27 Лаҵара 2022

Актуальное

АҾЦӘАЖӘАРА

АГӘААНАГАРАҚӘА

Амедиа

« Ажьырныҳәа 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Items filtered by date: Аҩаша, 18 Ажьырныҳәа 2022

Аҟәа. Ажьырныҳәамза 18, 2022 шықәса. Аԥсныпресс.  Ауааԥсыра акоронавирусттә ҿкы чымазара рацәыхьчара азы Акоординациатә Штаб  ажьырныҳәамза 18  аламҭалазы атәыла аҩныҵҟа ишьақәгылаз аепидимиологиатә ҭагылазаашьа азы адырра ҟанаҵоит. Убас, иҟоу адыррақәа рыла, уахыки-ҽнаки рыла 461-ҩык акоронавирус азы атест иахысит, урҭ рахьынтә COVID-19 азы 130-ҩык  рдиагноз шьақәырӷәӷәоуп. 

Гәдоуҭатәи ахәышәтәырҭа хада аҿы астационартә хәышәтәра иахысуеит COVID-19 азы рдиагноз шьақәырӷәӷәоу 84-ҩык, урҭ рахьынтә  згәабзиара аҭагылазаашьа уадаҩу рхыԥхьаӡара 36-ҩык рҟынӡа инаӡоит, 48  –ҩык апациентцәа рҭагылазаашьа бжьаратәуп.

Икьыԥхьуп АЖӘАБЖЬҚӘА

Аҟәа. Ажьырныҳәамза 18, 2022 шықәса. Аԥсныпресс. Ашықәсҿыцтәи аныҳәақәа рышьҭахь С.Ҷанба ихьӡ зху Аԥснытәи адрамтә театр аҿы аусуратә мшқәа  ирылагеит. Иахьа атеатр адиректор Хада Алхас Ҷолокәуа аиҿкааратәии атехникатәи азҵаарақәа рыӡбара иазкны аусуратә еилацәажәара мҩаԥигеит.  

Феисбук аҿы атеатр адаҟьа иану адырра инақәыршәаны, хара имгакәа атеатр аҿы иазԥхьагәаҭоуп Даур Занҭариа 1985 шықәсазы ииҩыз асценари ала аспектакль «Аҽацә лас» ақәыргылара.

Икьыԥхьуп АЖӘАБЖЬҚӘА

Аҟәа. Ажьырныҳәамза 18, 2022 шықәса. Аԥсныпресс. Ауаажәларратә Палата аҿы имҩаԥысит  ареспубликатә партиа «Аԥсны Жәлар Ракзаара Афорум» ахаҭарнакцәеи аполитикатә партиа «Аԥсны Акзаара» ахаҭарнакцәеи реиԥылара. Аиԥылара аихшьаалақәа ҟаҵо Ауаажәларратә Палата Амаӡаныҟәгаҩ Гәыли Кьычба, аҳәынҭқарратә шәарҭадара Ахеилак амаӡаныҟәгаҩ, аполитикатә партиа «Аԥсны Акзаара» ахантәаҩы Сергеи Шамба, иара убас  аполитикатә партиа «Аԥсны Жәлар Ракзаара Афорум» ахантәаҩы Аслан Барцыц ажурналистцәа ирыҿцәажәеит.

Гәыли Кьычба: Иахьа араҟа имҩаԥысит аполитикатә партиа «Аԥсны Жәлар Ракзаара Афорум» ахаҭарнак Аслан Барцыци аполитикатә партиа «Аԥсны Акзаара» ахаҭарнак Сергеи Шамбеи реиԥылара.  Уаанӡа ҳара ҳарԥылеит «Амцахареи» «Аруааи» рхаҭарнакцәа.  Ҳара, шьаҿа-шьаҿала, атәыла аҿы аҭагылазаашьа аҭышәынтәалара азы агәҭакы змоу аполитикатә мчқәа зегьы  Ауаажәларратә Палата аплошьадка аҿы ҳарԥылалоит.  Сгәаанагарала иахьа алҵшәа бзиа аарԥшра зылшо аиԥылара мҩаԥган. Даара аконструктивра злаз аиҿцәажәара мҩаԥысит. Акыр зҵазкуа азҵаарақәа жәпакы ҳрылацәажәеит.  Зегьы ирҭаху акы заҵәык ауп - атәыла аҩныҵҟа аҭынчреи аҭышәынтәалареи ҟаларц».  

Сергеи Шамба: «Иахьа араҟа ҳалацәажәеит атәыла аполитикатә мчқәа рыбжьара ишьақәгылаз иуадаҩу аҭагылазаашьа алҵра амҩақәа рыԥшааразы иҟаҵатәу ауснагӡатәқәа.   Ауаажәларратә Палата ари азҵаара аҿы абжьаҟазаҩ иаҳасабала иқәгыларц, насгьы ауаажәларратә еиқәшаҳаҭра азы аусшәҟәы  ахатәы проект адгалара мҩаԥнагарц азы агәазыҳәара аарԥшын. Ҳара адиалог амҩаԥгареи, ҳтәыла аҿы аполитикатә еизыҟазаашьақәа рганахьала зегьы ирзеиԥшу аԥҟарақәа рышьақәыргылареи ҳадгылоит.  Ари аинциатива, сара сгәаанагарала  иаамҭаны иҟаҵоуп, ҳара ари апроцесс алахәхара ҳазхиоуп.

Аслан Барцыц: «Ауаажәларратә Палата иаанарԥшыз аинциатива азы идуӡӡаны иҭабуп ҳәа сҳәар сҭахуп.  Ауаажәларратә Палата аҳәынҭқарреи ауаажәларреи рҿаԥхьа иамоу аҭакԥхықәра еилкааны абжьаҟазаратә роль анагӡара ахахьы иагеит. Иарбоу ахырхарҭа ала Апалата аусура аконструктивра аланы иаабоит. Уи аппозициеи аполитикатә партиақәеи атәыла анапхгареи реизааигәатәра иазырхоуп. Иахьатәи амш азы зегьы еилаҳкаауеит ҳтәыла иуадаҩу аполитика-економикатә ҭагылазаашьа шамоу. Аганқәа зегьы иҟоу акризис алҵразы агәазыҳәара рымоуп. Уи ҵабыргуп, ари аплошьадка аҿы ҳара зегьы ҳаартуп, иҟоу шыҟоу ала ҳгәаанагара ҳҳәоит.

Ҳазхымԥо ҳгәаанагара хадақәа ртәы Амеморандум ианылеит, уи анагӡаратә усбарҭақәа рахь, ахәҭакахьала Аҳәынҭқарра Ахада ихаҭыԥуаҩ Бадра Гәынба иахь идәықәҵоуп.

Икьыԥхьуп АЖӘАБЖЬҚӘА

Аҟәа. Ажьырныҳәамза 18, 2022 шықәса.  Аԥсныпресс. Аԥсны адәныҟатәи аусқәа рминистр Инал Арӡынба Аԥсны иҟоу Приднестровтәи Молдавтәи Ареспублика Аофициалтә Хаҭарнакра аԥҵара 15- шықәса ахыҵра инамаданы Гарри Кәпалба ихьӡала  адныҳәаларатә шәҟәы дәықәиҵеит.

Адныҳәаларатә шәҟәы аҟны, ахәҭакахьала иазгәаҭоуп:

«Ҳаҭыр зқәу Гарри Сергеи-иԥа, Аԥсны Аҳәынҭқарра аҿы Приднестровтәи Молдавтәи Ареспублика Аофициалтә Хаҭарнакра аԥҵара азы Ақәҵара анапаҵыҩра амш инаркны 15-шықәса ахыҵра шәыдысныҳәалоит.

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me