рминистрра аусзуҩцәеи рыбжьара иҟалаз ахҭыс иазкын.

Аслан Бжьаниа иазгәеиҭеит Москва урыстәылатәи аиҳабыреи иареи реиԥылара иазкыз иусуратә ныҟәара шеиԥиҟьаз. "Иубартә иҟоуп амшын аԥшаҳәаҿы аҭыԥ змаз ахҭыс угәы иамыхәо аформа шаанахәо.  Сусуратә ныҟәара ааныскылеит хаҭала иҟалаз аус обиективла еилсыргарц", - ҳәа иҳәеит Аслан Бжьаниа. Убри аан иазгәеиҭеит, Аҧсны анҭыҵ ари ахҭыс ахәшьара бааҧс шаиуз, еицырдыруа урыстәылатәи аҭыжьымҭақәа рыҟны изныкымкәа ишахцәажәахьоу.

"Иахәҭоу аусқәа зегьы мҩаҧгатәуп аҵабырг ашьақәыргыларазы.  Ари азҵаара обиективла иазнеитәуп", - ҳәа иҳәеит атәыла Ахада.

Аҩныҵҟатәи аусқәа рминистр Дмитри Дбар Аҳәынҭқарра Ахада аусҭҵаара цонаҵы имаҵураҟнытә аамҭала ихы дақәиҭитәырц диҳәеит. «Смаҵураҟны сыҟанаҵы аусҭҵаара саԥырхагахоит ҳәа ауаа ргәы иаанамгарц азы, аҳәара ҟасҵоит аусҭҵаара цонаҵы аамҭала схы сақәиҭышәтәырц. Сгәы иаанагоит, ари ахҭыс иалахәыз адепутатцәагьы убас ҟарҵап ҳәа», – иҳәеит Дмитри Дбар.

Аминистр иажәақәа дрықәшаҳаҭхеит апрокурор хада ихаҭыԥуаҩ Дамир Кәыҵниа. Уи иазгәеиҭеит ари аусҭҵаареи аҵабырг ашьақәыргылареи иацхраауеит ҳәа. Иара убас Дамир Кәыҵниа иҳәеит Апрокуратура хада аусҭҵааратә усбарҭа аԥшаҳәаҿы иҟалаз ахҭыс афакт ала апроцессуалтә гәаҭара амҩаԥгара ишаҿу. «Агәаҭара алҵшәақәа рыла апроцессуалтә зыӡба рыдкылахоит. Ҳазҭагылоу аамҭазы ашаҳаҭцәеи ахҭыс збази рызҵаарақәа мҩаԥысуеит, имҩаԥысуеит акомплекстә оперативтә-ҭҵааратә усмҩаԥгатәқәа, иазгәаҭоуп аекспертизақәа жәпакы.  Аусмҩаԥгатәқәа реихшьалақәа рыла иобиективтәу азыӡба рыдкылахоит», – ҳәа иҳәеит Дамир Кәыҵниа.

Икьыԥхьуп АЖӘАБЖЬҚӘА

Аҟәа. Жьҭаарамза 3, 2021 шықәса.   Аԥсныпресс.  Аԥсны Аҳәынҭқарра Ахада Аслан Бжьаниа Москваҟа иусуратә ҭаара аанкыланы иахьа Аԥсныҟа дхынҳәит, ҳәа Аԥсныпресс ахь адырра ҟалеит Аҳәынҭқарра Ахада ипресс-маҵзура аҟынтәи.

Аҳәынҭқарра Ахада ганкахьала Апарламент адепутат Гарри Кокааи аибашьра аветеранцәеи даҽа ганкахьала амилициа аусзуҩцәеи рыбжьара цәыббрамза 30 рзы иҟалаз аконфликт  инамаданы аҭагылазаашьа аибарххара иахҟьаны иусуратә ҭаара ааникылар акәхеит.

Арҭ асааҭқәа рзы Аҳәынҭқарра Ахада Иусбарҭа аҟны амчратә структурақәа рхаҭарнакцәеи Анапхгара алахәылацәеи алархәны иарку аилатәара мҩаԥысуеит.

Икьыԥхьуп АЖӘАБЖЬҚӘА

Аҟәа. Жьҭаарамза 2, 2021 шықәса. Аԥсныпресс. Аԥсны Ахәаахәҭра-Ааглыхратә Палата атуризм азы Уралтәи Ассоциациа ааԥхьарала ақалақь Екатеринбург, Б.Н. Ельцин ихьӡ зху Апрезиденттә центр аплошьадка аҿы жьҭаарамза  1 – 2 рзы имҩаԥысуа Жәларбжьаратәи атуристтә цәыргақәҵа «Expotravel - 2021» ахы аланархәуеит. Аделегациа напхгара аиҭоит Аԥсны Ахәаахәҭра-Ааглыхратә Палата анапхгараҭара алахәыла Адгәыр Лышәба. Аделегациа аилазаара аҿы иҟоуп Апалата аусзуҩцәеи Аԥсны атуризм азы Аидгылара апрезидент Анна Колиагинеи.

Ацәыргақәҵа аусуратә программа иалагалоуп Урыстәылатәи атуристтә индустриа Аидгылара аегида ала жәларбжьаратәи атуристтә цәыргақәҵа аныҳәатә аартреи апленартә еилатәареи, EXPOTRAVEL Афорум,  атермальтә туризм аҿиара азы Жәларбжьаратәи аконференциа Thermal Travel SPA, аԥснытәи аҩқәа рҭыжьыҩцәа рцәаҳәа адгалара мҩаԥысраны иазхьыҟоу агәырӷьаратә дкылара.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me