05 Ԥхынкәын 2021

Items filtered by date: Ашәахьа, 04 Жьҭаара 2021

Аҟәа. Жьҭаарамза 2, 2021 шықәса. Аԥсныпресс. Аԥсны апрокуратура Хада аусеилыргаратә Усбарҭа цәыббрмза 30, 2021 шықәса, 22 сааҭи 10 минуҭи инарзынаԥшуа, Аҟәа ақалақь, Амҳаџьыраа Рыԥшаҳәа аҿы, ақьафурҭа «Rina» аҿаԥхьа   Жәлар Реизара-Апарламент адепутат Гарри Кокаиа иганахьала иҟалаз ахысра афакт ала апроцессуалтә гәаҭара мҩаԥнагоит.  

Аусеилыргаанӡатәи агәаҭара аҳәаақәа ирҭагӡаны аҭыԥ аҿы инеиз Аԥсны Аҳәынҭқарра аҩныҵҟатәи аусқәа Рминистрра аусзуҩцәа рхымҩаԥгашьа  азинтә хҳәаа аҭахоит.

Иара убас, Аҟәа ақалақь апрокуратура цәыббрамза 30, 2021 шықәса рзы, 00 сааҭи 10 минуҭи инарзынаԥшуа Академик Марр имҩаду аҿы атәыла аҩныҵҟатәи аусқәа Рминистрра ахыбра ахь ирханы иҟалаз ахысра иадҳәалоу ацәгьоура азы апроцессуалтә гәаҭара мҩаԥнагоит.  

Аоперативтә маҵзурақәа иҟарҵо заанаҵтәи адыррақәа рыла, дхысуан змаҵуратә машьынала аҭыԥ аҿы иааз Жәлар Реизара-Апарламент адепутат Арӡынба Алмасхан Зураб-иԥа.

 

 

Икьыԥхьуп АЖӘАБЖЬҚӘА

Аҟәа. Жьҭаарамза 2, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа жьҭаарамза 1 азы аусуратә визитла Москваҟа амҩа дықәлеит.

Икьыԥхьуп АЖӘАБЖЬҚӘА

Аҟәа. Жьҭаарамза 1, 2021 шықәса. Аԥсныпресс.  Х-сааҭк еиҳаны имҩаԥысуан цәыббрамза 30 ахәылбыҽха 1992 – 1993 шш. Аџьынџьтәылатәи еибашьра аветеранцәеи Жәлар Реизара-Апарламент адепутат Гарри Кокаиеи рганахьала аҭыԥ змаз  аинцидент.

 Ақәҵара апроект инақәыршәаны, апрокурор Хада Адгәыр Агрбеи  Аҳәынҭқарратә шәарҭадара Амаҵзура Ахантәаҩы Роберт  Киути жьҭаарамза  7 рҟынӡа  цәыббрамза  30 рзы  Амҳаџьыраа рыԥшаҳәа аҟны иҟалаз аинцидент ала аусеилыргаратә уснагӡатәқәа мҩаԥыргар акәын.  

Аҳәынҭқарра Ахада иахь аусеилыргаратә уснагӡатәқәа рымҩаԥгара аамҭа иалагӡаны атәыла аҩныҵҟатәи аусқәа рминистр Дмитри Дбар, аминистр ихаҭыԥуаҩ, Ирласны анырра азы иҷыдоу Амаҵзура (СОБР) акомандаҟаҵаҩ Рашь Ҵәыџьба, уи ихаҭыԥуаҩ - Дадын Чачхалиа,  иарбоу аинцидент иалахәыз аҩныҵҟатәи аусқәа Рминистрра егьырҭ аусзуҩцәа рмаҵураҭыԥ аҟынтәи рхы ақәиҭтәра азы ажәалагала ҟаҵан.  

Ақәҵара апроект  адкыларазы иахәҭоу абыжьқәа амоуӡеит. 21-ҩык  адепутатцәа рҟынтәи «иақәшаҳаҭхеит» 17-ҩык, «иақәшаҳаҭымхаӡеит», ҩыџьа – абжьыҭираан аҽынкылара аадырԥшит.

Икьыԥхьуп АЖӘАБЖЬҚӘА

Аҟәа. Жьҭаарамза 30, 2021 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит  262 -ҩык, COVID-19 азы адиагноз    73 -ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп 41 – ҩык апациентцәа, 7-ҩык ргәабзиара аҭагылазаашьа акыр иуадаҩуп, 30-ҩык апациентцәа рҭагылазаашьа бжьаратәуп.

Икьыԥхьуп АЖӘАБЖЬҚӘА

Аҟәа. Жьҭаарамза 1, 2021 шықәса. Аԥсныпресс. Аԥсны аҩныҵҟатәи аусқәа рминистр Дмитри Дбар Аԥсуа телехәаԥшра акорреспондент диҿцәажәо иацы, Аҟәа ақалақь Амҳаџьараа Рыԥшаҳәа аҿы иҟалаз ахысра зцыз аинцидент дахцәажәеит.

Уи иԥкааны иҟалаз атәы далацәажәеит.

Ахәылбыҽха, цәыббрамза 30 рзы Амҳаџьыраа Рыԥшаҳәа, Сергеи Багаԥшь  Имҩаду аҿы иҭҟьо абџьар аҟынтәи ихысуеит ҳәа адырра ҟалеит.   

Аминистр уахь зыԥшра ҟамҵакәа анаӡара азы аӡбамҭа идикылеит, избан акәзар,  уаҟа усҟан иҟан Аахыҵ Уаԥстәыла Ахада Анатоли Бибилов напхгара зиҭо  аделегациа. «Урҭ ақьафурҭа «Дольче Вита» аҿы Аԥсны Аҳәынҭқарра Ахада ицны иҟан. Ҳара аҭыԥ аҿы ҳаннеи, 3 – 5 минуҭ инарзынаԥшуа рышьҭахь ҩаԥхьа ахысбыжьқәа геит.  Сара ихысуаз ауаа рахь снеирц сыӡбеит. Ԥыҭҩык ауаа С.У. Багаԥшь ихьӡ зху Аплошьад аҿы игылан. Урҭ рааигәара снеины ихысуадаз ҳәа сразҵааит. Адепутат Гарри Кокаиа ихысуаз сара соуп ҳәа аҭак ҟаиҵеит. Уи иқьаф шыҟаз еилкааны, сара абџьар сиҭарц азы аҳәара ҟасҵеит. Уи мап икит», - ҳәа иҳәеит Дмитри Дбар.

Икьыԥхьуп АЖӘАБЖЬҚӘА

Аҟәа. Жьҭаарамза  1, 2021 шықәса. Аԥсныпресс. Жьҭаарамза 1,  00 сааҭи 10 минуҭи рзы Аҟәа ақалақь аҿы, Жәлар Реизара-Апарламент адепутат  Алмасхан Арӡынба имаҵуратә машьына   «Hyundai» (ашәҟәҭагаларатә дырга А029АА-АВН змоу)  дақәтәаны амшын аганахьала инагоу Академик Марр имҩаду ала днеины Аԥсны Аҳәынҭқарра аҩныҵҟатәи аусқәа Рминистрра аушьҭра-гәаҭаратә ԥыԥшырҭа аҿаԥхьа изакәанымкәа иныҟәиго иҭҟьо абџьар – зыхҭаларшә  5,45 мм рҟынӡа инаӡо автомат Калашников аҟынтәи Аминистрра ахыбра аганахьала 20-нтә дхысит, убри аан уи иахәҭам ажәақәа ҳәо ишакәым ала ихы мҩаԥигеит.

Икьыԥхьуп АЖӘАБЖЬҚӘА

Аҟәа. Жьҭаарамза 1, 2021 шықәса. Аԥсныпресс. Цәыббрамза 30, 2021 шықәса, 22 сааҭи 15 минуҭи инарзынаԥшуа Аҟәа ақалақь, Амҳаџьыраа Рыԥшаҳәа аҟны игылоу ақьафурҭа «Rina»  иахьаҵанакуа иҟаз Жәлар Реизара-Апарламент адепутат Гарри Кокаиа, иарбоу атерриториа ауаажәларратә ҭыԥны ишыҟоу шидыруазгьы,  ауаажәларратә ҭышәынтәалара аилагаларала, амҩасыҩцәа хьаа имкыкәа, уаанӡа иаахәаны имаз, иныҟәигоз, згәыцә кьаҿу, зыхҭаларшә  9х19 мм рҟынӡа инаӡо, 9 цырак ахы зцыз  иҭҟьо абџьар - асистема «Glock» иаҵанакуа атапанча ала хәынтә аҳауахь дхысит, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура.

Амилициа аусзуҩцәа аниба Гарри Кокаиа урҭ рганахьала агрессиа ааирԥшит. Амилициа аусзуҩцәа абџьар ашьҭаҵара азы закәанла иҟарҵаз адҵа анагӡара мап ацәикит. Аимак-аиҿак ҟалеит. Анаҩс Гарри Кокаиа ахҭыс ахьыҟалаз аҭыԥ ааныжьны дцеит.

Икьыԥхьуп АЖӘАБЖЬҚӘА

Аҟәа. Жьҭаарамза 1, 2021 шықәса. Аԥсныпресс. Жьҭаарамза 1,  00 сааҭи 10 минуҭи рзы Аҟәа ақалақь аҿы, Жәлар Реизара-Апарламент адепутат  Алмасхан Арӡынба имаҵуратә машьына   «Hyundai» (ашәҟәҭагаларатә дырга А029АА-АВН змоу)  дақәтәаны амшын аганахьала инагоу Академик Марр имҩаду ала днеины Аԥсны Аҳәынҭқарра аҩныҵҟатәи аусқәа Рминистрра аушьҭра-гәаҭаратә ԥыԥшырҭа аҿаԥхьа изакәанымкәа иныҟәиго иҭҟьо абџьар – зыхҭаларшә  5,45 мм рҟынӡа инаӡо автомат Калашников аҟынтәи Аминистрра ахыбра аганахьала 20-нтә дхысит, убри аан уи иахәҭам ажәақәа ҳәо ишакәым ала ихы мҩаԥигеит.

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс. Аԥсны Аҳәынҭқарра Анапхгара ахьӡала Аиааиреи Ахьыԥшымреи  Рныҳәамш инамаданы адыныҳәаларақәа аауеит.

Аҳәынҭқарра Ахадеи Аԥсны ажәлари рыхьӡала адныҳәалара аарышьҭит  Урыстәылатәи Афедерациа Ахада Владимир Путин, Никарагуа Ахада Даниель Ортега, Аԥсны Аҳәынҭқарраҿы иҟоу Урыстәылатәи Афедерациа Аҷыдалкаатә зинмчы змоу Ацҳаражәҳәаҩ Алеқсеи Двинианин, Аԥсны Аҳәынҭқарраҿы иҟоу Урыстәыла Афедералтә шәарҭадара Амаҵзура Аҳәаахьчаратә Усбарҭа анапхгаҩы, аинрал-маиор Андреи Кудимов, Аԥсны Аҳәынҭқарраҿы иҟоу Приднестровтәи Молдавтәи Ареспублика Ахаҭарнакра Ахада Гарри Купалба.

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит  582 -ҩык, COVID-19 азы адиагноз    165 -ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп 41 – ҩык апациентцәа, 10-ҩык ргәабзиара аҭагылазаашьа акыр иуадаҩуп, 28-ҩык апациентцәа рҭагылазаашьа бжьаратәуп.

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс. Аԥсны ажурналистцәа Реидгылара Аԥсны ажәлари амассатә информациа ахархәагақәа русзуҩцәеи  1992-1993 шш. Аџьынџьтәылатәи еибашьра аҿы Аиааира агара Амш  28-шықәса ахыҵра инамаданы ирыдныҳәалеит.

«Аԥсны ахақәиҭра азы акыр зҵазкуа рлагала аларҵеит ареспублика ажурналистцәа, иара убас аибашьра аҭагылазаашьа аҿы аталерадиодырраҭарақәа рышьҭреи агазеҭқәа рҭыжьреи алзыршоз атехникатә маҵзурақәа русзуҩцәа.

Ҷыдала иазгәаҳҭарц ҳҭахуп Аԥсуа телехәаԥшреи арадиои русура.  Ателехәаԥшреи арадиои рҿы ажәабжь ҿыцқәа роушьҭра аҵак дуӡӡа аман, избан акәзар урҭ атәыла ауааԥсыра рӷьырак рзы афронти атыли рҿы иҟаз аҭагылазаашьа азы адыррақәа раиура ахыҵхырҭа заҵәны иҟан. Афронт аҟынтәи иҟаҵаз арепортажқәа Аԥсадгьыл ахьчаҩцәа рфырхаҵара адагьы, дара ажурналистцәа рхаҭақәагьы хацәнымырха рзанааҭтә уалԥшьа анагӡара аанарԥшуан.  Гәахәарала иазгәауҭартә иҟоуп, аинформациатә еибашьра аҿы еиԥш афронт аҿгьы ҳара ҳашзаҵәмыз, иҳадгылан урыстәылатәи ҳколлегацәа, урҭ аобиективра злаз ррепортажқәа Аԥсны Аџьынџьтәылатәи еибашьра ахроника иалалеит.

Ҳара Аԥсадгьыл ахьчара зхы ақәызҵаз ҳколлегацәа ҳхашҭраны ҳаҟаӡам, урҭ рыхьӡқәа наунагӡа ҳгәаҵаҿы иаанхоит. Урҭ ргәалашәара азанааҭ гәыкала азыҟазаареи ахацәнымырхареи рҿырԥшы аҳасабала аԥсуа журналистика аҭоурых ианылоит.  

Аԥсны ажурналистцәа Реидгылара Аԥсны ажәлар, ареспублика ажурналистцәа реилазаара, еиҳарак Аџьынџьтәылатәи еибашьра  ажурналитцәа-аветеранцәа  Аиааира Амшныҳәа инамаданы  ирыдыныҳәалоит! Ирзиӷьаҳшьоит зегьы раԥхьаӡа иргыланы агәабзиара, агәамч, аҭынчраеи аизҳазыӷьареи. Ажәабжь бзиақәа еибаҳҳәалааит, ҳаҭыр зқәу ҳколлегацәа!

Руслан Ҳашыг, Аԥсны Аҳәынҭқарра ажурналистцәа Реидгылара Ахантәаҩы».

 

 

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me