16 Рашәара 2021

АЖӘАБЖЬҚӘА

Аҟәа. Рашәарамза 10, 2021 шықәса. Аԥсныпресс. Аԥсны Ахада Аҳәынҭқарратә университет аҟны имҩаԥысуа Алингвистикатә форум ихы алаирҳәит.

Аслан Бжьаниа иқәгылара атекст аҟны, ҷыдала, иазгәеиҭеит:

“Ҳаҭыр зқәу алингвистикатә форум алахәылацәа!

Иахьа ара ишьҭыху азҵаара ҳажәлари аҧсуа ҳәынҭқарреи рзы ихадоу азҵаарақәа ируакуп.  Ирҳәоит ажәлар ыҟоуп ҳәа зхатәы бызшәа зҳәо дыҟанаҵы.
Сара абри иацысҵар сҭахуп даҽакгьы - аҧсуа ҳәынҭқарра ыҟазаауеит, аҧсуаа аҧсышәала ицәажәонаҵы, ҳҳәынҭқарра аҧсшәа цәа аханаҵы.
Сара агәра ганы сыҟоуп ус наунагӡа ишыҟало, аха уи азы иҟаҵатәу даара ирацәоуп.

Аҟәа. Рашәарамза 9, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Мушьни Лашәриа Урыстәылазегьтәи Апатриархиа алитературатә премиа ианашьара идиныҳәалеит.

Аҟәа. Рашәарамза 4, 2021 шықәса. Аԥсныпресс. Урыстәылатәи Афедерациа аенергетика Аминистрра аҿы аминистр ихаҭыԥуаҩ Евгени Грабчаки Аԥсны аԥыза-министр ихаҭыԥуаҩ, аекономика аминистр Кристина Озгани русуратә еилатәара мҩаԥысит. Аиԥылара иара убас рхы аладырхәит  ахолдинг «Интер РАО», аилазаара  Иаарту Акционертә Еилазаара (ПАО) «Российские сети», иара убас аиқәыршәаҩцәа - афымцамч ахархәара аҳасаббара априборқәа рҭыжьыҩцәа.

Аҟәа. Рашәарамза 4, 2021 шықәса. Аԥсныпресс. Ашәахтәқәеи аизгақәеи Рминистрра ҳазҭоу ашықәс хәымз иалагӡаны инанагӡаз аусурақәа реихшьаала аҟаҵара иазкын иахьа аԥыза-министр Алеқсандр Анқәаб Аминистрреи уи иаҵанакуа арегионалтә ҟәшеиҵақәеи рнапхгаҩцәа алархәны имҩаԥигаз аилатәара, ҳәа иаанацҳауеит Аԥсны аминистрцәа Реилазаара апресс-маҵзура.

Аҟәа. Рашәарамза 4, 2021 шықәса. Аԥсныпресс. Аҟәатәи ақалақьтә клиникатә хәышәтәырҭа аҿы рашәарамза 4  рзы акоронавирустә ҿкы чымазара COVID-19 азы авакцинациа амҩаԥгаразы апункт аатит.  Атәылауаа авакцинациа азы рҽанырҵар ҟалоит абри аҭел ала: (+7 940) 717 92 40. Авакцинациа иара убас имҩаԥыргоит аҟәатәи аполиклиникақәа №1, №3 аҿы.

Акоронавирустә ҿкы чымазара аҟынтәи авакцинациа Аԥсны лаҵарамза 11 рзы ихацыркын,  алаҵа ҟарҵоит урыстәылатәи амаҭәашьар  «Спутник V» ала. 

Аҟәа. Рашәарамза 4, 2021 шықәса. Аԥсныпресс. Рашәарамза 3, 2021 шықәса рзы Аԥсны апрокуратура Хада аҿы Қьамал Арӡынба ишьра азы аусеилыргара шымҩаԥысуа азы инарҭбаау аоперативтә анапхгарабжьаратәи аилатәара мҩаԥысит. Аилатәара рхы аладырхәит Аҟәа ақалақь апрокуратура, Аҳәынҭқарратә шәарҭадара азы Амаҵзура, аҩныҵҟатәи аусқәа Рминистрра, аҩныҵҟатәи аусқәа Рминистрра Аҟәа ақалақь  Аусбарҭа. Аилатәара лаҵараза   18, 2021 шықәса рзы, Абырба имҩаду ала игылоу  аҩнеихагыла  №9 ашҭаҿы  иҟалаз Арӡынба Қьамал Нодар-иԥа ишьра азы аусеилыргара шымҩаԥысуа аилыргара иазкын. 

Аҟәа. Рашәарамза 4, 2021 шықәса. Аԥсныпресс. Москва ақалақь аҿы Аԥсны Ахәаахәҭра-Ааглыхратә Палатеи Урыстәылатәи аритеил аџьармыкьа аекспертцәа Рассоциациеи аусеицура азы аиқәшаҳаҭра рыбжьарҵеит. Аусмҩаԥгатә лаҵарамза 31 инаркны рашәарамза 4, 2021 шықәсанӡа имҩаԥысуа абизнеси амчреи рзы VII Жәларбжьаратәи афорум «Урыстәылатәи Аритеил амчыбжь» аҳәаақәа ирҭагӡаны имҩаԥысит.  Аԥсуа ган аҟынтәи аиқәшаҳаҭра лнапы аҵалҩит Аԥсны Ахәаахәҭра-Ааглыхратә Палата апрезидент Ҭамила Мерцхәлаа, урыстәылатәи аган аҟынтәи – Урыстәылатәи аритеил аџьармыкьа аекспертцәа Рассоциациа апрезидент, абизнеси амчреи рзы VII Жәларбжьаратәи афорум «Урыстәылатәи Аритеил амчыбжь» Анапхгараҭара адиректор  Андреи Карпов.

Аиқәшаҳаҭра анагӡара хықәкыс иҟаҵаны аганқәа абарҭ ахырхарҭақәа рыла аусеицура азԥхьагәарҭеит: 

- апрофильтә хырхарҭақәа рыла аспециалистцәа радыԥхьаларала арҵаратә семинарқәа, атренингқәа, уҳәа егьырҭ аусмҩаԥгатәқәа реиҿкаареи рымҩаԥгареи; 

- аҩганктәи аконсультациақәа, аусуратә еиԥыларақәа, атематикатә семинарқәа, астол гьежьқәа, уҳәа аҩганк рзы аинтерес зҵоу апроблемақәеи, аԥшьгарақәеи рыӡбара азы  ажәалагалақәа реиқәыршәара иазку аусмҩаԥгатәқәа рымҩаԥгара;

Аҟәа. Рашәарамза 4 2021 шықәса. Аԥсныпресс.  Башкиртәи аҳәынҭқарратә аопери абалети ртеатр агастрольқәа рымҩаԥгаразы Аԥсныҟа иаараны иҟоуп, ҳәа иаанацҳауеит Аԥсны акультура Аминистрра апресс-маҵзура.

Рашәарамза 22 рзы С.Иа.Ҷанба ихьӡ зху Аԥснытәи аҳәынҭқарратә драматә театр аҿы ахәаԥшцәа идырбахоит Башкиртәи аопери абалети ртеатр инанагӡо амузыкатә лакә «Аҳауа иалоу аӷба». Ари абзиабареи анасыԥи ирызку  иԥшӡоу иразу ахҭыс азы ажәабжь аиҳабацәа реиԥш ахәыҷқәеи еилыркаартәы аинтересс ркыртә еиԥш ишьақәгылоуп.  Анашанатә тәыла аҿы иубоит апринцесса Забава, Вини-ауаџьаҟрыцқьаҩ, Бабок-хьаԥарч, Аҳәынҭқар, Аӡаҵантәи Аҳ, Полкан (Аминотавр), уҳәа згәахәтәы ахьӡара иашьҭоу зегьы иџьашьаху рыхҭысқәа. «Аҳауа иалоу аӷба»  анагӡара иацу амузыка иеихьӡылоу амультфильм ала зегьы еицырдыруа ашәақәа «Сара соуп аӡаҵантәи Аҳ», «Бабок-хьаԥарч ахьӡыртәрақәа», «Агәахәтәы азы ашәа», – рыдагьы Иури Ентин иажәеинраалақәа рыла Максим Дунаевски атеатралтә қәыргыларазы ҷыдала иаԥиҵаз иҿыцу ашәақәагьы алагалоуп. Алакә «Аҳауа иалоу аӷба» арежиссиор-Урыстәылатәи Амилаҭтә театралтә премиа «Ахьтәы сабрада» алауреат Филипп Разенков. Аспектакль асахьаҭыхыҩ-ақәыргылаҩ – Урыстәыла зҽаԥсазтәыз  асахьаҭыхҩы, Удмуртиа аҟазара зҽаԥсазтәыз аусзуҩ Владислав Анисенков. Адирижиор-ақәыргылаҩ – жәларбжьаратәии урыстәылазегьтәии аконкурсқәа рлауреат Александр Алексеев.

Аҟәа. Рашәарамза 2, 2021 шықәса. Аԥсныпресс.  Аԥсны аԥыза-министр Алеқсандр Анқәаб Аҳәынҭқарратә ҳазылхратә Еилакы ахантәаҩы Оҭар Хьециеи уи ихаҭыԥуаҩ Алиас Лабахәуеи алархәны аусратә еилацәажәара мҩаԥигеит.

Аҟәа. Рашәарамза 2, 2021 шықәса. Аԥсныпресс. Аԥсны анаукақәа Ракадемиа аҿы «Аамҭа иҭагӡоу атрадициақәа» ҳәа хыс измоу  Виктор Гацак игәалашәара иазку Аҩбатәи Жәларбжьаратәи анаукатә аԥхьарақәа мҩаԥысуеит. Аҳәынҭқарра Ахада Аслан Бжаниа ихьӡала афорум алахәылацәа рахь адныҳәаларатә шәҟәы даԥхьеит анаукеи акультуреи рзы Аҳәынҭқарра Ахада иабжьгаҩ Ныгәзар Логәуа.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
МИНИСТЕРСТВО ЭКОНОМИКИ РЕСПУБЛИКИ АБХАЗИЯ<br>Официальный сайт
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me
© 2018 Your Company. All Rights Reserved. Designed By Tripples