АЖӘАБЖЬҚӘА

Аҟәа. Жьҭаарамза 9, 2021 шықәса. Аԥсныпресс.  Иахьа, жьҭаарамза 9 рзы, Аҟәа ақалақь аҿы 1941-1945 шш. Аџьынџьтәылатәи еибашьра Дуӡӡа аҿы асовет архәҭақәа рыла афашисттә мпыҵахалыҩцәа рҟынтәи Кавказ ахьчареи ахақәиҭреи 78-шықәса ахыҵра иазку Жәларбжьаратәи акциа мҩаԥысит.

Рашәарамза 25, 1942 шықәса рзы иалагаз Кавказ азы аибашьра жьҭаарамза 9, 1943 шықәса рзы асоветтә архәҭақәа иргаз аиааирала  ихыркәшахеит.  Кавказ еиԥш ихадоу астратегиатә ҵакы змоу араион ахақәиҭтәра, – Аџьынџьтәылатәи еибашьра Дуӡӡа аҿы Асовет Еидгыла иагаз аиааирақәа иреиҳауп.

 «Наунагӡа ахаҳә иаласоу, наунагӡа агәалашәараҿы иҟоу» ҳәа хыс измоу Жәларбжьаратәи акциа еиҿнакааит Урыстәылазегьтәи ауаажәларратә еиҿкаара «Афганистан аветеранцәа Урыстәылазегьтәи Реидгыла» иатәу урыстәылазегьтәи ауаажәларратә аҿартә патриоттә еиҿкаара «АШЬҬРАМҬА». Убри аан адгылареи ацхыраареи ҟанаҵеит Аԥсны Аҳәынҭқарра аҿари аспорти русқәа рзы Аҳәынҭқарратә Еилаки Аԥсны аҿар Рассоциациа «Аԥеиԥши».

Аусмҩаԥгатә аҳәаақәа ирҭагӡаны, аҿари аспорти русқәа рзы Аҳәынҭқарратә Еилаки ауаажәларратә еиҿкаарақәеи рхаҭарнакцәа Аҟәа ақалақь Ахьӡ-Аԥша апарк аҿы 1992-1993шш. Аԥсны Аџьынџьтәылатәи еибашьра аҿы иҭахаз афырхацәа Рмемориал амҵан ашәҭ шьыҵәрақәа шьҭарҵеит. 

Аҟәа. Жьҭаарамза 8, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыԥуаҩ Рашид Нургалиев ииубилеитә шықәсхыҵра инамаданы дидныҳәалеит.

Адныҳәаларатә цҳамҭаҟны, ҷыдала, иҳәоуп:

«Ҳаҭыр зқәу Рашид Гумар-иԥа! 

Гәык-ԥсык ала ишәыдысныҳәалоит 65 шықәса шәхыҵра иазку шәиубилеитә рыцхә. 

Шәара шәыԥсҭазаара аофицер гәымшәа изы иҿырԥшыганы иҟоуп. Еиуеиԥшым аҳәынҭқарратә маҵзурақәа рыҟны Шәара шәнапы ианыз аҳасабтәқәа ҭакԥхықәра дула шәрызнеиуан, есқьынгьы алҵшәа дуқәа раарԥшра шәылшон. Шәара шәҳәынҭқарра аинтересқәа рыхьчара шәшазыҟоу, шәыпрофессионализм, азҵаарақәа рыӡбараҟны хьаҳәа-ԥаҳәарада аус шәазнеишьа хамеигӡарада Аԥсадгьыл амаҵзуразы иҿырԥшыга бзиоуп.

Аҟәа. Жьҭаарамза 8, 2021 шықәса. Аԥсныпресс.  Жьҭаарамза 8 – 9 рзы Аҟәа ақалақь аҿы ХIХ Афестиваль «Хьыбла Герзмаа  иаалыԥхьоит…»  аҳәаақәа ирҭагӡаны адунеизегьтәи аопертә сценна апримадонна, Аԥсни Урыстәылеи Жәлар рартистка Хьыбла Герзмаа лсолотә концертқәа ҩба мҩаԥысраны иҟоуп.  Аконцертқәа мҩаԥгахоит Ф.Искандер ихьӡ зху Аурыс драматә театр асцена аҿы.

Аконцертмеистер  Екатерина Ганелина.

Афестиваль амҩаԥгара нанҳәамзазы иазԥхьагәаҭан, аха иуадаҩыз асанитар-епидемиологиатә ҭагылазаашьа иахҟьаны уи аҽҳәара анаскьареи апрограмма аиҭакрақәа алагалареи аӡбамҭа рыдыркылар акәхеит.  

Аҟәа. Жьҭаарамза 8, 2021 шықәса. Аԥсныпресс. Аԥсны абнатә нхамҩа азы  Аҳәынҭқарратә усбрҭа аусура анагӡараан Аԥсны аԥсабарахьчаратәи егьи азакәанԥҵареи ишақәныҟәо азы иазԥхьагәаҭаз агәаҭара хыркәшахеит, ҳәа адырра ҟанаҵоит Апрокуратура Хада аофоциалтә саит.

Агәаҭара алҵшәақәа рыла, абнатә нхамҩа азы аҳәынҭқарратә Усбарҭа ахь «Аԥсны Аҳәынҭқарра абнатә закәанԥҵара аилагарақәа рзы» Азԥхьанагра ҟаҵан.  

Абнатә нхамҩа азы аҳәынҭқарратә Усбарҭа аҟынтәи иааз аҭак ала, абнатә нхамҩақәа зегьы рдиректорцәа лахь рыҭоуп, иара убас апрокурор иҟынтәи инашьҭыз Азԥхьанагара иарбаз агхақәа рырҽеиразы инагӡоу ауснагӡатәқәа рзы шәҟәыла еиқәыршәоу аҳасабырба  аҟаҵаразы адҵа рыҭоуп.

Аҟәа. Жьҭаарамза 8, 2021 шықәса. Аԥсныпресс. Аԥсны ашәахтәқәеи аизгатәқәеи рзы Аминистрреи Аҟәа ақалақьи араионқәеи рыла Аинспекциеи русура аихшьаалақәа рыла, 2021 шықәса, жәымз ирылагӡаны планла ишьақәыргылоу 1 969,3 млн. мааҭ раан аҳазылхратә лагалақәа раҳасабала фактла аҳәынҭқарратә биуџьеҭ иалагалахеит 2 336,7 млн. мааҭ.  Аплан анагӡара 119% рҟынӡв инаӡоит. Фактла иалагалахаз ашәахтә лагалақәа реицҵалыҵи ишьақәыргылаз аплан иарбаз аицҵалыҵи реивгара 367,4 млн. мааҭ рҟынӡа инаӡоит.  2020 шықәсазы аиԥш-зеиԥшу аамҭахәҭа иаҿырԥшны уахәаԥшуазар, алагалара адинамика 144 % рҟынӡа инаӡеит, уи иааизакны 709,6 млн. мааҭ рҟынӡа инаӡоит. Араионқәа рыла ашәахтә лагалақәа раҳасабала 2021 шықәса жәымз ирылагӡаны аҳәынҭқарратә биуџьеҭ иалагалаз аԥаратә хархәагақәа реицҵалыҵ наӡоит:

Аҟәа ақалақь ала – планла ишьақәыргылоу 1 097,5 млн. мааҭ раан фактла иалагалахаз аԥаратә хархәагақәа реицҵалыҵ 1 212,8 млн. мааҭ рҟынӡа инаӡоит. Анагӡара 111 % рҟынӡа инаӡеит.

Гагра араион ала – планла ишьақәыргылоу 459,8 млн. мааҭ раан фактла иалагалахаз аԥаратә хархәагақәа реицҵалыҵ 589,3 млн. мааҭ рҟынӡа инаӡоит.   Анагӡара 128 % рҟынӡа инаӡеит.

Аҟәа. Жьҭаарамза 8, 2021 шықәса. Аԥсныпресс.   Аԥсны Аҳәынҭқарра Ахада Аслан Бжьаниа жьҭаарамза 8 азы аусуратә визитла Москваҟа амҩа дықәлеит.

Аҟәа. Жьҭарамза 7, 2021 шықәса. Аԥсныпресс. Ауаажәларратә еиҿкаарақәа 19 еидызкыло Аԥсны иҟоу аурыс еицтәылауаа реиҿкаара Акоординациатә Еидгылара II  Аконференциа мҩаԥысит.  

2020 – 2021шш. рзы имҩаԥгаз аусура аихшьаалақәеи  2022-2023шш. аусура азԥхьагәаҭарақәеи ирызкыз Аконференциа мҩаԥысит Аҟәа ақалақь иҟоу Москватәи акультура-усуратә центр «Москва Аҩны» аҿы. Убри аан ари аусмҩаԥгатә аиҿкаареи амҩаԥгареи рҿы адгылара ҟанаҵеит Аԥсны иҟоу Урыстәылатәи Афедерациа Ацҳаражәҳәарҭеи ареспубликеи Москватәи акультура-усуратә ценр «Москва Аҩны» иҟоу  Урыстәыла аус ацура Ахаҭарнакреи.  

Аконференциа рхы аладырхәит аусрыс еицтәылауаа еидызкыло 22 еиҿкаара аделегатцәеи асасцәеи. Асасцәа рхыԥхьаӡараҿы иҟан Урыстәыла Ацҳаражәҳәарҭа абжьгаҩ-цҳаражәҳәаҩ   Максим Литвинов, Урыстәыла аус ацура Ахаҭарнакра анапхгаҩы инапынҵақәа назыгӡо Михаил Масаев, Аԥсны Аҳәынҭқарра ашәарҭадара Ахеилак Амаӡаныҟәгаҩ Сергеи Шамба, Аԥсны аԥыза-министр ихаҭыԥуаҩ Сергеи Пустовалов.

Аконференциа аартуа, Аԥсны иҟоу аурыс еицтәылауаа реиҿкаара Акоординациатә Еидгылара ахантәаҩы Олег Иурченко, аицтәылауаа реидкылара Аидгылара ахықәкы хаданы иҟоуп ҳәа иазгәеиҭеит, анаҩс уи Акоординациатә Еидгылара шықәсык иалагӡаны инанагӡаз аусура азы ажәахә ҟаиҵеит. Иажәахә аҿы уи дырзааҭгылеит апандемиа аамҭахәҭа аан акыр ишыуадаҩызгьы, аха уеизгьы имҩаԥгаз еиуеиԥшым ахырхарҭақәа змаз 56 инарзынаԥшуа аусмҩаԥгатәқәа.

Аԥсны Аҳәынҭқарра ашәарҭадара Ахеилак Ахантәаҩы Сергеи Шамба аконференциа иалахәыз зегьы бзиала шәаабеит ҳәа раҳәо Аҳәынҭқарра Ахада Аслан Бжьаниа ихьӡала адныҳәаларатә цҳамҭа даԥхьеит. Адныҳәаларатә цҳамҭа аҿы ахәҭакахьала иазгәаҭан «Аԥсны иҟоу аурыс уаажәларра ҳара ҳуаажәларра иузаҟәымҭхо иалоуп, ҳара зеиԥш уснагӡатәны ҳҿаԥхьа иагьықәгылоуп – амилаҭтә гәыԥқәа зегьы рыбжьара еинааланы, ҳәоуеиқәшәарыла иҿио аизыҟазаашьақәа раԥҵара».

Убри аамышьҭахь апресс-маҵзура, изиндырратәи агранттәи аҟәшақәа рнапхгаҩцәа, иара убас аҳамҭақәа ранашьареи азинтә хьчареи рыҟәша анапхгаҩи Аԥсны иҟоу аурыс еицтәылауаа реиҿкаара Акоординациатә Еидгылара аҿы  2020-2021 шықәсқәа ирҭагӡаны инарыгӡаз аусура аҳасабырба ҟарҵеит, убри аан урҭ русура аҿы ауадаҩрақәа шыҟоугьы уи хра злоу адинамика шаныԥшуа азгәарҭеит, иҟоу апроблемақәа рыӡбаразы ажәалагалақәагьы ҟарҵеит.

Аҟәа. Жьҭаарамза 7, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны иҟоу аурыс еицтәылауаа реиҿкаара Акоординациатә еидгыла алахәцәа рышҟа адныҳәаларатә цҳамҭа дәықәиҵеит.

 

Адныҳәалараҿы, ахәҭакахьала иазгәаҭоуп:

«Ҳаҭыр зқәу аҩызцәа, II – тәи Атәылатә конференциа алахәылацәа!

Абзиара шәымаз ҳәа шәасҳәоит Аԥсны иҟоу аурыс еицтәылауаа реиҿкаара Акоординациатә еидгыла аусура есышықәсатәи аихшьала амҩаԥгараҟны. Ари аидгыла еиднакылоит 19 еиҿкаара, ареспублика аицтәылауаа реидкылараҟны алагаламҭагьы дууп.  Иҭабуп ҳәа шәасҳәарц сҭахуп ари аусмҩаԥгатә шәҽахьалашәырхәыз, имҩаԥыжәго аусуразы. 

Аԥсны иҟоу аурыс уаажәларра ҳара ҳуаажәларра иузаҟәымҭхо иалоуп, ҳара зеиԥш уснагӡатәны ҳҿаԥхьа иагьықәгылоуп – амилаҭтә гәыԥқәа зегьы рыбжьара еинааланы, ҳәоуеиқәшәарыла иҿио аизыҟазаашьақәа раԥҵара.

Аҟәа. Жьҭаарамза 7, 2021 шықәса. Аԥсныпресс. Аимадареи амассатә коммуникациақәеи ацифратә ҿиареи рзы Аҳәынҭқарратә Еилакы амаинерцәа рзы Аинтернет ахь анаӡаразы аԥкрақәа рыҽҳәара иацнаҵеит. Аимадаразы Аҳәынҭқарратә Еилакы ахантәаҩы Беслан Ҳалуашь жьҭаарамза 6 рзы аԥкрақәа рыҽҳәара хәажәкырамза 31, 2022 шықәсанӡа ацҵара азы Адҵа инапы аҵаиҩит. Иарбоу Адҵа Аинтернет акаҭа аҿы абонентцәа рзы акриптовалиута арҳара иазку аусура анагӡара алзыршо административтә акқәас иҟоу аобластқәа реиԥштәра иазку асимволтә хьӡқәа, даҽакала иуҳәозар адоментә хьӡқәа, асаитқәа рдаҟьақәеи аинтернеттә каҭа аҭыӡҭаԥқәеи рхархәара аганахьала аԥкрақәа ралагалара аззԥхьагәанаҭоит. Аимадара аоператорцәа аинтернет аҿы адоментә хьӡқәа, асаитқәа рдаҟьақәеи аинтернеттә каҭа аҭыӡҭаԥқәеи аблокада рзура иазкны   ихымԥадатәиу атехникатә усмҩаԥгатәқәа рымҩаԥгаразы азԥхьанҵа рыҭоуп.

Аҟәа. Жьҭаарамза 7, 2021 шықәса. Аԥсныпресс. Аҧсны Аҳәынҭқарра Ахада Аслан Бжьаниа Урыстәылатәи Афедерациа Ахада Владимир Путин Иирамш идиныҳәалеит.

Адныҳәалараҿы иҳәоуп: «Ҳаҭыр зқәу Владимир Владимир-иҧа!

Аҧсны Аҳәынҭқарра атәылауааи , анапхгареи рыхьӡала, хаҭала сыхьӡала,  гәык-ҧсык ала ишәыдысныҳәалоит Шәира амш.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me