АЖӘАБЖЬҚӘА

Аҟәа. Нанҳәамза 31, 2021 шықәса. Аԥсныпресс.  Нанҳәамза 30, 21 сааҭи 38 минуҭи рзы Аԥсны иҷыдоу аҭагылазаашьақәа рзы Аминистрра ахь Аҟәа ақалақь Адыгаа рымҩаду ала иҟоу ажьирауацблокқәа рыҟаҵара азы ацех аҿы  амашәыртә хҭыс азы адырра ҟалеит.  Аусуҩцәа руаӡәк аиҟәыршәшәага машьына даҵанагалеит. Аҭыԥ ахь инеиз аԥсеиқәырхаҩцәа амашәыр иақәшәаз раԥхьатәии амедицинатә цхыраара ирҭеит, Ареспубликатә хәышәтәырҭа Хада ахь днаргеит.

Амашәыр иақәшәаз ареанимациа аҟәша ахь днагоуп. Аҳақьымцәа ишазгәарҭо ала, ачымазаҩ игәабзиара аҭагылазаашьа акыр иуадаҩуп.

 

 

Аҟәа. Нанҳәамза 31, 2021 шықәса. Аԥсныпресс.   Адыррақәа рымш аламҭалазы, атәыла аԥыза-министр Алеқсандр Анқәаб ашколхәыҷқәеи арҵаҩцәеи аҭаацәеи аҵарашықәс ҿыц алагара рыдиныҳәалеит.

***

Ҳаҭыр зқәу аҵаҩцәа, арҵаҩцәа, аҭаацәа!

Цәыббрамза 1 азы ҳтәыла ашколқәа зегьы рҿы адыррақәа Рымш азгәарҭоит. Зықьҩыла ахәыҷқәа  урҭ иреиҳабууи ашколқәа рҿы рҵара иацырҵоит, аӡәырҩы раԥхьаӡа акәны ашкол ахь ршьапы еихыргоит, раԥхьатәи рырҵаҩцәеи дареи еибадыруеит.

Ашкол аҿы аҵара ашықәсқәа – ари зегьы расҭа ихадоу, иршанхагоу, узтәызтәуа, иухамышҭуа, еиуеиԥшым ахҭысқәеи адыррақәеи рыла игәылҭәаау аамҭахәҭоуп. Араҟа ауаатәыҩса рыҿиара аҭоурых зегьы иалагӡаны ироуз адыррақәа ауасхыр шьҭаҵахоит, аҟыбаҩ аатуеит. 

Уаанӡа еиш иахьагьы, аҵарадырра  аԥсҭазаара ахықәкқәа зегьы ишахәҭоу ала рынагӡареи, иара убри ала аԥеиԥш бзиа аиуреи алзыршо акакәны иаанхоит. Ауаҩы иааиԥмырҟьаӡакәа иҵарадырра аҩаӡара аизырҳара дашьҭазароуп, илшарақәа еихаиҳауазароуп, избан акәзар адунеигьы убасҵәҟьа иааҟәымҵӡакәа аҿиареи аҽыԥсахреи иаҿуп, уи еиҳа-еиҳа иуадаҩхоит.

Аҟәа. Нанҳәамза 30, 2021 шықәса. Аԥсныпресс.   Аԥсны Аҳәынҭқарра Ахада Чечентәыла Ареспублика аҟынтә аделегациа идикылеит. Аԥсны Аҳәынҭқарра Ахада Аслан Бжьаниа агәабзиарахьчара аминистр Елҳан Сулеиманови амилаҭтә политикеи, адәныҟатәи аимадарақәеи, акьыԥхьи аинформациеи рзы аминистр Аҳмед Дудаеви зхадараҿы иҟоу Чечентәыла Ареспублика аҟынтә аделегациа идикылеит. Аиԥылара далахәын Аԥсны агәабзиарахьчара аминистр  Едуард Быҭәба.

Аслан Бжьаниа асасцәа аԥсшәа раҳәо, Чечентәыла Ареспублика анапхгареи ачечен жәлари иҭабуп ҳәа реиҳәеит акыршықәса раахыс Аԥсны иарҭо адгыларазы,  апандемиа иаҿагыланы ақәԥараҟынгьы убрахь иналаҵаны.

"Агәаҟра ыҟоуп, агәаҟра аныҟоу зегьы ҳаидгылароуп. Хымԥада, ачымазара ҳаиааиуеит, агәра згоит ҳаԥхьа ахҭыс бзиақәа шаҳзыԥшу", - иҳәеит Аҳәынҭқарра Ахада. Иара убас, Аҳәынҭқарра Ахада иазгәеиҭеит Чечентәыла Ареспублика Ахада Рамзан Кадыров Аԥсныҟа иаара дшазыԥшу.

Аҳмед Дудаев Чечентәыла Ареспублика ахада Рамзан Кадыров ихьӡала аԥсуа жәлар зегьы Аԥсны Жәларбжьаратәи азхаҵара амш рыдиныҳәалеит.

«Чечентәыла Ареспублика аҟны ҳара ҭоурыхлеи культуралеи ибеиоу аԥсуа жәлар бзиа иаҳбоит, ҳаҭыр рықәаҳҵоит. Акраҵанакуеит ҳара ҳзы иҳабжьоу аиашьаратә еизыҟазаашьақәа. Иаҳдыруеит аԥсуа жәлар еиуеиԥшым аамҭақәа рзы ахьыԥшымра амҩаҟны изыниаз ауадаҩрақәа», – иҳәеит Аҳмед Дудаев. Уи иҳәеит иара убас аԥхьаҟа Аԥсни Чечентәылеи ирыбжьоу аконструктивтә, аиҩызаратә еизыҟазаашьақәа ӷәӷәахалоит ҳәа игәы ишаанаго. 

Ари аԥхьа адырра шыҟаз еиԥш, Аслан Бжьаниеи Урыстәылатәи Афедерациа аҳәынҭқарратә Дума адепутат   Адам Делимханови реиҿцәажәара иалҵшәаны Аԥсны ҳамҭас иаҭахоит еиҭа ацхыраара ласы амашьынақәа ҩба, Чечентәыла агәабзиарахьчара аминистр ишааицҳауала, амашьынақәа аҳәааҟны иааихьеит, мышқәак рыла ара аҭыԥаҟны иҟалоит.

Аслан Бжьаниа иара убас далацәажәеит чечентәылантәи аҿар аԥхын Аԥсныҟа ԥсшьара рааразы алшара аиҿкаара азхәыцра, ари Аԥсни Чечентәылеи рҿар реибадырреи реиҩызареи иацхраауеит. 

«Ҳазхәыцроуп ҽааны ари шеиҿаҳкааша. Ҳхәыҷқәа еибабалааит, еиҿцаалааит, избанзар ҳара ҳакра, ҳаиҩызара, ҳаиашьарала ҳгәы дууп», – иҳәеит Бжьаниа.

Аиԥылара ахыркәшамҭаз уи иалахәыз агәалашәаратә ҳамҭақәа еимырдеит.

Аҟәа. Нанҳәамза 30, 2021 шықәса. Аԥсныпресс.   Аԥсны Аҳәынҭқарра Ахада Аслан Бжьаниа Ареспублика Беларусиа Ахада Александр Лукашенко Иирамш инамаданы адныҳәаларатә цҳамҭа ишьҭит, ҳәа иаанацҳауеит Аҳәынҭқарра Ахада ипресс-маҵзура. .

Аҳәынҭқарра Ахада Александр Лукашенко изеиӷьеишьеит агәабзиара, аизҳазыӷьара, абеларус жәлар рыхьӡала инапы злаку аҭакԥхықәра зцу аҳәынҭқарратә усураҟны аихьӡарақәа.

 

 

Аҟәа. Нанҳәамза 27, 2021 шықәса. Аԥсныпресс. Нанҳәамза 10 инаркны нанҳәамза 27-нӡа Аԥсны COVID-19 аҟынтәи урыстәылатәи алаҵа «Спутник Лайт» ҟазҵаз ауаа рхыԥхьаӡара 1870-ҩык рҟынӡа инаӡеит:

Аҟәа ақалақь – 1030 -ҩык, Гәылрыԥшьтәи араионтә хәышәтәырҭа Хада аҿы – 268-ҩык, Гагра араионтә хәышәтәырҭа Хада аҿы – 236 -ҩык, Очамчыра араионтә хәышәтәырҭа Хада аҿы – 124-ҩык, Гәдоуҭатәи араионтә поликлиника аҿы – 148-ҩык, Ҭҟәарчал араионтә хәышәтәырҭа Хада аҿы– 41-ҩык, Гал араионтә хәышәтәырҭа Хада аҿы– 23 -ҩык.

Аҟәа. Нанҳәамза 26, 2021 шықәса. Аԥсныпресс. Иахьа Урыстәылатәи Афедерациа Аԥсны аҳәынҭқарратә суверенитети ахьыԥшымреи аназханаҵаз амш 13 – шықәса ахыҵуеит.  

Нанҳәамза 26, 2008 шықәса рзы Урыстәылатәи Афедерациа Ахада Дмитри Медведев Урыстәылатәи Афедерациа Аԥсны Аҳәынҭқарреи Аахыҵ Уаԥстәылатәи Ареспубликеи рхьыԥшымра   официалла иазханаҵеит.  

Ахьыԥшымра Жәларбжьаратә азхаҵара Амш Аԥсны ныҳәамшны ирыԥхьаӡоит. Есышықәса, ари амш аҽны, ареспублика зегьы иахьаҵанакуа аныҳәатә усмҩаԥгатәқәа мҩаԥысуеит. Сынтәа, акоронавирустә ҿкы чымазара апандемиа инамаданы аныҳәатә усмҩаԥгатәқәа мҩаԥысӡом. Ахьыԥшымра аофициалтә зхаҵара амш аҽны Урыстәылатәи Афедерациа Ахада Дмитри Медведев иҟаиҵаз аҳәамҭа аҿы инаҵшьны иазгәеиҭеит:

Аҟәа. Нанҳәамза 26, 2021 шықәса. Аԥсныпресс. Аҟәа ақалақь, Ахьӡ-Аԥша апарк аҿы 1992-1993 шш. Аԥсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара ацеремониа мҩаԥысит.

Ацеремониа рхы аладырхәит Аҳәынҭқарра Ахада Аслан Бжьаниа, Аҳәынҭқарра Ахада Ихаҭыԥуаҩ Бадра Гәынба, Аԥсны иҟоу Урыстәылатәи Афедерациа аҷыдалкаатә зинмчы змоу Ацҳаражәҳәаҩ Алеқсеи Двинианин, Аԥсны иҟоу Приднестровтәи Молдавтәи Ареспублика аофициалтә хаҭарнак Гарри Кәпалба, Аԥсны иҟоу Аахыҵ Уаԥстәылатәи Ареспублика Аҷыдалкаатә зинмчы змоу Ацҳаражәҳәаҩ Олег Боциев, Жәлар Реизара-Апарламент адепутатцәа, атәыла Анапхгара алахәылацәа, ауаажәларра ахаҭарнакцәа.

Аслан Бжьаниа иара убас Аҟәа араион, Алада Ешыра ақыҭан, Аԥсны Актәи Ахада Владислав Арӡынба Имемориал амҵан, Џьгьарда ақыҭан,. Аԥсны Аҳәынҭқарра Аҩбатәи Ахада Сергеи Багаҧшь иҳаҭгәын аҿы ашәҭ шьыҵәрақәа шьҭеиҵеит.

13 шықәса раԥхьа Урыстәылатәи Афедерациа Ахада Дмитри Медведев Аԥсны Аҳәынҭқарреи Аахыҵ Уаԥстәылатәи Ареспубликеи рҳәынҭқарратә суверенитети рхьыԥшымреи азхаҵара азы Аусԥҟақәа инапы рыҵаиҩит.

Аҟәа. Нанҳәамза 26, 2021 шықәса. Аԥсныпресс. Аполитикатә партиа «Аиҭаира» ахаҭарнакцәа аԥсуа жәлар Урыстәылатәи Афедерациа ала Аԥсны ахьыԥшымра азхаҵара Амш рыдырныҳәалоит.  Ари ахҭыс ҳастратегиатә партниор Урыстәылатәи Афедерациа хра злоу агәазыҳәара, Аԥсадгьыл ахақәиҭтәра зхы ақәызҵаз ҳфырхацәа, ҳтәылауааи ҳҩызцәеи ари амш ааигәатәра зхы-зыԥсы иамеигӡаз, 1992-1993 шш. Аԥсны жәлар Рџьынџьтәылатә еибашьраҟны иҭахаз ирыбзоурахеит. Ари ахҭыс аҟалара алыршахеит иара убас адипломатцәеи аҳәынҭқарратә усзуҩцәеи русуреи, ажәлак ракзаареи иабзоураны.

Агәра ганы ҳаҟоуп, атәыла аҩныҵҟа аҭышәынтәала ашьақәыргылара зыдҳәалоу рҭакԥхықәра ажәлар ракзаареи атәыла аизҳазыӷьареи ишрызкхо. Аԥсны атәылауаа зегьы агәабзиареи агәамчи аманшәалареи рзеиӷьаҳшьоит.

 

Аҟәа. Нанҳәамза 26, 2021 шықәса. Аԥсныпресс. Аҟәа ақалақь, Ахьӡ-Аԥша апарк аҿы 1992-1993 шш. Аԥсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара ацеремониа мҩаԥысит.

Ацеремониа рхы аладырхәит Аҳәынҭқарра Ахада Аслан Бжьаниа, Аҳәынҭқарра Ахада Ихаҭыԥуаҩ Бадра Гәынба, Аԥсны иҟоу Урыстәылатәи Афедерациа аҷыдалкаатә зинмчы змоу Ацҳаражәҳәаҩ Алеқсеи Двинианин, Аԥсны иҟоу Приднестровтәи Молдавтәи Ареспублика аофициалтә хаҭарнак Гарри Кәпалба, Аԥсны иҟоу Аахыҵ Уаԥстәылатәи Ареспублика Аҷыдалкаатә зинмчы змоу Ацҳаражәҳәаҩ Олег Боциев, Жәлар Реизара-Апарламент адепутатцәа, атәыла Анапхгара алахәылацәа, ауаажәларра ахаҭарнакцәа.

Аҟәа. Нанҳәамза 26, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны жәлар аҳәынҭқарратә ныҳәа – Аԥсны Аҳәынҭқарра Ахьыԥшымра жәларбжьаратәи азхаҵара амш рыдиныҳәалеит.

Адныҳәалараҿы, иҳәоуп:

«Ҳаҭыр зқәу ҳауаажәлар!

Ишәыдысныҳәалоит Аԥсны Аҳәынҭқарра Жәларбжьаратәи азхаҵара амш.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me