Items filtered by date: Ахаша, 01 Цәыббра 2021

Аҟәа. Цәыббрамза 01,2021шықәса. Аԥсныпресс.   Аԥсны Аҳәынҭқарра Ахада Аслан Бжьаниа Ҟабарда-Балкариа Ахада Казбек Коков Ареспублика Амш идиныҳәалеит. 

Ҳаҭыр зқәу Казбек Валери-иԥа!

Аҧсны Аҳәынҭқарра ауаажәларра рыхьӡала, хаҭала сара сыхьӡала, ишәыдысныҳәалоит аҵак ду змоу аныҳәа - Ареспублика амш.

Ҟабарда-Балкариа аҭоурых ду, аԥсабара ссир змоу аҟны инхоит асасдкылара злоу ауаа.

Икьыԥхьуп АЖӘАБЖЬҚӘА

Аҟәа. Цәыббрамза 01, 2021 шықәса. Аԥсныпресс. Аслан Бжьаниа Аԥсны Аҳәынҭқарра Ахада имаҵураҟны даннеи инаркны аҳәынҭқарра Ахада изы автомашьынак аахәаӡам.

Абас аарыцҳауеит Ахада ипресс-маҵзураҟны асоциалтә каҭақәа рыҟны анонимла Аслан Бжьаниа уажәааигәа автомашьына Lexus 30 млн. мааҭ ҳәа иааихәеит ҳәа ирыладырҵәаз аинформациа ахҳәаа аҟаҵаразы иҟоу аҳәара аҭакс.

Апресс-маҵзураҟны ишазгәарҭаз ала, Аҳәынҭқарра Ахада ихы иаирхәоит акымкәа икәалӡырку автомашьынақәа, иара убас автомобиль Lexus LX 2016 шықәсазы иҭыжьу.

Аҳәынҭқарра Ахада инапаҵаҟа иҟоу автомашьынақәа иарбанзаалак маҵзуратәӡам, ҳәынҭқарратә харџьлагьы иаахәаӡам.

 

Иазгәаҭатәуп дара зегьы 2014 шықәса инаркны 2020 шықәса рыбжьара ишаахәоу.

 

Икьыԥхьуп АЖӘАБЖЬҚӘА

Аҟәа. Цәыббрамза 1, 2021 шықәса. Аԥсныпресс. Аполитикатә партиа «Аиҭаира» аҵарашықәс ҿыц алагара азы адныҳәалара аланарҵәеит.

«Цәыббрамза 1 – ари аҵаҩцәеи арҵаҩцәеи аҭаацәеи рзы акыр аҵак ду змоу  мшуп. Ҷыдала ари амш азы ргәы хыҭхыҭуеит раԥхьаӡа акәны ашкол ахь зшьапы еихызхуа ахәыҷқәа. Иалаго аҵарашықәс ҿыц уи иаԥхьанеиуаз еиԥшҵәҟьа даара имариам аҭагылазаашьақәа рҿы иалагоит.

Арҵаҩцәа аҵара-ааӡаратә процесс ишахәҭоу ала аиҿкааразы ихымԥадатәиу агәабзиареи агәамчи рзеиӷьаҳшьоит. Аиҳабацәа ируалуп ахәыҷқәа аҵареи аизҳареи рзы иманшәалоу аҭагылазаашьақәа роуртә аҟаҵара. Зегьы раԥхьаӡа иргыланы урҭ рыԥсҭазаареи ргәабзиареи ахьчара азы аҭакԥхықәра ҳадуп.

Иалагаз аҵарашықәс ҿыц азы ақәҿиарақәеи аихьӡарақәеи шәзеиӷьаҳшьоит!» - ҳәа иаҳәоит адныҳәаларатә цҳамҭа аҿы.

 

 

Икьыԥхьуп АЖӘАБЖЬҚӘА

Аҟәа. Цәыббрамза 1, 2021 шықәса. Аԥсныпресс.  Аԥсны аԥыза-министр Алеқсандр Анқәаб Кавказ хабарда ибжьаӡыз рзы Аџьар Ҟаԥшь Жәларбжьаратәи Акомитет (МККК)  ахаҭарнак Дениель Максуини, Аџьар Ҟаԥшь Жәларбжьаратәи Акомитет (МККК) Амиссиа ахада Натан Реиесоми, Амиссиа ахада ицхырааҩ Борис Казанбеи идикылеит.

Аиԥылара аҿы Аџьар Ҟаԥшь Жәларбжьаратәи Акомитет ареспублика аҿы инанагӡо аусура иадҳәалоу азҵаарақәа жәпакы ирылацәажәеит, ахәҭакахьала,  1992-1993 шш. Аԥсны Аџьынџьтәылатәи еибашьра аан Аԥсны иахьаҵанакуа хабарда ибжьаӡыз рыԥшаара иадҳәалоу азҵаарақәа ирзааҭгылеит.  

Икьыԥхьуп АЖӘАБЖЬҚӘА

Аҟәа. Цәыббрамза  01, 2021 шықәса.  Аԥсныпресс.  Аԥсны Аҳәынҭқарра Ахада Аслан Бжьаниа аҵаҩцәеи, арҵаҩцәеи, аҭаацәеи аҵарашықәс ҿыц алагамҭа рыдиныҳәалеит.

"Акыр иаԥсоу аҵаҩцәа, арҵаҩцәа, аҭаацәа!

Гәык-ԥсык ала ишәыдысныҳәалоит аҵарашықәс ҿыц алагара амш!  Ари амш зегьы ҳзы аҵак ду амоуп. Раԥхьатәи аҵәҵәабжьы иацны иаҳзааиуеит аныҳәа, уи наунагӡа ҳаԥсҭазаараҿы инхоит, уи иацзаауеит ҳхәыҷра иазкыу агәалашәарақәа, ҳарҵаҩцәа ргәыблыра, урҭ ирҿаҳҵааз адырра, иҳауз аԥышәа.

Икьыԥхьуп АЖӘАБЖЬҚӘА

Аҟәа. Цәыббрамза 1, 2021 шықәса. Аԥсныпресс. Цәыббрамза 1 азы иазгәарҭоит адыррақәа Рымш. Ари амш аҽны Аԥсны 153 аҳәынҭқарратә  школқәеи ахазхаҭалатәи ҩ-школки  аҵаҩцәа рзы рышәқәа аадыртит.

Сынтәа раԥхьаӡа акәны ашкол ахь ршьапы еихыргеит 2056 – ҩык ахәыҷқәа, урҭ рахьынтә  900-ҩык инареиҳаны Аҟәа ақалақь аҿы.

Аԥсны аҵарадырреи абызшәатә политикеи рзы Аминистрра адыррақәа рыла, зынӡа Аԥсны аҵаҩцәа рхыԥхьаӡара 28 нызықь-ҩык рҟынӡа инаӡоит.  

Икьыԥхьуп АЖӘАБЖЬҚӘА
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me