23 Ажьырныҳәа 2022

АЖӘАБЖЬҚӘА

Аҟәа. Ажьырныҳәамза 21, 2021. Апсныпресс. Ажьырныҳәамза 22 рзы 1941 – 1945 шш. Аџьынџьтәылатә еибашьра Дуӡӡа Аветеран Валентина Ефим-иԥҳа Шульгина  100 – шықәса лхыҵит.

Аԥсны Аҳәынҭқарра атәылахьчара Аминистрра аветеран лиубилеи инамаданы адныҳәалара ҟанаҵеит.

«Ҳаҭыр зқәу Валентина Ефим-иԥҳа! Атәылахьчара Аминистрра анапхгараҭареи  Арбџьармчқәа рыруааи рыхьӡала шәиубилеи азы гәык-ԥсыкала  иҟаҵоу адныҳәалара шәыдышәкыл!

Шәара  Ҳаԥсадгьыл зыхьчаз, аҭынчра ҳзаазгаз аиааирагаҩцәа рабиԥара шәаҵанакуеит.

Аҟәа. Ажьырныҳәамза 21, 2022 шықәса. Аԥсныпресс. Анагӡаратә мчра аусбарҭақәа инарыгӡо жәларбжьаратәи аусуреи жәларбжьаратәи аимадареи: аофициалтә ныҟәарақәа, аконсультациақәа, аусшәҟәқәа рыбжьаҵареи егьырҭ аиқәшаҳаҭрақәа рнапаҵыҩреи азԥхьагәазҭо аиҿцәажәарақәа рзы Аминистрра ахь адыррақәа рыҟаҵара хымԥада ирыхәҭоуп. Абри атәы аҳәоит адәныҟатәи аусқәа рминистр ихаҭыԥуаҩ Иракли Ҭыжәба Аминистрра аофициалтә саит аҿы иҟаиҵаз аҳәамҭа.  

Аԥсны Аҳәынҭқарра Аконституциа ахәҭаҷ 53 инақәыршәаны Аҳәынҭқарра Ахада адәныҟатәи аполитика ихадоу ахырхарҭақәа аликаауеит.  

«Аԥсны Аҳәынҭқарра адәныҟатәи аусқәа Рминистрра иаку адәныҟатәи аполитика амҩаԥгараҿы инанагӡо акоординациатә роль азы» Аҳәынҭқарра Ахада иҭижьыз Аусԥҟа инақәыршәаны, Аԥсны адәныҟатәи аусқәа Рминистрра атәым ҳәынҭқаррақәеи жәларбжьаратәи аиҿкаарақәеи Аԥсни рыбжьара аизыҟазаашьақәа рыҿиара аганахьала ҳреспублика иаду жәларбжьаратәи аҭакԥхықәрақәа рынагӡара азеиԥш хылаԥшра анаҭоит, атәыла Ахада идәныҟаполитикатә курс нанагӡоит.  

Аҟәа. Ажьырныҳәамза 21, 2021 шықәса. Аԥсныпресс.  Ажьырныҳәамза 21 инаркны Аԥсны иалагаоит Жәлар Реизара-Апарламент адепутатрахь акандидатцәа рықәыргылара. Апарламент ахь иалххоит амажоритартә система ала  35-ҩык адепутатцәа.

Адепутатрахь акандидатцәа рықәыргылара азы азин рымоуп Аԥсны аиустициа Аминистрра аҿы ашәҟәы иҭагалоу  аполитикатә партиақәеи алхыҩцәа ргәыԥқәеи. Уи мҩаԥысыроуп иҟоу Апарламент аилазаара азинмчы анҵәара хәымз шыбжьоу.

Аполитикатә партиақәа хымԥада Алхратә Комиссиа Хада аҟны ашәҟәы иҭагалазароуп.

«Аԥсны Жәлар Реизара-Апарламент адепутатцәа ралхра азы» Аԥсны Аҳәынҭқарра Азакәан ахәҭаҷ 4 инақәыршәаны, адепутатрахь акандидатцәа рықәыргылара иалагоит алхрақәа рымҩаԥгара амш 50 мшы шыбжьоу, иагьхыркәшахоит алхрақәа рымҩаԥгара амш 30 мшы шыбжьоу. Аҳәынҭқарра Ахада иҭижьыз Аусԥҟа инақәыршәаны Апарламент ахь алхрақәа  мҩаԥгахоит хәажәкырамза 12, 2022 шықәса рзы.

Аполитикатә партиақәа алхратә ҭыԥхадақәа зегьы рҿы кандидатурак ықәдыргыларц азы азин рымоуп.

Аҟәа. Ажьырныҳәамза 21, 2022 шықәса. Аԥсныпресс.  Аԥсны иҟоу Урыстәылатәи Афедерациа Ацҳаражәҳәарҭа иҟанаҵо адыррақәа рыла, ажьырныҳәамза 28, 2022 шықәса, асааҭ  10:00 - 13:00 рҟынӡа Гагра ақалақь (амилициа араионтә ҟәша аҟны) ирхиоу урыстәылатәи аҳәаанырцәтәи атәылауаҩшәҟәқәа рыҭара еиҿкаахоит, ҳәа иаанацҳауеит Facebook.    аҿы Урыстәылатәи Афедерациа Ацҳаражәҳәарҭа адаҟьа.

Атәылауаа ирымазароуп ажәытә тәылауаҩшәҟәы.

Аҟәа. Ажьырныҳәамза 20, 2022 шықәса.  Аԥсныпресс. Ԥхынҷкәынмза 21, 2021 шықәса рзы аҭыԥ змаз исанкциадоу амитинг иалахәыз Анри Инаԥшьба  идукатцәа иаларҵаз акассациатә шшабӷьыц Иреиҳаӡоу аӡбарҭа ала ахәаԥшра ахдырԥеит.    

Иахьа Анри Инаԥшьба идукатцәа Аҟәатәи ақалақьтә ӡбарҭа ажьырныҳәамза 13, 2022 шықәсазы Анри Инаԥшьба  ихьырхәра аҳасабала мызкы иҭакра алхразы иаднакылаз аӡбамҭа аԥыхразы иаларҵаз ашшабӷьыц  ахәаԥшра азԥхьагәаҭан.

Аҟәа. Ажьырныҳәамза 20, 2022 шықәса. Аԥсныпресс. Ҿыц еиҭашьақәыргылаз Ҭҟәарчалтәи араионтә хәышәтәырҭа Хада аҿы ажьырныҳәамза 18 рзы раԥхьатәи ахшараиурацхырааратә операциа - (кесарево сечение) мҩаԥган. Абри азы Аԥсныпресс акорреспондент диҿцәажәо адырра ҟалҵеит ахәышәтәырҭа аҳақьым Хада Лали Гаргәылиа.

«Ажьырныҳәмза 18 рзы зцәа зтәымыз аԥҳәыс  амедицинатә рбагақәа рыла ахшараиурацхырааратә операциа лызун. Диит аҷкәхын. Уи икапан 3 кьылаки 600 грамми рҟынӡа инаӡоит. Ани асабии рҭагылазаашьа хар амам», - ҳәа адырра ҟалҵеит Лали Гаргәылиа.

Аҳақьым Хада лажәақәа рыла, уаанӡа ас еиԥш аоперациақәа рымҩаԥгара азы зцәа зтәымыз аҳәса Аҟәаҟа идәықәырҵон.

Аҟәа. Ажьырныҳәмза 20, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Минтимер Шаимиев ииубилеи идиныҳәалеит. Иара 85 шықәса ихыҵит.

 

Адныҳәаларатә цҳамҭаҟны иазгәаҭоуп: 

 

«Ҳаҭыр зқәу Минтимер Шарип-иԥа,

Ҳаҭырла сшышәзыҟоу агәра шәырго, гәык-ԥсык ала ишәыдысныҳәалоит шәиубилеи. 

Шәара шәнысымҩа Аԥсадгьыл гәык ала амаҵ ауразы иҿырԥшыганы иҟоуп. Шәара иузымыӡбо зҵаара ыҟаӡам ҳәа изыԥхьаӡо ҳәынҭқарратә усзуҩуп. Напхгара ззыжәуа Ареспублика Ҭаҭарстан Урыстәылатәи Афедерациаҟны аҿиара иаҿу арегионқәа раԥхьа игылоуп. Шәара есқьынгьы ишәныԥшуан аполитикаҿы агәагьра, аҟәыӷара, набыцра змам ахьӡ шәыман. Иахьагьы ишәылшаз азырханы шәаанымгылакәа, ажәлар рыхьӡала шәусура иацышәҵоит. 

Аҟәа. Ажьырныҳәамза 20, 2022 шықәса. Аԥсныпресс. Риҵатәи ареликтә милаҭтә парк 2021шықәсазы иаҭааз атуристцәа рхыԥхьаӡара азы адыррақәа аланарҵәеит.   

Зынӡа иҳаҩсыз ашықәс азы иҭиин 716 662  апарк аҭаларазы абилеҭқәа. Урҭ рыхәԥса 241 млн мааҭ иреиҳауп, урҭ рахьынтә 678 714 билеҭ  - зықәра наӡоу рзы ауп, 37 948 – ахәыҷқәа рзы ауп.

Аҟәа. Ажьырныҳәамза 19, 2022 шықәса. Аԥсныпресс. Аԥсны адәныҟатәи аусқәа рминистр Инал Арӡынба Аԥсны аус зуа инапхгаратәым жәларбжьаратәи аиҿкаарақәа рхаҭарнакцәа дырԥылеит.  Инал Арӡынба Аԥсны аус зуа аиҿкаара World Vision анапхгаҩы Оксана Лашәриеи ахҵәацәа русқәа рзы Даниатәи Ахеилаки аҳәанҭқарратә мчра аусбарҭақәеи реимадара аиҿкаара азы акоординатор  Ада Џьынџьолиеи, Аԥсны иҟоу Еиду милаҭқәа Реиҿкаара аҿиара Апрограмма (ПРООН) аофис аиҳабы инапынҵақәа назыгӡо Рафис Абазови идикылеит, ҳәа иаанацҳауеит Аԥсны адәныҟатәи аусқәа Рминистрра аофициалтә саит.

Акоординаторцәа рыҿцәажәараан Аԥсны аус зуа жәларбжьаратәи аиҿкаарақәеи  атәыла адәныҟатәи аусқәа Рминистрреи рыбжьара аусеицура иадҳәалоу актуалра злоу азҵаарақәа ирзааҭгылеит. Инал Арӡынба асоциал-економикатә ҿиара, имаҷу ибжьаратәу абизнес ацхыраара аҭара,  аграртә сектор аҿиареи агуманитартә цхыраареи ирзырхоу апроектқәа хра злоу ахәшьара аиҭеит.  Убри аан аминистр Аԥсны инагӡахо апроектқәак алмыршазароуп ҳәа иазгәеиҭеит.

Аҟәа. Ажьырныҳәамза 19, 2022 шықәса. Аԥсныпресс. Аԥсны Ауаажәларратә Палата аҟны  ауаажәларратәии аполитикатәии аусзуҩцәа, арҿиаратә интеллигенциа ахаҭарнакцәа рԥылара мҩаԥысит. Аиԥылара ахыркәшамҭаз  Ауаажәларратә Палата амаӡаныҟәгаҩ Гәыли Кьычба, Аԥсны зҽаԥсазтәыз артист Кьасоу Ҳагба, аԥарақәа Рмузеи адиректор Асҭамыр Ҭаниа, ашәҟәыҩҩы Даур Наҷҟьебиа, Аԥсны аҳәса рассоциациа анапхгараҭара ахантәаҩы Наҭелла Акаба ажурналистцәа ирыҿцәажәеит.   

Гәыли Кьычба: «Аиԥылара алахәылацәа ииашаны  ргәаанагарақәеи рхәыцрақәеи ҳарҳәеит. Ҳаԥхьаҟа анапхгареи аоппозициеи ауаажәларреи рхаҭарнакцәа алархәхны аиԥш-зеиԥшу аконсультациақәа мҩаԥгахоит. Арҭ аиԥыларақәа реихшьаалақәа рыла Амеморандум еиқәыршәахоит. Уи зегьы ражәалагалақәеи ргәаанагарақәеи анылоит».

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me