АЖӘАБЖЬҚӘА

Аҟәа. Жьҭаарамза 12, 2021 шықәса. Аԥсныпресс.  Аԥыза-министр Алеқсандр Анқәаб Аҳәынҭқарратә ҳазылхратә Еилакы ахантәаҩы Оҭар Хьециеи уи актәи ихаҭыԥуаҩ Алиас Лабахәуеи алархәны аусуратә еилатәара мҩаԥигеит.

Аҳәынҭқарратә ҳазылхратә Еилакы анапхгаҩцәа ҳазҭоу ашықәс жәымз ирылагӡаны имҩаԥгаз аусура азы аҳасабрба ҟарҵеит, иара убас аԥыза-министри дареи аҳазылхратә Еилакы иааиуа ашықәс азы аплантә рбагақәеи абиуџьети ирылацәажәеит.   

Ҳазҭоу ашықәс азы ишьақәгылаз аҭагылазашьа ҳасаб азуны, 2022 шықәсазы аҳазылхратә лагалақәа рыплан  15-20% рыла еиҳахар алшоит.

2021 шықәса 9-мыз ирылагӡаны атауареикәыршара 2020 шықәса аиԥш-зеиԥшу аамҭахәҭа иаҿырԥшны уахәаԥшуазар, 7 млрд мааҭ иреиҳаны иазҳаит. Уи 25 млрд 988 млн. мааҭ рҟынӡа инаӡеит.

Аимпорт  ахәҭа иақәшәоит 21 млрд 866 млн. мааҭ, аекспорт - 4 млрд 122 млн. мааҭ. Ҳазҭоу ашықәс 9-мыз рзы аҳазылхратә шәатәқәа  39% рҟынӡа инаӡеит, фактла ахыԥхьаӡаларақәа 1 млрд 954 млн. мааҭ рҟынӡа инаӡоит.

Ашәатәқәа ахкқәа зегьы рыла алагалақәа реизҳара ыҟоуп, аиҳарак аизҳара ыҟоуп аимпорт азы абаџь, аимпорт азы аизгақәа, акцизатә шәахтәи Иназыцҵоу ахәԥса Ашәахтә.

Аҵыхәтәантәи ашықәсқәа рзы раԥхьаӡа акәны ашықәстәи аплан жьҭаарамза 1 рзы 99% рҟынӡа инаӡеит.

Алеқсандр Анқәаб Аҳәынҭқарратә ҳазылхратә Еилакы анапхгара атәыла абиуџьет ахь аҳазылхратә хашәалахәы алагалара анапхгараҭара иазку русура ишахәҭоу анагӡара азы анапынҵақәа риҭеит.

 

 

 Аҟәа. Жьҭаарамза 12, 2021 шықәса. Аԥсныпресс. Аԥсны иҷыдоу аҭагылазаашьақәа рминистр Лев Кәыҵниа напхгара зиҭо Аминистрра аделегациа авариа-еиқәырхаратә маҵзурақәеи авариа-еиқәырхаратә еиҿкаарақәеи рхаҭарнакцәа Урыстәылазегьтәи аконференциа аусура ахы аланырхәуеит. Аконференциа жьҭаарамза 11 – 13 рзы Ареспублика Ҟрым ақалақь Судак имҩаԥысуеит, ҳәа иаанацҳауеит Аԥсны иҷыдоу аҭагылазаашьақәа рзы Аминистрра апресс-маҵзура.

АҞӘА АҚАЛАҚЬ АҾЫ АУС ЗУА АРРАТӘ МОБИЛТӘ ХӘЫШӘТӘЫРҬА АҞЫНТӘИ ИЛЫРҨААИТ ЗГӘЫ БЗИАХАЗ 200-ҨЫК АПАЦИЕНТЦӘА.

Аҟәа. Жьҭаарамза 12, 2021 шықәса. Аԥсныпресс. Аҟәа ақалақь асасааирҭа «Аиҭар» иахьаҵанакуа  нанҳәамза 18 инаркны аус зуа арратә мобилтә хәышәтәырҭа Аԥсны аусура аамҭа иалагӡаны арратә ҳақьымцәа зықьҩык апациентцәа рыдкылара рылдыршахьеит, ҳәа адырра ҟанаҵоит Алада-Урыстәылатәи арратә Округ апресс-маҵзура.

Уажәы ари ахәышәтәырҭа аҿы астационартә хәышәтәра иахысуеит  98–ҩык апациентцәа. Згәы бзиахахьоу 238-ҩык  инареиҳаны апациентцәа ахәышәтәырҭаҿы иахәҭоу амедицинатә цхыраареи анаҩстәи абжьгарақәеи анроу ашьҭахь илҩааны рыҩныҟақәа рахь идәықәҵахеит. Зегьы  иҩынтәны имҩаԥгаз алаборатортә комплекстә  ҭҵарақәа  рыла ачымазара ҿкы  шрылаҽым еилкаахеит.

Ачымазцәа ареспублика араионқәа зегьы рҟынтәи арахь иааргоит ирласу амедицинатә цхырааразы амашьынақәа рыла. Ашьҭаҵареи анаҩстәи ахәышәтәреи рзы аӡбамҭа адкылара ачымазаҩ инхарҭаҭыԥ иааҵанакуа аҳақьымцәа рақәыршаҳаҭрала имҩаԥысуеит. 

Арратә мобилтә хәышәтәырҭпа аҳақьымцәа ачымазцәа рышьҭаҵареи анаҩстәи рыхәышәтәреи азы аӡбамҭа рыдыркылоит ачымазаҩ инхарҭаҭыԥ иадҳәалоу аҳақьыми дареи еиқәшаҳаҭны.  Алада Урыстәылатәи Арратә Округ аҳақьымцәа Аҟәа ақалақь асасааирҭа «Аиҭар» иахьаҵанакуа  аус зуа арратә мобилтә хәышәтәырҭа аҿы  уахи-ҽни иааиԥмырҟьаӡакәа апациентцәа рыдкылареи ахәышәтәра-диагностикатә  усмҩаԥгатәқәеи мҩаԥыргоит.

Аҟәа. Жьҭаарамза 11, 2021 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Аԥсны Арбџьар Мчқәа аԥҵоижьҭеи 29 шықәса аҵра инамаданы адныҳәалара ҟаиҵеит.

 

«Аҩызцәа, аофицарцәа!

Гәык-ԥсык ала ишәыдысныҳәалоит акрызҵазкуа аҳәынҭқарратә ныҳәа – Аԥсны Арбџьар мчқәа рымш зыԥсҭазаараҿы Аԥсадгьыл ахьчара ус хаданы иалызхыз зегьы.

Ҳара ҳархәҭақәа рдоуҳатә мчи рпатриоттә уалԥшьеи еихарҳауеит шәышықәсала  итрадицианы иаарго Аԥсны ахьыԥшымреи ахақәиҭреи, аԥсадгьыл ахьчаҩцәа ргәымшәареи рфырхаҵареи рыла.

28 шықәса раԥхьа ҳара ҳ-Арбџьар Мчқәа аибашьра азыҟаҵареи архәҭақәеи ажәлари ракзаареи рзы аԥышәара ду иахысит. Ҳтәыла аҽеибыҭаны аҭоурыхтә аамҭа кьаҿк иалагӡаны излагаз аибашьра ду аҟны ахыхьчареиԥш, иалшеит ар ҿыц аԥҵара. 

Аҟәа. Жьҭаарамза 11, 2021 шықәса. Аԥсныпресс. Аԥсны Аҳәынҭқарра Ахада Ихаҭыԥуаҩ Бадра Гәынба иахьа Аӡҩыбжьа ақыҭа ахаҭарнакцәа идикылеит, ҳәа адырра ҟанаҵоит Аҳәынҭқарра Ахада ипресс-маҵзура.

Аԥыза-министр Алеқсандр Анқәаби Аҳәынҭқарра Ахада Иусбарҭа Анапхгаҩы Алхас Кәыҵниеи злахәыз аиԥылара аҿы цәыббрамза 30 рзы Амҳаџьыраа Рыԥшаҳәа аҿы иҟалаз аинцидент акәша-мыкәша иҭышәынтәалоу аҭагылазаашьа ахьчара иадҳәалоу азҵаарақәа жәпакы ирылацәажәеит.

Аҳәынҭқарра Ахада Ихҭыԥуаҩ Бадра Гәынбеи иколлегацәеи Аҳәынҭқарра Ахада Аслан Бжьаниа Москваҟа иусуратә ҭаара аҟынтәи ихынҳәра ашьҭахь апрокуратура Хада аматериалқәа рыла идикыло аӡбамҭа иазыԥштәуп ҳәа игәаанагара иҳәеит.  

 

Аҟәа. Жьҭаарамза 11, 2021 шықәса. Аԥсныпресс. Аԥсны агәабзиарахьчара Аминистрра Аҟәа ақалақь ҳамҭас ианаҭеит ирласу амедицинатә цхыраара амашьынақәа ҩба.

Автомашьынақәа агәабзиарахьчара Аминистрра иаанахәеит Ареспублика Адыгеиа ԥыхьатәи Ахада, амеценат  Хазреҭ Совмен ҳамҭас ареспублика еиҭаз аԥаратә хархәагақәа рыла.

«Аҳәынҭқарра Ахада Аслан Бжьаниа акоронавирусттә ҿкы чымазара алаҵәара аҿагылара ахшыҩзышьҭра ду аиҭоит, арҭ амашьынақәа раахәара иара хаҭала иаԥшьгарала иҟалеит», - ҳәа иҳәеит атәыла агәабзиарахьчара аминистр Едуард Быҭәба.

Амашьынақәа ҩба «Соболь» аҳҭнықалақь ирласу амедицинатә цхыраара астанциа иаҭоуп. Амашьынақәа руак  араионқәа рҿы аус аулоит, егьи ақалақь аҩныҵҟа.

Аҟәа. Жьҭаарамза 11, 2021 шықәса. Аԥсныпресс.  Аԥсны Аҳәынҭқарра Ахада Аслан Бжьаниа Москваҟа иусуратә ныҟәарақәа аҳәаақәа ирҭагӡаны Урыстәылатәи Афедерациа Аиҳабыра реилазаара ахантәаҩы ихаҭыԥуаҩ Мараҭ Хуснуллин диԥылеит. Аслан Бжьаниеи Мараҭ Хуснуллини Москва аусеицуразы азҵаарақәа ирылацәажәеит.

Аҟәа. Жьҭаарамза 11, 2021 шықәса. Аԥсныпресс. Ашәахьаҽны, жьҭаарамза 11 рзы имҩаԥысит изаамҭанытәиим Апарламент аилатәара. Уи ихы алаирхәит атәыла апрокурор Хада Адгәыр Агрба. Апрокурор Хада цәыббрамза 30 рзы Аҟәа ақалақь, Амҳаџьыраа Рыԥшаҳәа аҿы иҟалаз аинцидент аусеилыргаанӡатәи агәаҭара аихшьаалақәа рзы адырра ҟаиҵеит.

«Иахьа, Апрокуратура Хада цәыббрамза 30 рзы Аҟәа ақалақь, Амҳаџьыраа Рыԥшаҳәа аҿы аҭыԥ змаз аҩныҵҟатәи аусқәа Рминистрра аусзуҩцәа рыла амч ахархәареи, иара убас амбжьахра, изакәанымкәа абџьар аҵәахреи аныҟәгареи амчратә структура ахаҭарнакцәа ишакум ала рызныҟәареи ирыдҳәалоу афакт ала аусеилыргаанӡатәи агәаҭара хнаркәшеит. Сара сгәаанагарала, агәаҭаратә усмҩаԥгатә аобиекивла инагӡаны имҩаԥгоуп», - ҳәа иҳәеит апрокурор Хада.

Аԥсны аҩныҵҟатәи аусқәа рминистр ихаҭыԥуаҩ, ирласу анырра азы иҷыдоу агәыԥ акомандаҟаҵаҩ Рашь Ҵәыџьбеи  уи ихаҭыԥуаҩ Дадын Чачхалиеи рганахьала Аԥсны Ашьаустә Закәанеидкыла ахәҭаҷ 288 ахәҭа 3, апункт «А» инақәыршәаны (амч ахархәарала, ма уи ахархәаразы ашәарҭара аманы амаҵуратә зинмчы ахысра) аусеилыргара хацыркуп.   Ари ахәҭаҷ иазԥхьагәанаҭоит 5 шықәса инаркны 10 шықәсанӡа аҭакра", - ҳәа иҳәеит Адгәыр Агрба.

Аҟәа. Жьҭаарамза 11, 2021 шықәса. Аԥсныпресс. Апрокуратура Хада цәыббрамза 30 рзы Амҳаџьыраа Рыԥшаҳәа аҿы аҭыԥ змаз аҩныҵҟатәи аусқәа Рминистрра аусзуҩцәа рыла амч ахархәареи, иара убас амбжьахра, изакәанымкәа абџьар аҵәахреи аныҟәгареи амчратә структура ахаҭарнакцәа ишакум ала рызныҟәареи ирыдҳәалоу афакт ала аусеилыргаанӡатәи агәаҭара хнаркәшеит. Абри азы адепутатцәа рҿаԥхьа дықәгыло адырра ҟаиҵеит Аԥсны апрокурор Хада Адгәыр Агрба.  

«Аԥсны аҩныҵҟатәи аусқәа рминистр ихаҭыԥуаҩ, ирласу анырра азы иҷыдоу агәыԥ акомандаҟаҵаҩ Рашь Ҵәыџьбеи  уи ихаҭыԥуаҩ Дадын Чачхалиеи рганахьала Аԥсны Ашьаустә Закәанеидкыла ахәҭаҷ 288 ахәҭа 3, апункт «А» инақәыршәаны (амч ахархәарала, ма уи ахархәаразы ашәарҭара аманы амаҵуратә зинмчы ахысра) аусеилыргара хацыркуп.   Ари ахәҭаҷ иазԥхьагәанаҭоит 5 шықәса инаркны 10 шықәсанӡа аҭакра", - ҳәа иҳәеит Адгәыр Агрба.

АԤСНЫ АКОРОНАВИРУСТӘ ҾКЫ ЧЫМАЗАРА COVID-19 АҞЫНТӘИ «СПУТНИК ЛАИТ» ҲӘА ИЗЫШЬҬОУ АЛАҴА ҞАРҴАХЬЕИТ 2998-ҨЫК.

Аҟәа. Жьҭаарамза 10, 2021 шықәса. Аԥсныпресс.  Нанҳәамза 10 инаркны жьҭаарамза 9 аҟынӡа Аԥсны акоронавирустә ҿкы чымазара аҟынтәи урыстәылатәи алаҵа «Спутник Лаит»  злазҵаз ауаа рхыԥхьаӡара 2998 – ҩык рҟынӡа инаӡоит.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me