09 Ԥхынкәын 2021

Items filtered by date: Амҽыша, 03 Жьҭаара 2021

Аҟәа. Цәыббрамза 30, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аиааиреи Ахьыԥшымреи рымш азы Аԥсны жәлар Ааԥхьара ҟаиҵеит

«Акыр иаԥсоу Аԥсны жэлар! Ишәыдысныҳәалоит Аиааиреи Ахьыԥшымреи рымш! Аамҭа цацыԥхьаӡа еиҳагьы иаҳныруеит зыԥсҭазаара ари амш иахҭнызҵаз рлахьынҵа, ҳазхәыцуеит зны-зынла ухаҿы иузаамго урҭ рыгәаҕьра, рхамеигӡара. Урҭ Ҳаԥсадгьыл азы ирылшаз ахә шәашьа амаӡам!

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс.   Никарагуа Ареспублика Ахада  Даниель Ортега Аԥсны Аҳәынҭқарра Ахада Аслан Бжьаниа Аиааиреи Ахьыԥшымреи рымш идиныҳәалеит.

 

Даниель Ортега иаацҳамҭаҿы иҳәоуп:

 «Ҳаҭыр зқәу сколлега – Аҳәынҭқарра Ахада!

Цәыббрамза 30 рзы иазгәашәҭо Аиааиреи Ахьыԥшымреи Рымшныҳәа  28 шықәса ахыҵра инамаданы, ари амш гәык-ԥсык ала ишәыдаҳныҳәаларц ҳҭахуп Шәара, Аԥсны Аҳәынҭқарра ауаажәларра, аиҳабыра.

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс. Урыстәылатәи Афедерациа Ахада Владимир Путин Аԥсны Аҳәынҭқарра Ахада Аслан Бжьаниа амилаҭтә ныҳәа идиныҳәалеит.

Адныҳәалараҟны иҳәоуп:       

«Ҳаҭыр зқәу Аслан Гьаргь-иԥа, гәык-ԥсык ала ишәыдысныҳәалоит Аԥсны амилаҭтә ныҳәа - Аиааиреи Ахьыԥшымреи рымш.

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс. Аԥсны Жәлар Реизара-Апарламент Аиҳабы Валери Кәарҷиа Аԥсны ажәлар зегьы аҳәынҭқарратә ныҳәа – Аԥсны Аҳәынҭқарра Аиааиреи Ахьыԥшымреи Рымшныҳәа рыдиныҳәалеит.

Адныҳәаларатә цҳамҭа аҟны, ахәҭакахьала иазгәаҭоуп: «Ҳатәыр зқәу аԥсуа жәлар, Аџьынџьтәылатәи еибашьра аветеранцәа! Аԥсны Жәлар Реизара-Апарламент ихадоу аҳәынҭқарратә ныҳәа – Аиааиреи Ахьыԥшымреи Рымшныҳәа инамаданы адныҳәалара ҟанаҵоит!

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс. Аԥсны Аҳәынҭқарра Ахада Иусбарҭа аҟны Аахыҵ Уаԥстәыла Ахада Анатоли Бибилов гәырӷьахәрала идкылара мҩаԥысит.  Аахыҵ Уаԥстәыла Ахада ихьӡала иқәыргылан аҳаҭыртә ҟарул. Анаҩс имҩаԥысит ҩ-ҳәынҭқаррак рхадацәа официалтә ҟазшьа змаз реиԥылара.

Аслан Бжьаниа Анатоли Бибилов  диԥыло Аԥсназы аҵак ду змоу амш аҽны иааразы иҭабуп ҳәа еиҳәеит. «Ари амш аҵак ду амоуп Аԥсны жәлар рзеиԥш Нхыҵ Кавказ ажәларқәа рызгьы, иара убас Аахыҵ Уаԥстәыла иқәынхо ҳашьцәа ауааԥсаа рзы. Ари амш аҽны ара шәахьҳадгылоу ҳара ҳзы акыр иаԥсоуп ҳәа исыԥхьаӡоит. Бзиала шәаабеит ҳәа шәасҳәоит!» – ҳәа иҳәеит Аслан Бжьаниа.

Анатоли Бибилов Аԥсны жәлар ирыдиныҳәалеит аҳәынҭқарратә ныҳәа хада – Аиааиреи Ахьыԥшымреи рымш. «Ҳәарада, Аиааира амш – ныҳәа дууп, ари аныҳәа атрагеидиатә хҭысқәа, аԥсыҭбарақәа ишрыдҳәалоугьы, убас шакәугьы ари Аԥсны Аџьынџьтәылатә еибашьраан игаз Аиааира амш ауп. Шәара аԥхьа шәнаргыланы, аԥсуа жәлар зегьы ирыдысныҳәалоит ари амш, ишәзеиӷьасшьоит аиааирақәа зегьы рыҟны, шәҳәынҭқарра аҿиара ахырхарҭақәа зегьы рҿы», – ҳәа иҳәеит Анатоли Бибилов.

Икьыԥхьуп АЖӘАБЖЬҚӘА

Аҟәа. Цәыббрамза 30, 2021 шықәса. Аԥсныпресс. Аԥсни Аахыҵ Уаԥстәылеи Рхадацәа Аслан Бжьаниеи Анатоли Бибилови Аҟәа ақалақь Ахьӡ-Аԥша апарк аҿы афырхацәа рмемориал амҵан ашәҭ шьыҵәрақәа шьҭарҵеит.

1992 – 1993 шш. Аԥсны жәлар рџьынџьтәылатәи еибашьра аҿы иҭахаз ҳаҭырла иргәаладыршәарц арахь иара убас иааит Аҳәынҭқарра Ахада Ихаҭыԥуаҩ Бадра Гәынба, атәыла аԥыза-министр Алеқсандр Анқәаб, Жәлар Реизара-Апарламент Аиҳабы Валери Кәарҷиа, Аԥсны иҟоу Аахыҵ Уаԥстәыла Ацҳаражәҳәаҩ Олег Боциев, Аԥсны иҟоу Урыстәылатәи Афедерациа Ацҳаражәҳәаҩ Алеқсеи Двинианин,  Апарламент адепутатцәа, атәыла Анапхгара алахәылацәа, Аԥсны атәылахьчара Аминистрра аруаа, иҭахаз ранацәа, аибашьра аветеранцәа, ауаажәларра рхаҭарнакцәа. 

Цәыббрамза 27 рзы 1992-1993 шш. Аџьынџьтәылатәи еибашьра аҿы Аиааира агара Амш  28- шықәса ахыҵра иазку аныҳәатә усмҩаԥгатәқәа рылахәхаразы Аԥсныҟа иааит  Аахыҵ Уаԥстәыла Ахада Анатоли Бибилов  напхгара зиҭо  аделегациа.

Амемориал амҵан ашәҭ шьыҵәрақәа рышьҭаҵара ацеремониа ашьҭахь атәылахьчара Аминистрра архәҭақәа Аидгылара амҩаду ала шьаҿеиқәшәала рықәсра мҩаԥысит. 

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me