АЖӘАБЖЬҚӘА

Аҟәа. Жьҭаарамза 5, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Мураҭ Кумпилов Адыгьеиа Ареспублика ашьақәгылара амш идиныҳәалеит.

«Ҳаҭыр зқәу Мураҭ Каральби-иҧа!

Аҧсны жәлар, иара убас хаҭала сара сыхьӡала гәык-ҧсык ала ишәыдысныҳәалоит Шәаргьы аедыгьа жәлар зегьы Ареспублика ашьақәыргылеижьҭеи 30 ш. аҵра амш.

Иахьа Аедыгатәыла иара иқәынхо ауааԥсыра ракзаареи рыхандеиреи ирыбзоураны, ареспублика аԥсҭазаара аганқәа зегьы рыла аҿиара иаҿу Урыстәылатәи Афедерациа асубиектқәа ируакуп.

Агәра згоит шәыҧсадгьыл ахь ишәымоу абзиабара, ашәышықәсақәа иргәылганы иаажәго шәҵасқәа, кавказтәи асасдкылара ҩаҧхьа ауаажәларра рыҩныҵҟа аҭынчреи аилибакаареи шьаҭас ишрымазаауа.

Аҟәа. Жьҭаарамза 5, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа  «Аԥсны Аҳәынҭқарра зҽаԥсазтәыз арҵаҩы» ҳәа аҳаҭыртә хьӡы ахҵаразы Аусԥҟақәа инапы рыҵаиҩит.

«Аԥсны Аҳәынҭқарра зҽаԥсазтәыз арҵаҩы» ҳәа аҳаҭыртә хьӡы ахҵаразы Аусԥҟа аҟны, ҷыдала, иҳәоуп:

«Арҵаҩратә усураҟны, изызҳәауа абиԥарақәа аҵара дырҵараҟны, рааӡараҟны рылшамҭақәа рзы иранашьазааит аҳаҭыртә хьӡы «Аԥсны Аҳәынҭқарра зҽаԥсазтәыз арҵаҩы»:

 

Аҟәа. Жьҭаарамза 5, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны арҵаҩцәа рзанааҭтә ныҳәа рыдиныҳәалеит.

Адныҳәалараҟны иҳәоуп:

Аҟәа. Жьҭаарамза 4, 2021 шықәса. Аԥсныпресс. Иахьа Апарламент адепутатцәа Амҳаџьыраа Рыԥшаҳәа аҿы цәыббрамза 30, ахәылбыҽха адепутат Гарри Кокаиа, аибашьра аветеранцәеи амилициа аусзуҩцәеи рыбжьара иҟалаз аинцидент алацәажәара иазку аилатәара иацырҵоит. 

Ауаажәларратә еиҿкаара «Аруаа» жьҭаарамза  3 рзы жьҭааразма 4 рзы Апарламент аҿаԥхьа амитинг амҩаԥгаразы аизара азы зегьы рахь ааԥхьара ҟанаҵеит.

Азинхьчаратә усбарҭақәа русзуҩцәа Амҳаџьыраа Рыԥшаҳәа аҿы игылоу анапхгаратә хыбрақәа ркомплекс иакәшаны иҩагылеит.

Жьҭарамза 3 рзы Аҩныҵҟатәи аусқәа рминистр Дмитри Дбар Аҳәынҭқарра Ахада иҟны Аҳәынҭқарра Ахада Ихаҭыԥуаҩ Бадра Гәынба, атәыла аԥыза-министр Алеқсандр Анқәаб, Аҳәынҭқарра Ахада Иусбарҭа Анапхгаҩы Алхас Кәыҵниа, ашәарҭадара Ахеилак Амаӡаныҟәгаҩ Сергеи Шамба, амчратә структурақәа рнапхгаҩцәа алархәны имҩаԥгаз аусуратә еилатәара аҿы Аҳәынҭқарра Ахада аусҭҵаара цонаҵы имаҵураҟнытә аамҭала ихы дақәиҭитәырц диҳәеит. Аҳәынҭқарра Ахада аҩныҵҟатәи аусқәа рминистр иажәалагала дадгылеит, иақәнагоу адокумент азырхиаразы адҵагьы ҟаиҵеит. Аамҭала аҩныҵҟатәи аусқәа рминистр инапынҵақәа рынагӡара идҵан аҩныҵҟатәи аусқәа рминистр ихаҭыԥуаҩ Руслан Ажьиба.  

Аҟәа. Жьҭаарамза 4, 2021 шықәса. Аԥсныпресс. Руслан Ҳашба, Ростовтәи аспорттә клуб «KHASHBA AF BJJ TEAM» ахьӡала иқәгылоз, бразилиатәи џьиу-џьитс GYMNASIUM XIX ҳәа изышьҭоу, жьҭаарамза 2-3 рзы Санкт-Петербург ақалақь аҿы имҩаԥысуаз жәларбжьаратәи атурнир ду аҿы араӡны медалқәа ҩба иоуит, ҳәа иаанацҳауеит Аԥсны Аҳәынҭспорт Еилакы апресс-маҵзура.  

Руслан Ҳашба амедалқәа ҩ-категориак рыла  иоуит  - 82 кьыла рҟынӡа акимоно ишәҵаны, иара убас  88 кьыла рҟынӡа акимоно ишәымҵаӡакәа.

Аҟәа. Жьҭаарамза 4, 2021 шықәса. Аԥсныпресс. Ренат Кокосқериа Ростов-на Дону ақалақь аҿы жьҭаарамза  3 рзы имҩаԥысуаз аспорттә (зхы иақәиҭу) аиқәԥара  азы Арегионбжьаратәи атурнир «New stream» аҿы актәи аҭыԥ ааникылеит, ҳәа адырра ҟанаҵоит Аԥсны Аҳәынҭспорт Еилакы апресс-маҵзура.

Аԥснытәи аспортсмен 75 кьыла аҟынӡа инаӡо акапантә категориа иаҵанакуа рыбжьара, «грэпплинг» ҳәа изышьҭоу агәыԥ аҿы, ростовтәи аспорттә клуб  «Khasba Team» ахьӡала  дықәгылон.

Атурнир ахь аспортсмен дазыҟаиҵеит Саид Мықәба.

Азыҟаҵаҩ ишазгәеиҭаз ала, Ренат х-сааҭк инарзынаԥшуа аиндаҭлара мҩаԥигеит, руакы ҽҳәараанӡа ихиркәшеит – анапы ахь ахьаатә прииом ахархәарала. болевым приемом на руку.

Аҟәа. Жьҭаарамза 4, 2021 шықәса. Аԥсныпресс. Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 733-ҩык, COVID-19 азы адиагноз 172-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп 33 – ҩык апациентцәа, 6-ҩык ргәабзиара аҭагылазаашьа акыр иуадаҩуп, 23 -ҩык апациентцәа рҭагылазаашьа бжьаратәуп.

Аҟәатәи аинфекциатә хәышәтәырҭа аҿы ишьҭоуп 33-ҩык апациентцәа, 10-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 6-ҩык, Гагратәи араионтә хәышәтәырҭа Хада аҿы – 16, 4-ҩык, ргәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 7 - ҩык апациентцәа. Аҟәа ақалақь аҿы аус зуа Урыстәылатәи арратә хәышәтәырҭа аҿы ишьҭоуп 78 -ҩык апациентцәа, урҭ рахьынтә  12–ҩык ргәабзиара аҭагылазаашьа акыр иуадаҩуп.

Аҟәа. Жьҭаарамза 4, 2021 шықәса. Аԥсныпресс. Апрокурор Хада Адгәыр Агрба  адепутатцәа ирзеиҭеиҳәеит цәыббрамза 30 рзы Амҳаџьыраа рыԥшаҳәа аҿы иҟалаз аинцидент азы аусеилыргара шымҩаԥысуа атәы.

«Сара сколлегацәа – апрокурорцәа, Амҳаџьыраа рыԥшаҳәеи аҩныҵҟатәи аусқәа Рминистрра ахыбра аҿаԥхьеи иҟалаз ахысра афакт ала аҭагылазаашьа азы адырра ҟазҵаз аусбарҭақәа рнапхгаҩцәа еизызгеит. Аусеилыргаратә усбарҭа агәаҭарақәа мҩаԥнагоит. Аусура мҽхакы ҭбаала имҩаԥгоуп, аха уажәазы азинтә хәшьара аҭара азы алшара ыҟаӡам.  Хымш роуп аусеилыргаҩцәа аматериал аизгара иаҿууижьҭеи. Сгәаанагарала, даҽа маҷк иадамзаргьы аамҭа аҭаххоит аҵыхәтәантәи аихшьаалақәа рыҟаҵаразы. Ааигәа уи алыршахоит. Сгәыӷуеит уи 15-мыш ирҭагӡахап ҳәа», - иҳәеит Адгәыр Агрба.

Уи иара убас иахьа амилициа аусзуҩцәа, аибашьра аветеранцәа, Апарламент адепутат рхымҩаԥгашьа ахәшьара аҭара ииашахаӡом ҳәа иазгәеиҭеит.

Иарбоу аинцидент иалахәыз ауаа зегьы рхаҭара шьақәыргылоума ҳәа иҟаҵаз азҵаара аҭак ҟаҵо апрокурор Хада ишьақәыргылоуп ҳәа аҭак ҟаиҵеит.

«Аибашьра аветеранцәа рганахьала адепутат Гарри Кокаиа ицын 11 – ҩык, аҩныҵҟатәи аусқәа Рминистрра аганахьала – 5-ҩык. Уи раԥхьа инеиз роуп. Ҳара авидеонаԥшра акамерақәа иҭырхыз аматериалқәа ҳамоуп», - ҳәа иҳәеит Адгәыр Агрба.  

Адгәыр Агрба иажәақәа рыла, аинцидент иалахәыз зегьы рызҵаарақәа мҩаԥымсӡацт, аҩныҵҟатәи аусқәа рминистргьы уахь дналаҵаны. «Уи изҵаара иахьа имҩаԥысраны иҟоуп. Аҿахәы алаҵәара азин ҳамаӡам», - ҳәа иажәа хыркәшо иҳәеит апрокурор Хада.

Аҟәа. Жьҭаарамза 4́, 2021 шықәса. Аԥсныпресс. Абарҭ асааҭқәа рзы Жәлар Реизара-Апарламент аҿы Амҳаџьыраа рыԥшаҳәа аҿы цәыббрамза 30, ахәылбыҽха адепутат Гарри Кокаиа, аибашьра аветеранцәеи амилициа аусзуҩцәеи рыбжьара иҟалаз аинцидент алацәажәара иазку аилатәара мҩаԥысуеит.  

Аилатәара аартуа, Апарламент Аиҳабы Валери Кәарҷиа иҟалаз ахҭыс аобиективла аилыргара азы иҟаҵоу ауснагӡатәқәа  азхоит ҳәа иазгәеиҭеит.

«Иҟоуп аҩныҵҟатәи аусқәа рминистри уи ихаҭыԥуаҩцәеи рамхра азы адҵа ықәзыргыло, аха хаҭала сара сгәаанагарала, иарбоу ахҭыс аобиективла аилыргаразы иахьатәи амш азы иҟаҵоу азхоит. Алкаақәа ҟаҵатәуп. Аибашьра аветеранцәа ирхарамкәа ргәы анырхара ҟалаӡом. Агәыӷра сымоуп Аҳәынҭқарра Ахада ииашоу аӡбамҭа адкылара илшап ҳәа.  Сгәы иаанагоит адепутатцәа зегьы ас еиԥш агәаанагара иадгылоит ҳәа», - иҳәеит Валери Кәарҷиа.

Иара жьҭаарамза 1 азы имҩаԥгаз изаамҭанытәиим аилатәара аҿы ирызрыдымкылаз Ақәҵара апроект  атекст ала азырхара азы адепутатцәа рахь ааԥхьара ҟаиҵеит.

Адепутат Гиви Кәарҷиа иара игәаанагарала даара акыр зҵазкуа аҭагылазаашьа ҷыдала иазгәеиҭеит. «Аветеранцәа, аибашьра аинвалидцәа ԥҟаны амҩа ианыжьланы ицеит. Ҳара ҳаилатәара ашьҭахь (жьҭаарамза 1 азы имҩаԥгаз аилатәара – ред. АП) аӡәгьы урҭ рҿаԥхьа аҭамзаара шьҭеимҵаӡеит. Урҭ ахәышәтәра рыдыргалеит. Ари, сара сгәаангарала, ацәгьацәыԥхамшьаратә хымҩаԥгашьоуп. Иахьа уажәраанӡа аусеилыргара хацыркӡам, аветеранцәа рыԥҟара зхы иаҭәазшьаз рганахьала ахьырхәра алкааӡам. Адепутатцәа зегьы азинхьчаратә усбарҭақәа руснагӡатәқәа ишахәаԥшуа атәы рҳәароуп. Ҳара азинхьчаратә усбарҭақәа рганахьала лассы-лассы аҭыԥ зауа иалагаз анапышьҭыхрақәа рҵыхәтәа ԥаҳҵәароуп», - ҳәа иҳәеит адепутат Гиви Кәарҷиа.

Адепутат Натали Смыр адепутатцәа ркьымсра астатус аԥыхра азы азҵаара ықәыргылахар, лара хаҭала дшаҿагыло атәы лҳәеит.

«Сара адепутат илакьымсра астатус схырхыр, ишыжәдыруа еиԥш сара лассы-лассы ихжәаны сықәгылоит, уҟан сықәгыларақәа рзы инасгәылҵаны сыршьуеит», - ҳәа иазгәалҭеит лара.

Уи иара убас аилатәара ахь апрокурор Хадеи аҳәынҭқарратә шәарҭадара Амаҵзура Ахантәаҩи, Аҳәынҭқарра Ахада Иусбарҭа ахаҭарнакцәеи ахьымааз аганахьала ӷәӷәала агәынамӡара аалырԥшит.

Лара иара убас Аԥсуа телехәаԥшра анапхгараҭара аганахьала аҽԥынкылара шлымоу лҳәеит, уи лгәаанагарала ателехәаԥшра шҳәынҭқарратәугьы хықәкылатәи апропагандатә усура нанагӡоит.  

Дмитри Арӡынба иара убас ишьақәгылаз аҭагылазаашьа дахцәажәеит: «Аибашьра аветеранцәа, аорденқәа занашьоу ауаа, афырхацәа шьала иааргаз Аиааира Амш азгәарҭарц рыӡбеит, аха игәыԥжәагоу ахҭыс ҟалеит, уи ухашҭуа иҟам. Ишьақәгылаз аҭагылазаашьазы, сара аӡәгьы ахара идҵареи , мамзаргьы идгылареи сҭахым иахьа ара. Ҳара зегьы иҳалшо ала, ишаҳҭаху еиԥш ари аныҳәа азгәаҳҭоит, аӡәгьы дхысуеит Амҳаџьыраа Рыԥшаҳәа аҿы ишыҟалаз еиԥш. Уи аҩыза ҟалазаргьы, 28 шықәса рыҩныҵҟа ахысра аанымкылаӡацт. Ахаангьы иҟамлацызт, агәыӷра сымоуп уаҳагьы ишыҟамло ари аҩыза, аветеранцәа иаарысуа иԥҟаны амҩа ианыжьланы ицо. Иҟазҵада ари аҩыза ахәымгара? Уи Аԥсны Афырхацәа рхәыҷқәа роуп иҟазҵаз. Шьапыла иаарысуа иԥҟаны, нас шәысхәышәтәуеит ҳәа раҳәара. Избахьада ари аҩыза!»

Адепутат Гарри Кокаиа ижәлар рҿаԥхьа аҭамзаара шьҭеиҵеит адепутаттә етика ахьеилигаз азы.  «Сара ус схы мҩаԥызымгар акәын, аемоциақәа сыхнарԥаан иарбоу аахымҩаԥгашьа аасырԥшит.  Сара адепутат икьымсра астатус ала аҽыхҩара сгәы иҭаӡам. Аусҭҵааратә усбарҭақәа сыҽрымаздоит, рызҵаарақәа зегьы рҭак ҟасҵоит. Аха аветеранцәа ӷәӷәала ргәы ндырхеит, урҭ  30 шықәса раԥхьа ҳаԥсадгьыл анырыхьчоз еиԥш маха-шьахала иӷәӷәаӡам иахьа. Атәыла анапхгара ари аконфликт ахьаршшара амыцхәрас уи еиҳа идыруадаҩит»,- ҳәа иҳәеит иара. Уи иколлегацәа рахь аветеранцәа ршьа зызкарҭәоз аҳәынҭқарра аҟынтәи ахьчара роуртә аҟаҵара зылшо аӡбамҭа рыдыркыларц азы ааԥхьара ҟаиҵеит.  Уи ашьҭахь иара аилатәара ааныжьны дцеит.

Аҟәа. Жьҭаарамза 4, 2021 шықәса. Аԥсныпресс.  Аԥсны Жәлар Реизара-Апарламент ахыбра аҿаԥхьа амитинг ахь еизаз ауаа рахь идәылҵит Аԥсны Аҳәынҭқарра Ахада Ихаҭыԥуаҩ Бадра Гәынбеи Ашәарҭадара ахеилак Амаӡаныҟәгаҩ Сергеи Шамбеи.  Урҭ Аслан Бжьаниеи Аӡҩабжьа ақыҭауааи реиқәшәара алҵәшәақәа рзы адырра ҟарҵеит.

Бадра Гәынба иажәақәа рыла, Аҳәынҭқарра Ахада иҟалаз аинцидент азы игәаанагара иҳәеит. Уи Апрокуратура Хада ихацнаркыз аусеилыргара алҵшәақәа рышьҭахь азыӡба шидикыло иҳәеит.

Аҭакс еизаз ауаа Аҳәынҭқарра Ахада иԥыларазы ицаз Аӡҩыбжьа ақыҭа ахаҭарнакцәа Аҳәынҭқарра Ахада ишиқәшаҳаҭым, ас еиԥш азыӡба ишадымгыло, насгьы аҩныҵҟатәи аусқәа рминистри уи ихаҭыԥуаҩцәеи зыԥшра ҟамҵакәа рамхра  дҵаны ишықәдыргыло, уи-моу иҟоуп урҭ рҭакрагьы иадгыло рҳәеит.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me